Dwata 8:18 - Udél Dwata: Gna Kesfasad ne Lomi Kesfasad

¹⁸ Hol hentulón ye nawa, kaem lemwót bè yóm sana kuy Dwata hol gónó mogot yóm kwen kendengen ye. Yó gónón mò du bélê ye yóm yó, abay se là gbeken kmifót du yóm deng senfasad le yó kem tehe fù ye.

Dwata 8:18 Referans Kwoze

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Husiya 2:8

Là kô dog hendemen du yóm libun yó ou se gónóhen gu lemwót yóm halayen ne tifas grépen ne hnolo uliben dalang se yó kem tey blówón bukayen ne yó kem tahu blówón gel blayen ke sok tmaba ebè Baal.

Dwata 7:8

Okóm kenbong nawa Dwata yu ne là gbeken du ke là hendohoen du yóm tehe fasaden yó kem tehe fù ye. Yó se gónón lemwà kuy mlan bè yóm tey kegbeken, lenwaen yu bè yóm keghesek ye bè Faro bè Idyip.

Dwata 7:12

Ke hol hnungol ye yó kem hlau Dwata yó koni ne ke teneb ye mimón du, yó se gónó Dwata dmohò du yóm fasaden kuy ne hegfanen bélê ye yóm kbong nawahen kuy, yóm nawa là monolen lómón yóm deng fasaden yó kem tehe fù ye.

Kem Lingón 144:1

Tey kdóyónu ke Dwata, lómón ke du yóm botu bong gónów gel heklung. Toloken o mit sgida, ne wen kenhulung mit sfatay blayen do.

Dwata 26:10

Duhen ni, nwitu ebè Dwata dumuhen nim tanay nuta deng blayen dou.’ Omin ye hemsù yóm abì bè solu Dwata ne dóyón ye Dwata bè.

Kmukum 7:2

Yó mon Dwata mò ke Gidyun, yóm sana kul Dwata hol gónó mogot, “Tey alì gedlug kwen le yó kem tauhem mò mit sgida bè yó kem tau Midyan. Ke hlusu lu sgida yóm kdê le ne ke deng hegmou lu déke mom le heklabak, ofo kul ke lemwót bè kul kgis yóm kegmò le.

1 Samwél 2:7

Bè Dwata se gónón lemwót yóm kélél ne bud du se gónón lemwót yóm kendengen. Wen se tau heglaanen, ne wen se hegetahen.

2 Tutul Israél 25:9

Snólók Amasaya yóm tau Dwata yó, “Tedu tô kmou du se yóm tey blówón bukay deng blayu yó kem sendalù Israél mò sukéy le?” Bnalà yóm tau Dwata, monen, “Glukas bè yó he yóm bud blay Dwata kóm.”

Kem Lingón 44:3

Ke mlan bè sudeng yó kem fù me, là kô guta le du yóm tonok yó. Yóm kegmò le, là lemwóten bè kekgis le, okóm mlan bè yóm tey kegbekem. Yó gónó le gemmò, hol lemwót bè yóm kbong nawahem kul ne bè yóm kehyu nawahem ebélê le.

Kehedem Tau Tmolok 9:11

Bud wen sotu tonu talak tonok. Yóm tau alì hlóng mlóy, là kô du du yóm gel gemmò bè skuya. Ne yóm sendalù alì kemgis, là kô du du yóm gel gemmò bè gida. Yóm tau alì hulung hedem, là kô du du yóm gel wen klowilen. Ne yóm tau wen kenhulungen, là kô du du yóm gel wen kendengenen. Ne yó kem tau alì wen hennagì le là kô són lu du yóm wen gónón e kól klowil le. Abay se tódô sut bè ket tau yóm kun bagì.

Kehedem Tau Tmolok 12:1

Duhen yó, hol hentulónem nawa yóm Dwata tehe mifil kóm yóm igoem tolo lomi tau. Hol nadatem gu laanem là deng tuha. Abay se ke dengi tuha laen kô dù bud kligalem bè klowilem.

Dwata 6:11

Yó kem gónô bè yó kem syudad blayen kuy yó tódô hnok lemen yó kem kimu alì hyu, kem kimu là tehe yu du hemsù du bè yó. Ne wen se kem kokol bè yó, kem kokol là tehe yu du mokol du. Wen se kem tey grép lamang nô bè yó ne wen tey koyu ulib mowil bè yó snéen, kem hulu là tehe yu du mulu du. Ke deng nwit Dwata yu ebè nim tonok monu ni ne ke deng ye gemtu bè yó kem ken ye bè yóm tonok yó,

Dwata 8:1

Yó bud mon Musis mò kul, “Yó kem hlau htugod Dwata dou ebélê ye kemdaw ni, hol ye hteneb mimón du anì mowil ye ne mból ye ne henek ye ta yóm tonok tehe fasad Dwata yó kem tehe fù ye.

1 Tutul Israél 29:12

Lemwót béléem yóm kendengen tau ne yóm kadat le kul, yakà uu du mogot yóm klamangen. Lemwót lem hólólem yóm tey kfasang ne yóm tey kegbek. Bud lemwót béléem yóm kegeta tau ne yóm kgis le.

Jirimaya 23:27

Yó atul le, lemwót bè yóm kna là tahuhen gel sentulón le yó, hendem le bè yó gónó le kmifót dou yó kem dou tau, lómón yóm tehe keklifót le dou yó kem tehe fù le bè yóm tehe ktaba le ebè Baal.