Dwata 8:14 - Udél Dwata: Gna Kesfasad ne Lomi Kesfasad

¹⁴ hol bê ye abay hegmón ne bê ye abay klifót yóm sana kuy Dwata hol gónó mogot, yóm deng lemwà kuy gu bè Idyip, bè yóm benwu tehe gónó ye ghesek.

Dwata 8:14 Referans Kwoze

Kem Lingón 106:21

Deng klifót le Dwata yóm lemwà kul, yóm deng mò yó kem hentaw ton bè Idyip,

2 Tutul Israél 26:16

Okóm tikóng deng mbegel kegetahen, deng mom baling hegmón, ne yó se mit du btang. Deng gemsalà bè yóm Dwata kun gónó mogot lanen husek elem Gónô Dwata, ne tódô mtem insinsu ta yóm gónó le gel mtem insinsu bè yó lemen.

Dwata 8:11

Hol ye eles temgama anì là klifót ye du yóm sana kuy Dwata hol gónó mogot. Bè yó kem hlauhen htugoden do ebélê ye kemdaw ni, hol bê tô là nimón.

Jirimaya 2:31

Ó kem tau Israél, hol hnungol ye nim udélu ebélê ye ni, udél yóm sana kuy Dwata hol gónó mogot. Deng lómó kmou ebélê ye kô lómón ke ou yóm benwu là hyu menwu du hlós wen gónó ye élél du? Lómón ke ou kô yóm benwu alì mget kkifuhen, là ton ye du lan ye? Ke là tahuhen se yó, moen de ke mom mon ye là bud ye gfét béléu ne, ne là bud ye móyô semfulék ebéléu?

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

2 Tutul Israél 32:25

Okóm là kô bnalà Hisikaya du yóm tey kehyu nawa Dwata ebéléen, deng mom heklabak. Yó gónó Dwata alì lembut du, bud lenbuten snéen yó kem tau bè Juda ne bè Jirusalim.

Dwata 17:20

Lemwót bè yóm gel kesfalahen du, là kô gbeken du ke hegetahen knóen senta yó kem dumuhen Israél ne là se gbeken mulé du yó kem hlolò Dwata kul balù yó kem olo leneken. Ke ni se nmoen yóm tau hol geta, angat tahà kogoten benwu efet kól bè yó kem angat sfuhen. Balù hilu bud lugod le, tódô seflós kogot le yóm benwu Israél.”

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Dwata 8:13

ne ke deng temnù kem safì ye ne kem ubiha ye ne tahu blówón ye ne blówón bukay ye ne ke deng temnù yó kem dumu kimu ye,

Kem Lingón 78:7

Mlan bè nim ni, són Dwata ne nefet nawa le, ne là kô klifót le du yó kem deng nmoen bélê le, okóm tendo nimón le yó kem hlauhen kul yó.

Husiya 13:6

Okóm timbow ye deng gusek bè yóm tey tonok hyu ne deng wen ken ye ne deng ye bsow, deng ye mom baling hegmón, deng mom klifót ye o.

Dwata 5:6

‘Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye ghesek.

Dwata 6:11

Yó kem gónô bè yó kem syudad blayen kuy yó tódô hnok lemen yó kem kimu alì hyu, kem kimu là tehe yu du hemsù du bè yó. Ne wen se kem kokol bè yó, kem kokol là tehe yu du mokol du. Wen se kem tey grép lamang nô bè yó ne wen tey koyu ulib mowil bè yó snéen, kem hulu là tehe yu du mulu du. Ke deng nwit Dwata yu ebè nim tonok monu ni ne ke deng ye gemtu bè yó kem ken ye bè yóm tonok yó,

Dwata 13:6

Baluen he ke tô lifut stulón kóm yóm hol dumuhem setwoli logi, duhen ke ngaem logi ne ke ngaem libun, duhen ke yóm yehenem alì kenbong nawahem, duhen ke yóm wè hol dumuhem ston nawa, ke tô niten uu tmaba bè yó kem dumu dwata, yó kem dwata kéng là deng hnikót tnabahem du dalang se yó kem tehe fuem, hol béem abay kenmón.

Jirimaya 23:27

Yó atul le, lemwót bè yóm kna là tahuhen gel sentulón le yó, hendem le bè yó gónó le kmifót dou yó kem dou tau, lómón yóm tehe keklifót le dou yó kem tehe fù le bè yóm tehe ktaba le ebè Baal.