Dwata 7:24 - Udél Dwata: Gna Kesfasad ne Lomi Kesfasad

²⁴ Balù yó kem tau hol geta bélê le, bud gotu hnatay ye lu ne laen dù bud hemtulón kul nawa. Laen kô dù tau gembek hemseng kuy, gotu himot hnatay ye lu yóm kdê le.

Dwata 7:24 Referans Kwoze

Juswa 23:9

Bè yóm khusek ye elem nim benwu ni, deng gotu lo Dwata yó kem tau alì wen ne mbegel senta ye. Laen dù bélê le ke deng le gemmò bélê ye.

Juswa 10:8

Bè yóm kewót le, yó mon Dwata mò ke Juswa, “Hol béi abay hlikò bélê le. Deng blayu lu elem hólólem. Bà sotu bélê le ke gembek kóm.”

Juswa 1:5

Bè yóm klawihem mowil, Juswa, laen kô gembek gemmò béléem, yakà tódô senflósu du nô béléem lómón yóm tehe knóu bè Musis. Là kô naw e tnagak kóm ne là se kô naw e tódô bayà kóm.

Dwata 9:14

Béem tô henseng ou bè nim nmou bélê le ni abay se deng nô bè nawahu ne yóm keglau kul anì laen dù bud hemtulón kul nawa. Okóm kóm, nmou uu mò mà yóm sotu but tau alì genged ne alì mbegel senta le.’

Sulat Pol Ebè Yó Kem Tau Hemtahu Bè Rom 8:37

Okóm lemwót bè yóm tóbóng Krays, yóm fen kembong nawa tekuy, yó gónó tekuy matù bè yó kem mgel gel sut bélê tekuy.

1 Kurin 15:57

Okóm hol dóyón tekuy Dwata, abay se deng wen yóm lan nmoen hlanen bè yóm gónó tekuy mogot Jisas Krays, mò gónó tekuy matù bè salà ne hatay.

Sifanaya 1:4

“Angat tnafaku yó kem tau bè Juda dalang se yó kem tau bè Jirusalim. Nmou sónen yóm gel ktaba le ebè Baal bè yó. Ne yó kem tau gel blóng ebéléen, laen kô dù bud hemtulón kul nawa.

Jirimaya 10:11

Hol tulón ye bè yó kem tau gel tmaba ebè dwata lennged le, mon ye mò kul, “Yó kem kuy dwata kéng yó, là dlimun le du se kul yóm longit ne tonok. Angat le gotu lana yó kem dwata kéng yó, là kô bud tonem kul te tonok ne.”

Isaya 54:17

Okóm laen kô dù ngom sfatay gembek hemsidek kuy. Sal gel wen balaem kul yó kem tau dmuón kuy hkawang. Sal gel nfihu yó kem dou tau tóbóng lówó ne sal gel hegmou lu bè hohon le.” Ni se udél yóm Dwata hol gónó mogot.

Kem Udél Hlalak Tehe Selumun 10:7

Baluen ke deng matay yóm tau tedeng kmoen là kóen mkó kehtulón le du nawa kem tau, okóm yóm boluy yóm tau mò sidek tódô klifót le.

Kem Lingón 9:5

Deng gotu bnólówem yó kem tau mò sidek bè dumu benwu. Deng gotu genlaem lu. Gotu hlanahem boluy le laen kô dù tul sónen.

Kehewà 17:14

Omin Dwata mon du mò ke Musis, “Snulatem bè bok nim kegmò ye ni anì là klifót ye du. Tulónem ke Juswa angat gotu genlau yó kem tau Amélék.”

Dwata 9:3

Okóm ni deng tódô ton mata ye, fen tukô gna kuy yóm sana kuy Dwata hol gónó mogot. Hol lómón kmoen ke dmilóf ofi, gotu himoten kdéen. Laen kô dù gmò le. Duhen yó bè yóm kógów ye, mahil bélê ye mlo kul ne kendel gemlà kul lómón yóm deng fasad Dwata kuy.

Juswa 6:2

Okóm yó udél Dwata ebè Juswa, monen, “Deng blayu elem hólólem yóm syudad Jiriku ne yóm tau hol geta bè yó ne yó kem sendalù alì lóbô le.

Juswa 23:3

Deng gotu ton ye yóm kdê nmò Dwata bè yó kem dumu but tau bè nim benwu ni lanen tmóbóng kuy. Yóm kut Dwata hol gónó mogot deng sfatay bè yó kem hohon tekuy.