Dwata 7:7 - Udél Dwata: Gna Kesfasad ne Lomi Kesfasad

⁷ Là kóen lemwót bè yóm tey kwen ye yóm gónó Dwata kembong nawa kuy ne mélék kuy. Bè ktahuhen, yu se yóm but tau tehe là holen wen bè kdéen but tau talak tonok.

Dwata 7:7 Referans Kwoze

Dwata 10:22

Bè yóm tehe kógów le ebè Idyip yó kem tehe fù ye ekni, tek le hitu folò kwen le. Okóm ni tey kehból Dwata kuy, lómó kwen ye lómón yó kem tey blotik bè longit.” Là gomongen bè nili yóm tsaptér 11. Yó tulónen bè nim tsaptér ni yóm tey kubug Musis yó kem tau Israél anì hol nimón le Dwata. Tulón Musis kul yóm tey któbóng Dwata kul ke mimón le, okóm tey ktafaken kul yó kem tau là mimón du. Bud tulón Musis kul snéen yóm tey kehyuhen yóm tonok deng blay Dwata kul.

Sulat Pol Ebè Yó Kem Tau Hemtahu Bè Rom 11:6

Tódô lemwót bè kun nawa Dwata gónón mélék kul, là kóen lemwót bè yóm kul gel nmò. Ke yó gónó Dwata mélék kul lemwót bè yóm gel nmò le, là kô gbek tekuy moluy du tóbóng yóm nmò Dwata yó.

1 Jan 4:10

Nim kbong nawa monu ni koni, sundu yóm kbong nawa tekuy ke Dwata, okóm tódô kun kbong nawa tekuy Dwata, hlanen bè yóm tehe khógówen yóm Ngaen mò lanen hmifót du yó kem salà tekuy.

Sulat Pol Ebè Yó Kem Tau Hemtahu Bè Rom 9:21

Ngem yó dém tau gel mifil kuleng, kihu kun kóyô gónó e hembaling du yóm nifilen. Kun kóyô ke sentólóngen yóm nifilen. Wen se nifilen mò gel henyu ne mtukul kdikót du, ne wen se nifilen yóm senflós tendo wen mu du.

Kem Lingón 115:1

Olon uu, Dwata, olon uu yóm knóón hol sendóyón, là yóm kum. Yó gónó me hol dmóyón kóm lemwót bè yóm klaen dù sónen yóm là konolen yóm kbong nawahem kum, ne yóm ktenebem bélê me.

Sulat Pol Ebè Yó Kem Tau Hemtahu Bè Rom 9:18

Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Kun Snulat Luk 12:32

“Yu kem tau lemolò do,” mon Jisas, “balù yóm là kwen ye, bê ye abay hlikò. Abay se yóm Mà tekuy bè longit yó, tey kehyu nawahen bè yóm khomongen kuy bè yó kem tau nogoten.

Matyu 7:14

Okóm tey sikeb yóm bak tikeb ebè yóm klowil laen dù sónen, ne tey mgel lemolò du yóm lan edu, ne là kóen hol wen tau mton du.”

1 Jan 3:1

Laen bang gónóhu e hmingón du yóm kun alì kbong nawa tekuy yóm Mà tekuy bè longit, botong tnabahen tekuy kem ngaen ne tahu se yóm deng kngaen tekuy yó. Yó gónó le là sfulung ebélê tekuy yó kem tau là hemtahuhen lem nim benwu ni, abay se là deng tngón le ke Dwata.

Dwata 4:37

Lemwót bè kbong nawahen yó kem fù ye, yó gónón mélék kuy mò kun tau. Ne mlan bè yóm tey kegbeken tódô du tehe mit kuy hewà gu bè Idyip.

1 Tutul Israél 16:19

Bè yóm tehe kmò Dwata fasad bélê le yó kem kun tau yó, là kô le deng hol wen he, hanà le tolo tau milo bè Kanan yóm benwu deng fasaden kul.

Kem Lingón 44:3

Ke mlan bè sudeng yó kem fù me, là kô guta le du yóm tonok yó. Yóm kegmò le, là lemwóten bè kekgis le, okóm mlan bè yóm tey kegbekem. Yó gónó le gemmò, hol lemwót bè yóm kbong nawahem kul ne bè yóm kehyu nawahem ebélê le.

Kem Lingón 105:12

Bè yóm tehe kmò Dwata bélê le fasad yó kem kun tau yó, là deng le hol wen he, tolo le tau milo bè Kanan.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Isikél 36:22

Yó gónóm mon, hol tulónem bè yó kem tau Israél yóm udél yóm sana Dwata hol dandónen geta, yó monen, Angat bud nitu yu semfulék ebè yóm kuy benwu, okóm là lemwóten bè yóm hyu gel nmò ye. Yó gónóhu bud mit kuy semfulék, abay se là móyóe du ke gbà yóm dou boluy, yóm boluy deng gomong myak bélê ye bè yó kem benwu deng gónó ye e sekla.