Dwata 8:3 - Udél Dwata: Gna Kesfasad ne Lomi Kesfasad

³ Sotu tehe tilówen kuy, hbitilen yu ominen yó wen mana blayen kuy mò ken ye, yóm ken là deng hnikót ton ye du dalang se yó kem tehe fù ye. Yó gónón mò du yóm yó mò gónó ye temngón du là olon du bè ken gónón mowil tau, okóm mowil le bè kdéen yóm udél Dwata.

Dwata 8:3 Referans Kwoze

Matyu 4:4

Okóm yó balà Jisas du, monen, “Là kô yó du! Igoen deng mon du bè Sulat Dwata, ‘Là són du ken gónón mowil tau, okóm bè kdê yóm Udél Dwata se tahu hlowil du.’ ”

Kun Snulat Luk 4:4

Okóm yó balà Jisas du, monen, “Yó monen bè Sulat Dwata, ‘Là kô són du ken gónóhen mowil tau.’”

1 Kurin 10:3

Ne gotu le se gbót mken du yóm ken blay Dwata kul, ne ninum le se yóm él blayen kul. Gotu le se minum du yóm él hsut Dwata gu lem botu.

Kem Lingón 37:3

Holi smalig bè Dwata dé, ne nmoem yóm hyu. Tódói henek ta yóm tonok blay Dwata kóm, ne laen kô sembeweg kóm bè yó.

Kem Lingón 105:40

Bè yóm igò le mógów, mni le utón bè Dwata. Tahu se, wen holò lembang hwit Dwata ebélê le. Wen mana hebtangen ebélê le gu bè longit mò ken hegsengel nawa le.

Dwata 9:9

Yó se yóm kdaw tehe knóu ta Bulul Sinay bè yóm naw e kangay yó kem botu kufil gónó Dwata smulat yó kem hlauhen kuy, yóm deng senfasad ye Dwata. Botong fat folò butengu nô bè yó, balù udì ke mkene duhen ke minume.

Dwata 32:47

Nim tolok ni, là kô tolok hkawang du, ni se hol tolok gónó ye mowil. Nimón ye anì legen knô ye tahen yóm tonok móyón nfun ye nô fi fatu Él Jurdan.”