Dwata 8:11 - Udél Dwata: Gna Kesfasad ne Lomi Kesfasad

¹¹ Hol ye eles temgama anì là klifót ye du yóm sana kuy Dwata hol gónó mogot. Bè yó kem hlauhen htugoden do ebélê ye kemdaw ni, hol bê tô là nimón.

Dwata 8:11 Referans Kwoze

Kem Lingón 106:21

Deng klifót le Dwata yóm lemwà kul, yóm deng mò yó kem hentaw ton bè Idyip,

Kem Udél Hlalak Tehe Selumun 1:32

Yó kem tau là ngelem kehedem le matay le, lan le kembê yóm khulung hedem. Yó kem tau book meglà le se kul lemwót bè yóm là dog kehedem le du.

Kem Udél Hlalak Tehe Selumun 30:9

Déke alì wen gónóhu ma ne mom knogolu u ne monu laen dù muhu kóm. Senged se ke éléle déke gnagawe ne henyaku u Dwata.”

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Dwata 8:14

hol bê ye abay hegmón ne bê ye abay klifót yóm sana kuy Dwata hol gónó mogot, yóm deng lemwà kuy gu bè Idyip, bè yóm benwu tehe gónó ye ghesek.

Kem Lingón 103:2

Tey kdóyónu ke Dwata. Là kô naw e klifót du yóm tey kehyu nmoen.

Malakay 4:4

“Hol bê ye abay klifót mimón du yó kem tehe hlolò Musis kuy yóm tau tóbóng lówóhu. Ditu bè Bulul Sinay gónóhu tehe bemlay du yó kem dou hlau, ne yó kem dumu hlolou kul mò nimón yóm kdéen tau Israél.

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

Dwata 4:5

Deng gotu toloku yóm kdê hlau Dwata kuy, lómón yóm deng monen mò dou yóm sana Dwata hol gónóhu mogot. Hol nimón ye ke deng ye kól ta yóm tonok móyón hfun Dwata kuy.

Dwata 6:11

Yó kem gónô bè yó kem syudad blayen kuy yó tódô hnok lemen yó kem kimu alì hyu, kem kimu là tehe yu du hemsù du bè yó. Ne wen se kem kokol bè yó, kem kokol là tehe yu du mokol du. Wen se kem tey grép lamang nô bè yó ne wen tey koyu ulib mowil bè yó snéen, kem hulu là tehe yu du mulu du. Ke deng nwit Dwata yu ebè nim tonok monu ni ne ke deng ye gemtu bè yó kem ken ye bè yóm tonok yó,

Dwata 7:11

Yó gónóm mon, hol nimón ye yó kem hlau Dwata deng toloku kuy kemdaw ni.

Jirimaya 23:27

Yó atul le, lemwót bè yóm kna là tahuhen gel sentulón le yó, hendem le bè yó gónó le kmifót dou yó kem dou tau, lómón yóm tehe keklifót le dou yó kem tehe fù le bè yóm tehe ktaba le ebè Baal.