Dwata 7:9 - Udél Dwata: Gna Kesfasad ne Lomi Kesfasad

⁹ Yó gónóm mon, hol sù ye lem hendem ye nim ni. Yóm sana kuy Dwata hol gónó mogot, tek sónen du Dwata ne là kóen monol nawahen. Là kô klifóten du yóm tehe senfasad ye ditu bè Bulul Sinay ne gel hegfanen bè yó kem tau kembong nawa du ne mimón yó kem kun hlau yóm kbong nawahen kul efet kól bè hilu libu bud lugod le.

Dwata 7:9 Referans Kwoze

Hibru 10:23

Hol bê tekuy abay tnagaw nawa yóm hendón nefet nawa tekuy, yakà deng tehe fasad Dwata du nim ni, ne là kô tenlesen du hendemen.

2 Timuti 2:13

Anien ke monol yóm nawa te ebéléen, sana yó ne yóm kun nawa ebélê te, là kóen monol, abay se là kóen megetles yóm kun kmò.”

2 Tisalunika 3:3

Okóm yóm gónó tekuy mogot, tey gsalig. Tendo ten-gelen nawa tekuy, ne tendo kenlungen tekuy bè Seitan.

Danyél 9:4

Mnihe bè yóm sana kum Dwata hol gónó mogot, benkasu béléen yóm salà me kem tau Israél, monu mò du, “Ó Dwata yóm Dwata hol mfasang ne bang knikò. Sal gel dnohoem yóm tehe senfasad kuy, duhen yóm kbong nawahem yó kem tau kembong nawa kóm ne mimón yó kem hlauhem.

1 Kurin 1:9

Tey gsalig yóm Dwata. Du se yóm tehe tmaba kuy anì hol ye sfulung ebè yóm Ngaen Jisas Krays, yóm gónó tekuy mogot.

Nihimaya 1:5

“Ó Dwata yóm sana kum Dwata hol gónó me mogot nô bè longit. Uu se yóm hol dandónen geta, yóm Dwata knóón bang knikò. Là kóen mkó bè nawahem yóm tehe kesfasad ye yó kem tau kembong nawa kóm, yó kem tau mimón yó kem hlauhem.

1 Tisalunika 5:24

Yóm Dwata tehe tmaba kuy ekni, du se mò du bélê ye nim monu ni koni, abay se là kóen monol nawahen ebélê ye se kun.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

Dwata 5:10

Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

Isaya 49:7

Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

2 Kurin 1:18

Ke là gelen sfili yóm kun gel mon Dwata, bud lómón yó se yóm là kesfilihen yóm gel tulónu kuy.

Kehewà 20:6

Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Tekang Kbuten 17:7

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Hibru 6:18

Duhen yó, nim lewu tehe nmò Dwata ni, duhen yóm fasaden ne yóm kehgeten du, là kóen na a megetles, abay se yóm Dwata là kóen mò kéng. Yó gónóm mon, bè yóm kdê tekuy deng mlóy ebéléen, deng tey mgel nawa tekuy du ne yóm hendón nangat tekuy deng fasaden tekuy.

Kem Lingón 119:75

Tngónu, Dwata, tedeng yóm kkukumem. Yó gónóm semtódô do abay se wen muhen béléu.

Hibru 11:11

Bud bè kehtahu Abraham snéen gónón wen ngaen, balù yóm deng tey ktuhahen. Ne yóm tuha libunen Sara, atil se kun. Tódô snaligen yóm tehe fasad Dwata du.

Dwata 4:35

Yó gónó Dwata hegfan du bélê ye yó kem yó mò gónó ye hol temngón du laen kô dù dumu Dwata, tek sónen du.

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

1 Kurin 10:3

Ne gotu le se gbót mken du yóm ken blay Dwata kul, ne ninum le se yóm él blayen kul. Gotu le se minum du yóm él hsut Dwata gu lem botu.

1 Kurin 8:3

Okóm ke bong nawahen ke Dwata yóm tau, yó se yóm tau hol dilô Dwata.

1 Tutul Israél 16:15

Ne yóm deng tehe fasaden yó kem kun tau, laen kô dù tul sónen. Baluen ke hilu libu bud lugod le, senged kdohoen yóm tehe fasaden yó.

Lanu Jirimaya 3:23

Là gbekem hmingón du yóm tey kteneb Dwata bélê tekuy. Yóm kkoduhen tekuy, ket hlafusen tendo lomi.

Kem Lingón 146:6

Du se yóm Dwata tehe mò longit ne tonok ne mohin ne kdéen ton. Sal dnohoen yó kem deng fasaden.

Tekang Kbuten 9:15

yó se mò gónóhu hemtulón du nawa yóm deng fasadu kuy dalang se ebè yóm kdéen ógóf. Hentulónu nawa yóm là bud keheglumfaku du bè kdê yó kem mowil talak tonok yóm dunuk.

Tekang Kbuten 28:15

Hol béem klifót, elese tendo nô béléem ne tendo kenlungu uu balù nô gónóm e solu ne angat bud nitu uu semfulék ebè nim benwu ni. Là kô bayau kóm. Angat gotu dnohou yóm kdê deng fasadu kóm.”

Lista 14:18

‘Ou se yóm Dwata hol gónó mogot. Là kóe mahil lembut ne sal gel hegfanu yóm tey kbong nawahu tau. Ne gotu hnifótu yó kem salà le ne yóm alì katù le do. Okóm là kô gbeku là tmafak kul bè yó kem salà le. Lemwót bè salà yó kem tuha le, là kô gbeku du ke là se tnafaku yó kem ngà le ne témê le efet kól bè getluhen ne bè gfat yóm lugod le.’ Yó se, Dwata, yóm tehe udélem ebélê me.

Dwata 4:39

Yó gónóm mon, hol hendem ye ni kemdaw ni ne hol bê ye abay klifót. Yóm Dwata, du se yóm sana Dwata hol gónó mogot ditu bè longit ne dini talak tonok. Laen dù dumu dwata, tek sónen du.

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

Kmukum 2:1

Wen hógów Dwata gu bè longit lemwót bè Gilgal mógów etu bè Bukim. Yóm kkólen ditu, yó udélen ebè yó kem tau Israél, monen, “Deng hewau yu gu bè Idyip ne nwitu yu ebè nim tonok tehe fasadu yó kem tehe fù ye. Deng monu mò kuy là gbeku du ke là dnohou du yóm deng senfasad tekuy ditu bè Bulul Sinay.Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.

1 Bok Kem Tau Hol Geta 8:23

ne mni bè Dwata, monen, “Ó Dwata, yóm kum Dwata yó kem tau Israél, laen kô dù dumu Dwata semnged kóm bè longit duhen ke dini talak tonok. Là kô klifótem du yóm tehe senfasad ye yó kem tauhem, ne là kóen monol yóm kbong nawahem kul ke hol lemwót lem but blutut le yóm kimón le kóm.

2 Tutul Israél 6:14

Ne mni bè Dwata, monen, “Ó Dwata, yóm kum Dwata yó kem tau Israél, laen kô dù dumu dwata semnged kóm bè longit duhen ke dini talak tonok. Là kô klifótem du yóm tehe senfasad ye yó kem tauhem, ne là kóen monol yóm kbong nawahem kul ke hol lemwót lem but blutut le yóm kimón le kóm.

Kem Lingón 103:18

syan ke là mkóhen bè nawa le yóm tehe senfasad le Dwata, ne ke hol le teneb mimón du yó kem kun hlau.

Kem Lingón 105:8

Ne yóm deng tehe fasaden yó kem kun tau, laen kô dù sónen. Anien ke hilu libu bud lugod le, senged kdohoen yóm tehe fasaden yó.

Jirimaya 32:18

Tey bong nawahem tau ne tey hyu kmoem ebélê le yó kem hilu libuhen kwen le, okóm gel tnafakem yó kem ngà le lemwót bè salà yó kem tuha le. Uu se yóm Dwata hol geta alì mfasang, yóm Dwata laen dù là gbeken du.

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Kmukum 5:31

Ó Dwata, yake gotu le matay yó kem hohonem lómón yóm kun katay Sisira. Okóm yóm kul klowil yó kem tau kembong nawa kóm, hol lómón kehyuhen lómón ke btù mata kdaw.” Kogolen bè yó, botong fat folò halayen kegenen menek kbenwu yó kem tau Israél.

Nihimaya 9:32

Ó Dwata yóm sana kum Dwata, uu se yóm hol dandónen geta, yóm hol knóón bang knikò, yóm alì mfasang. Là kóen na a mkó bè nawahem yóm tehe senfasad ye yó kem tauhem. Lenwóten bè yóm tehe alì kdà le kum elaan yó kem tau hol geta bè Asirya efet ni kmoen ni, tey keglayam me. Deng tonem se yóm tey keglayam me yóm kdê me, yó kem tau hol geta bélê me ne yó kem malak kum ne yó kem tau gel blóng me ebéléem ne yó kem tugodem ebélê me ne yó kem fù me ne kdê yó kem dumu me tey keglayam le.

Kem Lingón 36:6

Yóm kóm ktedeng, hol lómón kbegelen yó kem bulul lembang. Yóm kukum tedeng nwitem, hol lómón kngelemen mohin. Tey gel kesgifaem kul, Dwata, yóm kdéen tau kkólen bè yóm kdéen ógóf.