Dwata 8:17 - Udél Dwata: Gna Kesfasad ne Lomi Kesfasad

¹⁷ Yó gónóm mon, hol bê ye abay hendem ke deng lemwót bè kfasang ye ne bè kgis ye yóm kwen kendengen ye.

Dwata 8:17 Referans Kwoze

Dwata 9:4

Ke deng gotu lo Dwata lu bélê ye yó kem tau yó, hol bê ye abay tô hendem ke yó gónó Dwata mit kuy ebè yóm tonok yó nan e hfun kuy lemwót bè yóm tey ktedeng nmò ye. Là kô yó du. Kaem yó gónó Dwata mlo kul yó kem tau yó abay se hono kem tau mò sidek.

1 Kurin 4:7

Ilóem kmon ye ke geta ye senta yó kem dumu ye hemtahu. Wen kô tódô kun kenhulung yóm tau ke là lemwóten bè Dwata? Ke lómón yó, moen de ke tô nit ye hegmón yóm deng blay Dwata kuy?

Danyél 4:30

Yóm igoen temngel eta yóm syudaden, yó udélen, monen, “Ngem dé nim tey syudad Babilun ni, ke là se lemwóten bè yóm tey kegbeku, là kóen na a mdà mò gónóhu nô ne mò gónóhu hegfan yóm tey kegetahu.”

Dwata 7:17

Ni kem but tau knikò ye ni, hol bê ye abay hendem là gbek ye mlo kul abay se tey le wen senta ye.

Hbakuk 1:16

Omin le yó tmaba dwata bè yó kem huket le ne mtem le insinsu bélê le, yakà mon le du lemwót bè huket le kun yóm kwen kendengen le ne ktilob yóm gel ken le.

Kmukum 7:2

Yó mon Dwata mò ke Gidyun, yóm sana kul Dwata hol gónó mogot, “Tey alì gedlug kwen le yó kem tauhem mò mit sgida bè yó kem tau Midyan. Ke hlusu lu sgida yóm kdê le ne ke deng hegmou lu déke mom le heklabak, ofo kul ke lemwót bè kul kgis yóm kegmò le.

1 Samwél 2:7

Bè Dwata se gónón lemwót yóm kélél ne bud du se gónón lemwót yóm kendengen. Wen se tau heglaanen, ne wen se hegetahen.

Kem Lingón 44:3

Ke mlan bè sudeng yó kem fù me, là kô guta le du yóm tonok yó. Yóm kegmò le, là lemwóten bè kekgis le, okóm mlan bè yóm tey kegbekem. Yó gónó le gemmò, hol lemwót bè yóm kbong nawahem kul ne bè yóm kehyu nawahem ebélê le.

Kehedem Tau Tmolok 9:11

Bud wen sotu tonu talak tonok. Yóm tau alì hlóng mlóy, là kô du du yóm gel gemmò bè skuya. Ne yóm sendalù alì kemgis, là kô du du yóm gel gemmò bè gida. Yóm tau alì hulung hedem, là kô du du yóm gel wen klowilen. Ne yóm tau wen kenhulungen, là kô du du yóm gel wen kendengenen. Ne yó kem tau alì wen hennagì le là kô són lu du yóm wen gónón e kól klowil le. Abay se tódô sut bè ket tau yóm kun bagì.

1 Samwél 30:23

Okóm yó mon Dabid mò kul, “Bê, kem dumuhu setwoli. Bê tekuy abay sen-glom yóm deng blay Dwata bélê kuy. Deng tnóbóngen tekuy Dwata anì laen dù hemen te ne deng hegmoen tu bè yó kem hohon tekuy.

Job 31:25

ne ke yó buten yóm kligalu lemwót bè yóm kwen kendengenu ne lemwót bè yóm kdê nfunu, Dwata he hol tmafak do.

Kehedem Tau Tmolok 3:6

Wen se kdaw mebel ne wen se kdaw lemana. Wen se kdaw hemyu ne wen se kdaw mbot.

Jirimaya 9:22

Ne yó bud udél Dwata, monen, “Angat tódô bulét bè klamangen yó kem tau deng matay, lómón kbuléten kê ógóf ne lómón ke logom halay gtebel yó kem tau muta du ne laen kô dù tau bud semtifun kul.”

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”