Dwata 8:16 - Udél Dwata: Gna Kesfasad ne Lomi Kesfasad

¹⁶ Bè yóm knô ye lem yóm benwu laen hol wen tauhen yó, wen mana blayen kuy mò ken ye, yóm ken là deng kul hnikót ton du yó kem tehe fù ye. Gel wen yóm tilów mgel hwit Dwata ebélê ye mò gónón tmilów kuy ne mò kuy kehyu.

Dwata 8:16 Referans Kwoze

Dwata 8:3

Sotu tehe tilówen kuy, hbitilen yu ominen yó wen mana blayen kuy mò ken ye, yóm ken là deng hnikót ton ye du dalang se yó kem tehe fù ye. Yó gónón mò du yóm yó mò gónó ye temngón du là olon du bè ken gónón mowil tau, okóm mowil le bè kdéen yóm udél Dwata.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

Kehewà 16:15

Bè yóm kton le du yó kem tau Israél, là kô tngón le du ke tedu yóm yó ne gotu le ssólók, mon le, “Tedum ni?” Mon Musis se mò kul, “Ni se yóm ken blay Dwata kuy mò ken ye.

1 Pitér 1:7

Yó gónón tmilów kuy anì gfan ke hol tahu duhen yóm kehtahu ye duhen ke là. Yóm kehtahu ye, lómón ke yóm blówón gel hlan le bè ofi anì gfan yóm hol tahu duhen. Bong bè yóm blówón, olo kem hlun kimu. Okóm yó dum kehtahu ye, bong muhen senta yóm blówón. Milud he ktilów Dwata du anì tngónen ke hol tahu duhen. Ke là lanahen, tey kdóyónen kuy bè yóm kdaw bud kesfulék Jisas edini, lelen tey hegeta kuy ne tey kadaten kuy.

2 Kurin 4:17

Ke hendem me yóm tey kehyuhen yóm guta me hulin kdaw, élél tnalaw ni dum keglayam te tonok ni, tek olo kem likóten. Ke tódô henbala me nim ni, là kô gbek me hmingón du yóm alì kehyuhen yóm klowil laen dù sónen.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

Tekang Kbuten 22:1

Kogolen bè yó, tnilów Dwata Abraham ke tahu yóm kimónen du, tnabahen, monen, “Ó Abraham.” Mon Abraham se, “Hó. Ni ou.”

Kehewà 15:25

Tódô hotu Musis nawahen mni bè Dwata. Kogol yóm knihen, wen ngà koyu hton Dwata du, htudaen du elem yóm él ne baling hyu minum du yóm él yó. Bè yóm benwu Mara yó, wen hlolò Dwata kul yó kem tau Israél mò gónón tmilów kul.

Kehewà 16:4

Omin Dwata mon du mò ke Musis, “Wen ken hkulónu gu bè longit mò ken yóm kdê ye. Lemwót yó kem tau, ket kdaw le hewà na le e ma mò ken le bede olon sfeng bè sendaw yóm gel nwa le. Bè nim hlolou kul ni gónóhu tmilów kul ke glolò le yóm hlolou kul.

Kehewà 16:31

Yó boluy kem tau Israél du yóm ken yó, mana. Lómó kmoen lómón yóm ngà lem hulu bukay, lómó knómen lómón yóm mambang lufi wen tneben.

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Dwata 13:3

Hol bê ye abay kenmón yóm udélen ebélê ye yó. Yóm nmoen yó mò gónó Dwata tmilów kuy, yóm sana kuy Dwata hol gónó mogot, mò gónón hménég du ke hol lemwót lem nawa ye yóm kbong nawa ye du.

2 Tutul Israél 32:31

Okóm bè yóm kdaw kwen kem genlal lemwót bè Babilun na a hemtukul smólók yó kem hentaw ton deng ton le bè Juda, yó nmò Dwata, tódô bayaen Hisikaya anì bè yó gónón temngón du yóm hol nô bè nawa Hisikaya.

Kem Lingón 119:68

Tey hyu kmoem yóm uu, ne kdê yó kem nmoem, sal hyu. Hol tolokem do yó kem hlauhem.

Kehewà 20:20

Mon Musis se mò kul, “Bê ye abay hlikò. Yó gónó Dwata hegfan bélê ye nan e tnilów yu. Ne lemwót bè yóm klikò ye ke Dwata, yó gónón wen klikò ye mò salà.”

Job 42:12

Duhen yó, ya tey bud kuyag Dwata ke Job bè yóm dù kdawen mowil, mkay bè yóm gnahen he yóm bud któbóngen du ni. Yó bud kdê ubiha Job, botong sfolò fat libuhen ne nem libu kamélen ne lewu libu safien ne lemibu kudà asnuhen.

Kem Udél Hlalak Tehe Selumun 17:3

Bè ofi gónó tau tmilów du yóm tembaga futì ne yóm tahu blówón ne Dwata se fen tmilów du yóm nô lem but blutut tau.