Dwata 7:13 - Udél Dwata: Gna Kesfasad ne Lomi Kesfasad

¹³ Yó nmoen bélê ye, kenbong nawahen yu ne tendo tnóbóngen yu ne hbólen yu ne hwenen kem ngà ye snéen. Angat hbunguhen yó kem hulu ye, yóm halay ye ne yóm grép ye ne yóm koyu ulib ye. Angat hwenen yó kem safì ye ne kem ubiha ye snéen. Angat gotu blay Dwata kuy ni kem kdéen ni ke deng ye kól ta yóm tonok blayen kuy, yóm tonok deng tehe fasaden yó kem tehe fù ye mò blayen kuy.

Dwata 7:13 Referans Kwoze

Kun Snulat Jan 14:21

Yó se tau hemmóyô du yóm dou hlau ne mimón du, yó se yóm tau kembong nawa do. Ne angat kenbong nawa Mà snéen kun yóm tau kembong nawa do yó. Tey kbong nawahu du snéen dou, ne angate hegfan béléen.”

Kun Snulat Jan 15:10

Ke nimón ye yóm dou hlau, yó se gónó ye henek bè yóm kbong nawahu kuy. Lómón yóm kimónu yóm hlau Mà, ne kheneku bè yóm kbong nawahen do.

Kun Snulat Jan 16:27

abay se yóm Mà kun, kenbong nawahen yu snéen lemwót bè yóm kbong nawa ye do, ne lemwót bè yóm kehtahu ye yóm kewótu gu béléen.

Kehewà 23:25

Són ou yóm gónó ye e tmaba, yóm sana kuy Dwata hol gónó mogot. Ke ni se nmò ye, wen gónóhu tmóbóng kuy anì tendo wen ken ye ne tendo wen él ye. Ne hlayuku bélê ye yó kem des.

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Job 42:12

Duhen yó, ya tey bud kuyag Dwata ke Job bè yóm dù kdawen mowil, mkay bè yóm gnahen he yóm bud któbóngen du ni. Yó bud kdê ubiha Job, botong sfolò fat libuhen ne nem libu kamélen ne lewu libu safien ne lemibu kudà asnuhen.

Dwata 28:11

Tey angat kehból Dwata kuy, angat hwenen safì ye ne tey angat kwen tebas ye ta yóm tonok deng tehe fasaden yó kem tehe fù ye mò blayen kuy.

Kem Lingón 1:3

Yó kem tau yó, hol lómón ke koyu mteg hilol él. Ke bud kól bè yóm bulón le mungu, tey kbungu le, ne là kóen na a menes doun le. Lómón yó se kmò le yó kem tau ke tendo lolò le yó kem kun hlau Dwata, bè ket nmò le, sal gfu.

Dwata 7:7

Là kóen lemwót bè yóm tey kwen ye yóm gónó Dwata kembong nawa kuy ne mélék kuy. Bè ktahuhen, yu se yóm but tau tehe là holen wen bè kdéen but tau talak tonok.

Kem Lingón 11:7

Yakà tey tedeng kmoen yóm Dwata, ne hol nóyóen yó kem nmò tedeng. Yó kem tau mò du yóm tedeng, angat ton le lem uyó Dwata.

Dwata 30:5

anì bud gfun ye yóm tonok tehe gónó le nô yó kem fù ye. Ne yó angat nmoen bélê ye, angat hwenen ból ye senta yó kem tehe kul ból yó kem tehe fù ye ekni ne bud hen-guléken klowil ye senta yóm kul klowil yó kem tehe fù ye.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Kem Lingón 146:8

ne htonen yó kem butô. Bud henwósen yóm blat nô ta yó kem tau meflayam. Tey kbong nawahen kul yó kem tau tedeng kmò le.

Kem Udél Hlalak Tehe Selumun 15:9

Tey keklit Dwata du yóm kun kmò yóm tau gel mò sidek, okóm yóm tau hol sen-galuhen yóm ktedengen kenbong nawahen.

Dwata 1:8

Yóm kdê benwu monu ni, ni se yóm tonok deng tehe fasadu yó kem tehe fù ye le Abraham ne Isak ne Jakub ne bè kdê yó kem semfu gu bélê le. Mógów ye etu ne henek ye tahen.’ ” Là gomongen bè nili yóm tsaptér 1:9 efet kól bè tsaptér 3:29. Yó tulónen bè ni kem tsaptér ni yóm ktutul Musis du bè yó kem tau Israél yóm tehe kewót le gu bè Idyip. Ke móyô ye semfala du bè Tboli yóm tulónen, gbek ye semfala du bè ni kem bok nii abay se senged yóm tulón le. Kehewà 18 Kélék le yó kem tau kmukum bélê le Lista Israél 11 Knô le lem yóm benwu laen hol wen tauhen Lista Israél 13 Yó kem tau na a hemkana bè Kanan Lista Israél 14 Ksonol le ke Dwata yó kem tau Israél Lista Israél 20 Là kehlus Dwata ke Musis hlós ebè Kanan Lista Israél 21 Kegmò le bè le Sihun ne Ug Lista Israél 32 Yó kem tau Israél fen menwu fi dmata kdaw Él Jurdan

Dwata 28:1

Yó bud udél Musis ebè yó kem tau Israél, monen, “Ke hol nimón ye yóm sana kuy Dwata hol gónó mogot ne ke hteneb ye mimón du yóm kdê hlauhen deng tulónu kuy kemdaw ni, angat hegeta Dwata yu senta yó kem dumu but tau talak tonok.

Nihimaya 9:32

Ó Dwata yóm sana kum Dwata, uu se yóm hol dandónen geta, yóm hol knóón bang knikò, yóm alì mfasang. Là kóen na a mkó bè nawahem yóm tehe senfasad ye yó kem tauhem. Lenwóten bè yóm tehe alì kdà le kum elaan yó kem tau hol geta bè Asirya efet ni kmoen ni, tey keglayam me. Deng tonem se yóm tey keglayam me yóm kdê me, yó kem tau hol geta bélê me ne yó kem malak kum ne yó kem tau gel blóng me ebéléem ne yó kem tugodem ebélê me ne yó kem fù me ne kdê yó kem dumu me tey keglayam le.

Job 1:10

Yóm gel nmoem béléen ni kmoen ni, deng tódô senflósem gel kemlung du dalang se yó kem fes lówóhen ne kdê yó kem nfunen. Tódô kdê yó kem gel nmoen tey gel kuyagem du. Yó gónóm mon, tey wen ógófen, botong tô lenngeben yóm benwuhen.

Kem Lingón 107:38

Tey któbóng Dwata yó kem kun tau, ne tey kehbólen kul. Balù yó kem ógóf le, laen kô mtón bélê le.