Dwata 7:1 - Udél Dwata: Gna Kesfasad ne Lomi Kesfasad

¹ Yó bud mon Musis, “Ke deng nwiten yu yóm sana kuy Dwata hol gónó mogot ebè yóm tonok hfunen kuy mò gónó ye henek nô, tey angat dê but tau lohen gu tahen, yó kem tau Hitayt ne yó kem tau Girgasayt ne yó kem tau Amurayt ne yó kem tau Kanan ne yó kem tau Pirisayt ne yó kem tau Hibayt ne yó kem tau Jibusayt. Nim hitu kem but tau lohen gu tahen ni, hono kem but tau alì wen ne tey le gembek senta ye.

Dwata 7:1 Referans Kwoze

Dwata 31:3

Dwata he fen tukô gna kuy yóm sana kuy Dwata hol gónó mogot ne gotu genlaen yó kem tau menwu ta yóm tonok blayen kuy anì gfun ye yóm tonok le. Yó mò bud tles malak kuy duhen Juswa, hol lómón yóm deng mon Dwata.

Kul Nmò 13:19

Gloken gotu gemlà yó kem hitu kay but tau nô lem yóm benwu Kanan mò gónón hbenwu yó kem tehe fù tekuy.

Dwata 4:38

Bè yóm gel kógów ye tendo eles tukô gna kuy Dwata, gotu lohen yó kem tau nô lem yó kem benwu gónó ye e mlan, kem tau alì mfasang ne kemgis senta ye anì niten yu husek elem benwu le ne blayen kuy yóm tonok le, yóm tonok mò hlós nfun ye.

Dwata 9:1

Ó kem tau Israél, ni hol hnungol ye. Kemdaw ni ne bang kifal ye du yóm Él Jurdan ne bang knô ye ta yóm tonok nfun yó kem tau alì wen ne wen genbek le senta ye. Tey lamang yó kem syudad le ne yó kem beng hmilol kul botong tô gefet bè longit.

Dwata 9:4

Ke deng gotu lo Dwata lu bélê ye yó kem tau yó, hol bê ye abay tô hendem ke yó gónó Dwata mit kuy ebè yóm tonok yó nan e hfun kuy lemwót bè yóm tey ktedeng nmò ye. Là kô yó du. Kaem yó gónó Dwata mlo kul yó kem tau yó abay se hono kem tau mò sidek.

Kehewà 33:2

Wen hógówu gu bè longit mò tukô gna kuy. Ou se angat hdó kul yó kem tau bè yóm benwu yó, yó kem tau Kananayt ne yó kem tau Amurayt ne yó kem tau Hitayt ne yó kem tau Pirisayt ne yó kem tau Hibayt ne yó kem tau Jibusayt.

Kem Lingón 78:55

Deng gotu lohen yó kem tau tehe nô bè yóm benwu yó. Nólólen yóm tonok le mò blayen yó kem tau Israél mò nfun le. Ne bè yó gónón hemsù kul yó kem tau Israél.

Dwata 31:20

Nwitu lu ebè yóm tey tonok hyu ne wen tey tebasen, lómón yóm tehe fasadu bè yó kem tehe fù le. Bè yóm tonok yó, là bud le élél du bè ken ne mdengen klowil le tahen. Okóm angat knogol le ou ne tmaba le ebè yó kem dumu dwata. Kenbê le o ne nulé le yóm deng senfasad me.

Dwata 6:23

Yó nmò Dwata bélê me, lenwaen mi gu bè Idyip, anì nwiten mi edini ne anì blayen kum nim tonok ni lómón yóm deng fasaden yó kem fù tekuy ekni.

Dwata 6:19

ne angat gotu lo ye lu yó kem hohon ye lómón yóm deng fasad Dwata kuy.

Dwata 6:10

Bè yóm kwit Dwata kuy eta yóm tey tonok deng tehe fasaden yó kem fù ye le Abraham ne Isak ne Jakub, deng eles wen kem syudad glo ye tahen, kem syudad lembang ne mdengen, syudad là tehe kuy hdà du.

Dwata 6:1

Yó bud mon Musis mò kul, “Ni se yó kem hlau htugod Dwata dou ebélê ye, yóm sana kuy Dwata hol gónó mogot. Yó gónón htugod du do ebélê ye ni kem hlau ni mò hol tendo nimón ye bè yóm knô ye ta yóm tonok mò gónó ye henek nô.

Lista 14:31

Deng mon ye angat gotu negef kem hohon ye yó kem ngà ye okóm là. Angat gotu nwit Dwata lu etu bè tum benwu deng senkbê ye ne yó se hlós kul gónó nô.

Kehewà 15:7

Bè yóm tey kfasangem gónóm gemmò. Laen kô dù gmò le yó kem hohonem. Yóm kebutem, hol lómón yóm ofi mken lami.

Kehewà 6:8

Angat nwitu yu ebè yóm benwu tehe fasadu ke Abraham ne Isak ne Jakub. Blayu kuy yóm benwu yó mò hol kuy nfun. Ou se yóm sana Dwata hol gónó mogot mon du nim ni.’ ”

Kehewà 23:28

Yó kmou kul yó kem hohon ye yó, lómón ke wen tey yê nuhag hógówu tukô gna kuy mò mékét kul ne mò mlo kul yó kem tau Hibayt ne yó kem tau Kananayt ne yó kem tau Hitayt.

Kehewà 23:33

Hol bê ye abay hbenwu lem blóng ye yó kem tau yó. Ke henmóyô ye lu, gemsalà ye béléu lan le mit kuy hlayuk béléu. Ke gbót ye tmaba ebè yó kem kul dwata kéng, yó se gónó ye gholot.”

Juswa 3:10

Angat tódô tngón ye kemdaw ni yóm knóen bélê ye Dwata yóm Dwata laen tul katayen. Bè yóm igò ye mógów eta yóm tonok deng blayen kuy, du se fen mlo kul gu tahen yó kem tau Kanan ne yó kem tau Hitayt ne yó kem tau Hibayt ne yó kem tau Pirisayt ne yó kem tau Girgasayt ne yó kem tau Amurayt ne yó kem tau Jibusayt.

Juswa 24:11

Kogolen bè yó, nifal ye yóm Él Jurdan ne gefet ye bè Jiriku. Yó kem sendalù bè Jiriku, tey kwit le kuy sfatay. Senged se yó kem tau Amurayt ne yó kem tau Pirisayt ne yó kem tau Kanan ne yó kem tau Hitayt ne yó kem tau Girgasayt ne yó kem tau Hibayt ne yó kem tau Jibusayt, okóm hegmou yu bélê le yóm kdê le.

1 Bok Kem Tau Hol Geta 16:31

Tey mahil béléen lemolò du yóm kdê salà nmò Jirubuam ngà Nibat, ne yó sidek bud gotu nmoen yóm kyehenen ke Jisébél yóm ngà boi Itbaal yóm tau hol geta bè Sidon, ne gbót tmaba ebè yóm kul dwata kéng boluyen Baal.

Kehewà 23:32

Hol bê ye abay mit sbilà bélê le, dalang se bè yó kem kul dwata lennged.

Lista 13:29

Bè fi leged bè yóm benwu yó, wen yó kem tau Amalikayt nô du. Bè yó kem bululen, yó menwu du yó kem tau Hitayt ne yó kem tau Jibusayt ne yó kem tau Amurayt. Lemwót kul yó kem tau Kanan, nô le bè kilil mohin Miditiranyan ne hilol él Jurdan.”

Dwata 9:3

Okóm ni deng tódô ton mata ye, fen tukô gna kuy yóm sana kuy Dwata hol gónó mogot. Hol lómón kmoen ke dmilóf ofi, gotu himoten kdéen. Laen kô dù gmò le. Duhen yó bè yóm kógów ye, mahil bélê ye mlo kul ne kendel gemlà kul lómón yóm deng fasad Dwata kuy.

2 Tutul Israél 8:7

Wen kem tau tolo nô bè benwu le sundu kem tau Israél du. Lu se yó kem dù tau Hitayt ne kem tau Amurayt ne kem tau Pirisayt ne kem tau Hibayt ne kem tau Jibusayt dù tebel bè yó,