Dwata 8:5 - Udél Dwata: Gna Kesfasad ne Lomi Kesfasad

⁵ Ni mò hendem ye, yó gel nmò yóm sana kuy Dwata hol gónó mogot wen gónón gel hemtedeng kuy ne wen gónón gel tmafak kuy lómón se yóm mà gel tnafaken yóm ngaen.

Dwata 8:5 Referans Kwoze

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Kem Udél Hlalak Tehe Selumun 3:12

Yakà gel tnedeng Dwata du yóm kun kenbong nawa lómón yóm mà ke kenbong nawahen yóm ngaen logi sal gel tnedengen.

2 Samwél 7:14

Ou se angat maen, ne du se angat ngau. Ke wen salà nmoen, tnafaku lómón ktafak mà yóm ngaen logi bede hlanu bè yó kem dumu benwu hmilol.

1 Kurin 11:32

Okóm ke wen gónó yóm gónó tekuy mogot tmafak tekuy, yó se mò gónón hemtedeng tekuy anì là gomong tekuy megtuled bè yó kem tau là hemtahuhen.

Kem Lingón 94:12

Ó Dwata, hligal le kul yó kem tau deng wen gónóm semtódô kul, dalang se yó kem tau wen gel tolokem kul lemwót bè kóm hlau.

Isikél 18:28

Lemwót bè yóm tendo kehedemen du yóm ksideken yóm gel nmoen ne tódô knogolen yóm kmoen sidek, angat mowil yóm tau yó, là kóen kendel matay.

Kem Lingón 89:32

angat tey ktafaku kul bè yó kem salà le yó anì na le hol glayam lemwót bè yó kem sidek nmò le.

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Dwata 4:23

Hol ye eles temgama anì là klifót ye du yóm deng kesfasad ye Dwata. Hol nimón ye yóm kun hlau kuy anì là gmò ye du kihu kay dwata lennged

Isaya 1:3

Mom hyu he yó kem safì gotu tngón le yóm fun le. Senged se yó kem kudà gotu tngón le yóm gónón hemken kul yóm kul fun. Bede yó kem dou tau Israél là kô tngón le du kul. Bà udì ke glileb le yóm deng nmou bélê le.”

Dwata 4:36

Hfungolen kuy yóm udélen gu bè longit mò gónón semtódô kuy. Ne dini talak tonok tehe hegfanen bélê ye yóm tey ofi lemwót gu bè yóm gónón mudél.

Dwata 8:6

Yó gónóm mon, hol nmò ye yóm deng hlau Dwata kuy. Bè yóm klawi ye mowil, hol lolò ye yó kem kun hlau kuy mung du yóm klikò ye du.

Kem Udél Hlalak Tehe Selumun 13:24

Là kóen bong nawahem du yóm ngaem ke olom beyen móló mfes sok sidek nmoen, okóm ke kenbong nawahem yóm ngaem tendo tnedengem anì gulit.

Kem Udél Hlalak Tehe Selumun 3:11

Ó Man, béem hentólóng ke wen gónón semtódô kóm Dwata ne béem kensidek nawa se yóm ktedengen kóm.