Dwata 7:2 - Udél Dwata: Gna Kesfasad ne Lomi Kesfasad

² Ke deng blay Dwata lu elem hólól ye ni kem tau ni ne ke deng ye gemmò bélê le, tódô gotu himot hnatay ye lu. Bê ye abay mit sbilà bélê le ne hol bê ye abay knodu lu.

Dwata 7:2 Referans Kwoze

Kmukum 2:2

Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.

Juswa 2:14

Yó mon le mò ke Rahab yó kem tau hemkana yó koni, “Dwata he hol ma klowil me ke là nmò me du yóm mon me mò kóm. Ke laen dù tau tnulónem bè yóm nmò me yó fasad me kóm, là kô homong me kuy ke bang Dwata hemlus du kum nim benwu ni.”

Juswa 9:24

Bnalà le Juswa, mon le, “Yó gónó me mò du, Sér, abay se likò me matay. Deng gungol me yóm kdóken ke Musis yóm sana kuy Dwata hol gónó mogot anì nwahen nim klamang tonok ni ne gotu hfatayen yóm kdê tau menwu tahen. Tey sidek klikò me kuy, yó gónó me mò du nim ni.

Juswa 8:24

Gotu hnatay kem sendalù Israél yó kem hohon le kemtes kul bè yóm benwu laen hol wen tauhen. Omin le bud semfulék ebè Ay ne gotu hnatay le yó kem dù tau tebel bè yó.

Dwata 13:8

Okóm hol béi abay gmung béléen ne béem abay hnungol ke wen monen. Béem abay knodu ne béem abay nofin.

Lista 33:52

hol gotu lo ye lu yó kem tau nô bè yóm benwu yó. Gotu genbà ye yó kem dwata kéng gel nmò le bè botu ne bè yó kem dumu gel tenwél le. Gotu genbà ye snéen yó kem gónó le gel tmaba ebélê le.

Tekang Kbuten 14:20

Hol megdóyón he yóm Dwata hol geta bè kdéen, yóm deng hatù kóm bè yó kem hohonem.” Omin Abram bemlay du ke Mélkésédék yóm gesfolò yó kem kimu deng bud niten mulék, yóm deng negef yóm fat kem tau hol geta.

Lista 31:17

“Yó ne,” mon Musis, “gotu hnatay ye kdéen ngà logi ne gotu hnatay ye kdéen libun deng gemlan bè logi.

Dwata 7:16

Gotu genlà ye lu yó kem but tau deng sù Dwata lem tdok ye ne hol bê ye abay knodu lu. Ne hol bê ye abay tmaba ebè yó kem dwata le abay se bè yó gónó ye gholot.

Dwata 31:5

Angat blay Dwata lu elem hólól ye ne hol nmò ye bélê le yóm deng monu mò kuy.

Dwata 33:27

Ebè yóm sana kuy Dwata se gónó ye e mlo. Laen kô dù nan e tul són yóm tendo ktuden kuy. Bè yóm kehlós ye elem yóm benwu fasad Dwata kuy, eles tukô gna kuy Dwata. Deng gotu lohen yó kem hohon ye ne heglaen kuy yóm kdê le.

Juswa 9:7

Okóm yó mon yó kem tau Israél, “Déke menwu ye moni bè ni. Ke menwu ye moni bè ni, là gbek me du mit sbilà bélê ye.”

Kem Lingón 106:34

Yó kem tau Israél, là gotu genlà le kul yó kem tau nô ta tonok Kanan lómón yóm deng hmò Dwata kul.

Lista 21:2

Lemwót bè yóm gfà yó kem tau Israél yó wen safà le ebè Dwata, mon le, “Ke hegmoem mi bè ni kem tau ni gotu genlà me yó kem syudad le.”

Dwata 9:3

Okóm ni deng tódô ton mata ye, fen tukô gna kuy yóm sana kuy Dwata hol gónó mogot. Hol lómón kmoen ke dmilóf ofi, gotu himoten kdéen. Laen kô dù gmò le. Duhen yó bè yóm kógów ye, mahil bélê ye mlo kul ne kendel gemlà kul lómón yóm deng fasad Dwata kuy.

Dwata 13:9

Tódô hnatay kmoem du. Uu gna tmudà du botu, ominem bud htudà du yó kem dumuhem.