Dwata 8:2 - Udél Dwata: Gna Kesfasad ne Lomi Kesfasad

² Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Dwata 8:2 Referans Kwoze

Sulat Jim 1:3

Abay se tngón ye se yó kem tilów bè kehtahu ye, yó uléken khulung hbala.

1 Pitér 1:7

Yó gónón tmilów kuy anì gfan ke hol tahu duhen yóm kehtahu ye duhen ke là. Yóm kehtahu ye, lómón ke yóm blówón gel hlan le bè ofi anì gfan yóm hol tahu duhen. Bong bè yóm blówón, olo kem hlun kimu. Okóm yó dum kehtahu ye, bong muhen senta yóm blówón. Milud he ktilów Dwata du anì tngónen ke hol tahu duhen. Ke là lanahen, tey kdóyónen kuy bè yóm kdaw bud kesfulék Jisas edini, lelen tey hegeta kuy ne tey kadaten kuy.

Dwata 8:16

Bè yóm knô ye lem yóm benwu laen hol wen tauhen yó, wen mana blayen kuy mò ken ye, yóm ken là deng kul hnikót ton du yó kem tehe fù ye. Gel wen yóm tilów mgel hwit Dwata ebélê ye mò gónón tmilów kuy ne mò kuy kehyu.

Kehewà 16:4

Omin Dwata mon du mò ke Musis, “Wen ken hkulónu gu bè longit mò ken yóm kdê ye. Lemwót yó kem tau, ket kdaw le hewà na le e ma mò ken le bede olon sfeng bè sendaw yóm gel nwa le. Bè nim hlolou kul ni gónóhu tmilów kul ke glolò le yóm hlolou kul.

2 Tutul Israél 32:31

Okóm bè yóm kdaw kwen kem genlal lemwót bè Babilun na a hemtukul smólók yó kem hentaw ton deng ton le bè Juda, yó nmò Dwata, tódô bayaen Hisikaya anì bè yó gónón temngón du yóm hol nô bè nawa Hisikaya.

Kehewà 15:25

Tódô hotu Musis nawahen mni bè Dwata. Kogol yóm knihen, wen ngà koyu hton Dwata du, htudaen du elem yóm él ne baling hyu minum du yóm él yó. Bè yóm benwu Mara yó, wen hlolò Dwata kul yó kem tau Israél mò gónón tmilów kul.

Sulat Jim 4:10

Heglaan ye dé bè yóm gónó ye mogot, du he hegeta kuy.

Kun Snulat Jan 2:25

Laen dù bud muhen tmulón du béléen yóm kmò le, abay se deng eles tngónen yóm nô lem hendem le.

Sulat Jim 4:6

Okóm tey bong któbóng Dwata tekuy senta yóm óyô mò sidek. Wen bud monen bè Sulat Dwata, yóm monen, “Tey kekbê Dwata du yóm tau hegeta knô. Bede tey któbóngen du yóm tau hulung heglaan béléen.”

Kun Snulat Luk 18:14

Tódô tulónu kuy ktahuhen,” mon Jisas, “bè yóm kuléken ebè gónóen nim tau gel mtuk bwis ni, deng baling tedeng kton Dwata du. Fen là kun yóm Farisi yó koni. Yó gónóm mon, yóm tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Amus 2:10

Ou se tehe hewà kuy gu bè Idyip ne fat folò halayu malak kuy gu lem yóm benwu laen hol wen tauhen ne hfunu kuy yóm tonok yó kem tau Amurayt.

Isaya 2:17

Bè yóm kdaw yó, angat gesón yóm kehegmón tau ne yóm kehegeta le knô. Ne yó kem dwata kéng deng gel nmò le là kô bud tonem kul ne. Tek són sem Dwata yóm hol hegeta bè yóm kdaw yó.

Kem Udél Hlalak Tehe Selumun 17:3

Bè ofi gónó tau tmilów du yóm tembaga futì ne yóm tahu blówón ne Dwata se fen tmilów du yóm nô lem but blutut tau.

Kem Lingón 136:16

Hol dóyón tekuy Dwata, yóm malak yó kem tauhen lem yóm benwu laen hol wen tauhen. Laen kô dù tul sónen yóm kbong nawahen tekuy là monolen.

Kem Lingón 106:7

Bè yóm tehe knô le bè Idyip yó kem tehe fù me, là hol kenmón le du yó kem hentaw ton gel nmò Dwata, là hol hendem le du yó kem tey dê nmoen gónón hegfan du yóm kbong nawahen kul. Ditu bè Mohin Hulô, deng mom natù le.

Kem Lingón 81:7

Bè yóm kwen gfà ye, gel tnaba ye ou, ne deng lenwau se yu. Bnalau yu gu lem yóm lobun gónón lemwót leték. Deng tnilówu kehtahu ye ditu bè benwu Miriba bè yóm alì ktalaw ye lanen laen dù él.

Kem Lingón 77:11

Gehedemu yó kem tehe nmò Dwata. Gehedemu yó kem tey hentaw ton tehe nmoem bè gnan kdaw ekni.

Job 33:17

Mudél ebélê le anì tenflok le yóm kmò le salà ne anì là bud le gfét bè yóm kehegeta le knô le.

2 Tutul Israél 33:12

Yóm igoen alì meflayam ditu, bud hnebel Manasi yóm sana kun Dwata hol gónó mogot, ne tey ktabahen ebéléen, mung du yóm keheglaanen bè yóm Dwata yó kem tehe fuen.

Dwata 13:3

Hol bê ye abay kenmón yóm udélen ebélê ye yó. Yóm nmoen yó mò gónó Dwata tmilów kuy, yóm sana kuy Dwata hol gónó mogot, mò gónón hménég du ke hol lemwót lem nawa ye yóm kbong nawa ye du.

Dwata 7:18

Bê ye abay hlikò bélê le. Yó dé hentulón ye nawa yóm tehe nmò yóm sana kuy Dwata hol gónó mogot bè Faro bè Idyip ne bè kdê yó kem tauhen.

Dwata 1:3

Okóm botong fat folò halay le ne deng kegen le tmagak yóm benwu Idyip yó kem tau Israél. Ne bè yóm tanay kdaw bè yóm gesfoloen sotu bulón bè yóm gfaten folò halay yó, gotu tulón Musis yó kem tau Israél yó kem htulón Dwata du bélê le.

Tekang Kbuten 22:1

Kogolen bè yó, tnilów Dwata Abraham ke tahu yóm kimónen du, tnabahen, monen, “Ó Abraham.” Mon Abraham se, “Hó. Ni ou.”

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.

2 Tutul Israél 33:19

Yóm kni Manasi ebè Dwata ne yóm kbalà Dwata du, ne yóm kdê salà deng nmoen gu laanen là deng hegsel, ne yóm kehefdaen yó kem gónô tmaba ebè dwata kéng, ne yóm kehefdaen yóm hehek yóm dwata libun boluyen Asira, ne kdê yó kem dwata kéng tehe gónón e gel tmaba, deng gotu snulat bè Bok Yó Kem Tau Wen Hton Dwata Kul.

Kehewà 16:35

Botong fat folò halay kegen le mken mana yó kem tau Israél efet le kól bè Kanan, yóm benwu hlós gónó le henek nô.

Kehewà 20:20

Mon Musis se mò kul, “Bê ye abay hlikò. Yó gónó Dwata hegfan bélê ye nan e tnilów yu. Ne lemwót bè yóm klikò ye ke Dwata, yó gónón wen klikò ye mò salà.”

Lista 14:33

Yó kem ngà ye, nan fat folò halay kegen le smidok menwu lem nim benwu laen hol wen tauhen ni lan le mbô yóm là kgulit ye. Smidok le menwu efet ye deng gotu matay yu kem tau là mimón ke Dwata.

Kmukum 2:22

Yó muhu du ni kem dù tau tebel ni mò gónóhu tmilów yó kem tau Israél ke tahu nimón le ou lómón yóm tehe kimón yó kem tehe fù le ekni.” Yó se udél yóm sana kul Dwata yó kem tau Israél.

Nihimaya 9:19

Okóm lemwót bè yóm kkoduhem kul, là tódô bayaem kul matay ditu lem yóm benwu laen hol wen tauhen. Là kô kóhem du bélê le yóm lobun malak kul ke kemdaw, dalang se yóm ofi mò hlayag kul ke kifu.

Dwata 32:7

Hentulón ye nawa dé yóm tehe nmò Dwata ekni. Snólók ye mà ye anì tulónen kuy yóm tehe kmoen bè yóm kdaw yó. Snólók ye yó kem tuha anì tulón le kuy.

Kem Lingón 103:2

Tey kdóyónu ke Dwata. Là kô naw e klifót du yóm tey kehyu nmoen.

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’