Dwata 7:16 - Udél Dwata: Gna Kesfasad ne Lomi Kesfasad

¹⁶ Gotu genlà ye lu yó kem but tau deng sù Dwata lem tdok ye ne hol bê ye abay knodu lu. Ne hol bê ye abay tmaba ebè yó kem dwata le abay se bè yó gónó ye gholot.

Dwata 7:16 Referans Kwoze

Kehewà 23:33

Hol bê ye abay hbenwu lem blóng ye yó kem tau yó. Ke henmóyô ye lu, gemsalà ye béléu lan le mit kuy hlayuk béléu. Ke gbót ye tmaba ebè yó kem kul dwata kéng, yó se gónó ye gholot.”

Kmukum 8:27

Okóm deng mom yó mu Gidyun du yó kem tdé blówón yó, deng mom nmoen dwata lennged ne suen bè yóm kun benwu bè Ufra. Là legenen bè yó, tódô kdê yó kem tau Israél deng mom knogol le Dwata, gotu le tmaba ebè yóm dwata lennged yó. Ne bè yó se gónón gholot Gidyun ne yó kem fes lówóhen.

1 Kurin 15:33

Hol bê ye abay hegtondo. Bong tahu se yóm sotu gel mon le, “Ke segbóti bè yó kem tau mò sidek, tódô lana béléem yóm kehyu kmoem.”

Dwata 19:21

Bè yóm ktafak ye du yóm tau tmifù kéng yó, bê ye abay knodu. Yó kmò ktafak ye du, ke klowil nwahen bud kun klowil bayaden ne ke mata hensideken bud kun mata se bayaden. Ke nihi se hensideken bud nihihen se bayaden. Ke sigel hensideken bud kun sigel se bayaden ne ke ti bud ti se bayaden.” Là gomongen bè nili yóm tsaptér 20 efet kól bè tsaptér 23. Bè tsaptér 20 hono hlau bè kesgida le. Bè tsaptér 21 yóm tulónen bè kmò kkukum le du ke wen tau sbonok ne yóm kun ólól yóm ngà logi twogu. Bè tsaptér 22 tulónen yóm hlau bè khólós le. Bè tsaptér 23 tulónen yó kem dumu hlau Dwata kul ne yóm hlau bè ksutóng le.

Dwata 13:8

Okóm hol béi abay gmung béléen ne béem abay hnungol ke wen monen. Béem abay knodu ne béem abay nofin.

Kem Lingón 106:36

Tmaba le ebè yó kem dwata lennged le, ne yó se mit kul meglà.

Dwata 7:2

Ke deng blay Dwata lu elem hólól ye ni kem tau ni ne ke deng ye gemmò bélê le, tódô gotu himot hnatay ye lu. Bê ye abay mit sbilà bélê le ne hol bê ye abay knodu lu.

Kmukum 2:3

Ngem, lemwót bè yóm là kimón ye yó, là hdóhu kul ta nim tonok ni yó kem tau menwu tahen. Baling hohon ye lu. Ne yóm knô ye lem blóng le, hol lómón kegnóm ye du ke nô ye lem sual ne angat yó se gónó ye gholot bè yó kem kul dwata.”

Lista 33:55

Okóm ke là gotu lo ye kul yó kem tau nô ta yóm tonok yó, ngem yó kem dù tebel bélê le, hol lómón ke huling nô lem mata ye ne lómón ke sual tendo tembek bè lówó ye, senflós le sembeweg kuy.

Kmukum 2:12

Là bud le tmaba ebè Dwata yóm sana kul Dwata hol gónó mogot yó kem tehe fù le, yóm Dwata tehe mit kul hewà gu bè Idyip. Deng le mom tmaba ebè yó kem dumu dwata kéng yó kem tau hmilol kul ne mtud le bukol bè solu le. Tey kehefebut le du yóm sana kul Dwata hol gónó mogot.

Dwata 7:25

Gotu dnutung ntem ye yó kem dwata lennged le. Bê ye abay tô niwol yó kem dwata lennged nmò le bè tahu blówón ne bè blówón bukay ne hol bê ye abay tô nwa ke mò kuy. Ke nwa ye, bè yó ne gónó ye gholot abay se tey kenbê Dwata yóm tau tmaba ebè yóm dwata kéng.

Kem Lingón 106:34

Yó kem tau Israél, là gotu genlà le kul yó kem tau nô ta tonok Kanan lómón yóm deng hmò Dwata kul.

Dwata 13:9

Tódô hnatay kmoem du. Uu gna tmudà du botu, ominem bud htudà du yó kem dumuhem.