Dwata 7:25 - Udél Dwata: Gna Kesfasad ne Lomi Kesfasad

²⁵ Gotu dnutung ntem ye yó kem dwata lennged le. Bê ye abay tô niwol yó kem dwata lennged nmò le bè tahu blówón ne bè blówón bukay ne hol bê ye abay tô nwa ke mò kuy. Ke nwa ye, bè yó ne gónó ye gholot abay se tey kenbê Dwata yóm tau tmaba ebè yóm dwata kéng.

Dwata 7:25 Referans Kwoze

Kehewà 32:20

Tódô nwahen yóm ngà safì tudu nmò le, gotu hnoen ne gotu heblibuen, ominen mbol du él ne gotu hinumen yó kem tau Israél.

1 Tutul Israél 14:12

Tódô gotu gtebel yó kem Flistin bè yó, yó kem dwata lennged le, ne tódô gotu htem Dabid lu.

Juswa 7:21

Bè yóm tehe kegbà me yóm syudad Jiriku wen sotu tey nes tilob tonu lemwót bè Babilun. Bud wen tonu dô lewu kilu blówón bukay ne sekleng tahu blówónen, wen dô sóól kilu keblaten. Bè yóm ktonu du tey óyóu du, ne tódô nwahu. Ne ditu gónóhu lembeng du lem toldahu, hol fi laan yóm blówón bukay.”

Dwata 12:3

Genbà ye yó kem gónó le gel demsù ne gotu lenusok ye yó kem hehek botu deng hetfing le ebè yóm kul dwata. Nlób ye yó kem hehek nmò le ilô yóm dwata libun le boluyen Asira ne gotu nofok ye yó kem dwata lennged le anì laen dù bud gónó le e tmaba.

Isaya 30:22

Tódô angat gotu bot ye yó kem dwata lennged tehe nmò ye gu bè blówón bukay ne bè tahu blówón. Hol lómón kbot ye fól kmò ye kul. Yó udél ye, “Laen dù bud mu me kuy.”

Juswa 7:1

Bè yóm tehe kegbà le yóm syudad Jiriku yó kem tau Israél, deng eles wen hlau Dwata kul yóm là kehyuhen ke wen nwa le bè yóm kimu deng hetfing le ebéléen. Okóm deng mom wen bélê le mulé du. Yó mulé du, yóm sotu tau bélê le boluyen Akan. Yóm Akan ngà Karmi ne témê Sabdi, tau lemwót bè ktol Sira ne lemwót bè kun ból Juda. Lemwót bè nim nmò Akan ni, gónón alì sidek kebut Dwata yó kem tau Israél.

Dwata 7:5

Yó gónóm mon, gotu genbà ye lu yó kem kul gónó demsù, lenusok ye yó kem hehek botu deng hetfing le ebè yóm kul dwata lennged. Nofok ye yó kem hehek deng hdà le ilô yóm dwata libun le boluyen Asira ne gotu dnutung ntem ye lu yó kem dwata lenbù deng nmò le.

Deng Hegfan 17:5

Wen boluy snulat lem uyóhen, okóm gbuni yóm lanen. Yó lanen, “Babilun, yóm syudad tey tótól, yóm hol gónó le menyê kdéen tau hdóyón ne yó kem dumu tau ssamuk honon lu.”

Sifanaya 1:3

Angat gotu himot genlau kdéen tau ne kdéen ógóf. Tódô himot genlau snéen yóm kdéen onuk koyu dalang se yó kem utón él lem mohin. Ne gotu hlanahu lu yóm kdéen tau gel mò sidek. Himot genlau kdéen tau talak tonok, balù sotu ke wen hlowilu.”

Dwata 7:16

Gotu genlà ye lu yó kem but tau deng sù Dwata lem tdok ye ne hol bê ye abay knodu lu. Ne hol bê ye abay tmaba ebè yó kem dwata le abay se bè yó gónó ye gholot.

Kehewà 8:26

Mon Musis se, “Là hyuhen ke nmò me bè ni, abay se lenbut le mi yó kem tau Idyip lemwót bè yóm gel khatay me ógóf mò dsù me ebè yóm sana kum Dwata hol gónó mogot. Ke yó nmò me ne ke ton le mi, ngem kà gotu hnatay sentudà le kum botu.

Kehewà 20:17

Hol bê ye abay nófô gónô kedumu ye. Bê ye abay nófô yehenen duhen ke kem heseken duhen ke kem safien duhen ke kem kudaen duhen ke yó kem dumu nfunen.” Yó se yóm sfolò hlolò Dwata yó kem tauhen.

2 Bok Kem Tau Hol Geta 23:14

Gotu lenusoken yó kem hehek botu ilô yó kem dwata le bè yó, ne bud hofoken yó kem hehek yóm dwata libun boluyen Asira. Ominen gholu du yóm benwu yó mlan bè kbuléten bè yó yóm tiol yó kem tau deng matay.

Hlolò 19:4

Bê ye abay knogol ou ke tô lan ye tmaba ebè yó kem dwata lennged. Bê ye abay temwél yó kem dwata lennged ke mò gónó ye tmaba. Ou se yóm sana kuy Dwata hol gónó mogot.

Dwata 27:15

‘Hol tnafak Dwata ke wen tau mò dwata lennged gu bè botu, duhen ke bè koyu, duhen ke bè yó kem gel tenwél le, ne ke lifuten yóm gel ktabahen ebéléen. Yóm nmoen yó, tey sidek kekbê Dwata du.’ Ne kdéen tau gotu hem-el du, mon le, ‘Tahu yó.’