Biblia Todo Logo
Bib sou entènèt

- Piblisite -




Dwata 7:21 - Udél Dwata: Gna Kesfasad ne Lomi Kesfasad

21 Yó gónóm mon, hol bê ye abay hlikò bélê le ni kem tau ni, yakà tendohen nô lem blóng ye yóm sana kuy Dwata hol gónó mogot. Du se yóm Dwata alì gembek, yóm Dwata hol knikò.

Gade chapit la Kopi




Dwata 7:21
35 Referans Kwoze  

Ó Dwata yóm sana kum Dwata, uu se yóm hol dandónen geta, yóm hol knóón bang knikò, yóm alì mfasang. Là kóen na a mkó bè nawahem yóm tehe senfasad ye yó kem tauhem. Lenwóten bè yóm tehe alì kdà le kum elaan yó kem tau hol geta bè Asirya efet ni kmoen ni, tey keglayam me. Deng tonem se yóm tey keglayam me yóm kdê me, yó kem tau hol geta bélê me ne yó kem malak kum ne yó kem tau gel blóng me ebéléem ne yó kem tugodem ebélê me ne yó kem fù me ne kdê yó kem dumu me tey keglayam le.


“Ó Dwata yóm sana kum Dwata hol gónó me mogot nô bè longit. Uu se yóm hol dandónen geta, yóm Dwata knóón bang knikò. Là kóen mkó bè nawahem yóm tehe kesfasad ye yó kem tau kembong nawa kóm, yó kem tau mimón yó kem hlauhem.


Abay se yóm sana kuy Dwata hol gónó mogot, du se hol Dwata dandónen geta bè kdéen dwata ne hol dandónen mfasang bè kdéen mfasang. Laen kô dù là gbeken du, du se hol knóón bang nimón. Laen dù mtukul nfihen ne là kóen ma mò wa nawahen.


Angat tódô tngón ye kemdaw ni yóm knóen bélê ye Dwata yóm Dwata laen tul katayen. Bè yóm igò ye mógów eta yóm tonok deng blayen kuy, du se fen mlo kul gu tahen yó kem tau Kanan ne yó kem tau Hitayt ne yó kem tau Hibayt ne yó kem tau Pirisayt ne yó kem tau Girgasayt ne yó kem tau Amurayt ne yó kem tau Jibusayt.


Timbow deng tonu yóm mò kmoen, yó gónów gotu sembung kul yó kem tau ne yó kem malak kul ne yó kem genlal bélê le, yó monu mò kul, “Hol bê ye abay hlikò bè yó kem hohon tekuy. Hentulón ye nawa yóm tey kegbek yóm sana kut Dwata yóm Dwata hol knóón knikò. Hotu ye gel ye mofin kul yó kem dumu ye bè yóm benwu tekuy ni, yó kem ngà ye ne yó kem yehen ye ne yó kem gónô ye.”


Ne angat gotu benkasen lem blóng ye yóm kun kehedem tehe gel bunihen bè tau, ne angat tódô hegluduk, ne dóyónen Dwata, yó udélen, “Tahu nô lem blóng ye bè ni Dwata.”


Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.


Nô bélê tekuy yóm Dwata laen dù là gbeken du, yóm Dwata hol gónó tekuy mogot. Du se yóm Dwata tehe Jakub, ne du se mò gónó tekuy e mlo.


Bè yóm syudad yó, yó se kun gónó nô Dwata, ne laen kô gembek gembà du yóm kun benwu. Hanà hlafus deng sana sut na a tmóbóng.


Tey wen kem sendaluen, okóm olo le tau. Nô bélê tekuy yóm sana kut Dwata hol gónó mogot mò tmóbóng tekuy ne du fen sfatay bélê tekuy.” Nim udél Hisikaya ni, tey ketgelen nawa yó kem tau.


Hatay tekuy. Tau du se tô gembek lemwà tekuy lem tdok yó kem dwata laen dù là gbeken du yó? Ni se yó kem dwata tehe heglumfak yó kem tau Idyip yóm tey glumfak mit hatay bè yóm tehe knô kem tau Israél bè yóm benwu laen hol wen tauhen.


Yó kem tau Israél, deng eles tonu yóm angat tey kehyuhen yóm kul klowil elem hulin kdaw ne laen dù sidek angat glumfak le. Tendo seflós nô bélê le yóm sana Dwata hol kul gónó mogot. Ne deng gel heglalag le se kul, Dwata yóm geta bélê le.


Gotu le mógów ebè le Musis lewu le Aron ne yó mon le mò kul, “Deng tey gulé ne yóm nmò ye. Kdê tekuy se kem tau Israél hono kem kun tau Dwata ne bélê tekuy se gónóhen nô. Moen du, Musis, ke fen ye hegeta senta yó kem dumu tau Dwata?”


Hol bê ye abay tô mundug. Là kóen nô bélê ye Dwata. Là kô ye matù bè yó kem hohon ye.


Nénégem ke là gotu tulón le du bè yó kem tau Kanan. Igò le deng hónô mungol du yó kem tau Kanan uu se yóm Dwata tendo gel nô bélê me ne geli hegfan bélê me mlan bè yóm lobun gel nô ta me. Ne deng hónô gungol le uu se yóm tendo gel tukô gna kum mlan bè yóm lobun tmahà tukô gna kum ke kemdaw ne baling ofi ke kifu.


Bê ye mom natù Dwata dé ne bê ye abay knikò tu kem tau menwu ditu. Là kóen legen keglà tekuy kul tu kem tau tu abay se tendo eles nô bélê tekuy Dwata ne laen kô dù gónó le hofin se kul. Yó gónóm mon, hol bê ye abay hlikò.”


Wen se kdawen olon hilu kdaw nô ta yóm Gónô Dwata yóm lobun yó. Bè ktahuhen, tódô lolò le kógów yóm lobun. Ke kmamfù le duhen ke mógów le sal lemwót bè kimón le yóm hlolò Dwata kul.


Yóm Dwata gónó tekuy mogot, du se hol dandónen geta bè kdéen, yake hol wen klikò tekuy du. Du se yóm hol dandónen geta kmamal yóm klamangen.


Tey knikò yóm Dwata nô lem yóm kun Gónô, yóm Dwata yó kem tau Israél. Du se bemlay kfasang ne kgis bè yó kem tauhen. Hol megdóyón yóm Dwata.


Mnihe bè yóm sana kum Dwata hol gónó mogot, benkasu béléen yóm salà me kem tau Israél, monu mò du, “Ó Dwata yóm Dwata hol mfasang ne bang knikò. Sal gel dnohoem yóm tehe senfasad kuy, duhen yóm kbong nawahem yó kem tau kembong nawa kóm ne mimón yó kem hlauhem.


Yó udél Dwata ebè Musis, monen, “Bê ye abay hlikò bè yóm tau hol geta yó. Hegmou yu béléen ne bè yó kem sendaluen. Angat gfun ye yóm tonoken. Nmò ye béléen yóm deng nmò ye bè Sihun yóm tau hol geta bè yó kem tau Amurayt mogot bè Hisbun.”


Bè yóm kmò le du yóm yó angat lenbutu lu. Tódô bayau lu ne tódô le meglà, ne tey dê glumfak sidek sut bélê le. Omin le yó he hetngón, yó gónó le gmumfak du nim ni abay se là bude nô bélê le, yóm sana kul Dwata.


Yó bud mon Dwata mò ke Juswa, “Gotu nwitem yóm kdê sendaluem na ye e nundug yóm syudad Ay. Béi abay hlikò ne béi abay htakas. Hegmou uu bè yóm tau geta bè yóm syudad yó ne suu lem hólólem yó kem tauhen ne yóm syudaden ne yóm tonoken.


Dwata se henged layagu, ne du se lemwà dou. Yó gónóm mon, laen dù bang knikou. Tendo kenlungen ou bè yó kem gfà, yó gónóhu là bud likò.


Okóm yó kem tau bè dumu benwu, tey sidek klikò le bè yóm kehsinsig Dwata yóm klamangen benwu. Heték Dwata, ne tódô kmanas yóm tonok.


Ó Dwata yóm Dwata gónóhu mogot, yóm Dwata laen dù là gbeken du laen dù bud mfasang sentahem. Tódô gfan bè kdéen yóm là konol nawahem, Dwata.


Abay se yóm gónó tekuy mogot, du se Dwata hol gembek bè kdéen. Du se hol dandónen geta gembek senta yó kem dwata kéng.


Swiv nou:

Piblisite


Piblisite