Dwata 7:14 - Udél Dwata: Gna Kesfasad ne Lomi Kesfasad

¹⁴ Laen dù tau bè klamangen benwu ke tnóbóng Dwata mkél bè yóm któbóngen kuy. Laen dù bélê ye logi duhen ke libun ke là mngaen, dalang se yó kem ógóf ye laen dù bélê le ke là mngaen.

Dwata 7:14 Referans Kwoze

Dwata 28:4

Angat nuyag Dwata yu anì hol wen ngà ye ne anì hol wen tebas ye. Balù yó kem safì ye ne yó kem ubiha ye tey wen ngà le se kul.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Dwata 28:11

Tey angat kehból Dwata kuy, angat hwenen safì ye ne tey angat kwen tebas ye ta yóm tonok deng tehe fasaden yó kem tehe fù ye mò blayen kuy.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Kem Lingón 115:15

Dwata he hol tmóbóng kuy. Yóm Dwata tehe mò longit ne tonok.

Kem Lingón 107:38

Tey któbóng Dwata yó kem kun tau, ne tey kehbólen kul. Balù yó kem ógóf le, laen kô mtón bélê le.

Lista 22:12

Ne yó mon Dwata mò ke Balaam, “Béi abay mung kul ni kem tau ni ne béem abay henmulà lu yó kem tau Israél abay se ou yóm gel tmóbóng kul.”

Dwata 30:9

Ke yó nmò ye, bè ket nmò ye sal hyu uléken ne angat tey kból ye, dalang se yó kem ógóf ye ne yó kem tonok ye, angat tey wen tebasen. Tey kehligal Dwata du bè yóm bud khuléken du ebélê ye yóm tehe kehyu klowil ye, lómón yóm tehe kligalen bè yóm kehyu klowil yó kem tehe fù ye ekni.