Dwata 6:7 - Udél Dwata: Gna Kesfasad ne Lomi Kesfasad

⁷ Hol bud tolok ye bè yó kem ngà ye. Tendo bud gel sensulit ye bélê le balù kihu gónó ye nô, ke nô ye bè gónô ye duhen ke mógów ye, ke hegnô ye duhen ke mò ye nmò, hol tendo sensulit ye bélê le.

Dwata 6:7 Referans Kwoze

Ifisus 6:4

Ne yu kem tuha, bê ye abay nmò yóm gónó le lembut yó kem ngà ye. Okóm lemwót bè yóm deng kehtahu ye, hninggel ye hmau kul ne tmolok kul.

1 Pitér 3:15

Okóm hewót ye bè nawa ye dé mimón ke Krays, ne hol nadat ye, yakà du se yóm gónó ye mogot. Eles tendo hendem ye yóm kmò kbalà ye du ke wen tau smólók du yóm hendón nefet nawa ye.

Dwata 6:2

Bè yóm klawi ye mowil dalang se yó kem semfu gu bélê ye hol knikò ye Dwata, yóm sana kuy Dwata hol gónó mogot ne hol nimón ye yóm kdê hlauhen tulónu kuy ni. Ke ni se nmò ye angat tahà ktau ye.

Ifisus 4:29

Béen sidek kbak tekuy. Són yó dé olo mon tekuy yóm hyu, són yóm udél wen gónón gemtóbóng kem dumu tekuy, yóm udél hol gemduf kul, mò gónó le dmalang. Yó dé olo benkó tekuy yóm udél wen muhen bè yó kem tau hmungol tekuy.

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

Kem Udél Hlalak Tehe Selumun 6:22

abay se yóm kul gel tolok malak yóm kóm klan, gel bnenteyen u ke kifu ne gel hnauhen u ke kemdaw.

Kun Snulat Luk 6:45

Yóm tau hyu, hyu se kebkóhen lemwót bè yóm hyu nô lem hendemen. Yóm tau sidek, sidek se kebkóhen lemwót bè yóm sidek nô lem hendemen. Yó se gel nô lem hendem yóm tau, yó se gel lemwà bè sumóngen.”

Matyu 12:35

Yóm tau hyu, hyu kebkóhen lemwót bè yóm hyu gel suen lem hendemen. Yóm tau sidek, sidek kebkóhen lemwót bè yóm sidek gel suen lem hendemen.

Kulasi 4:6

Hol gel hninggel ye kmò kestulón ye bélê le anì wen gónó le beyen hmungol kuy. Hol tekuy hfulung malà kul ke wen snólók le.

Kem Udél Hlalak Tehe Selumun 15:7

Hbólen yóm ketngón yóm kun kudél yóm tau hulung hedem, okóm fen là kun yóm tau book.

Kem Udél Hlalak Tehe Selumun 10:21

Tey wen gónón gemtóbóng kem dumun yóm kun udél yóm tau tedeng kmoen, okóm yóm tau book là kóen tahà ktauhen lemwót bè là khulungen hedem.

Malakay 3:16

Ominen yó, lemwót yó kem tau wen klikò le ke Dwata gotu le stulón, sentulón le yóm tey tóbóng Dwata kul. Ne yó nmò Dwata, hnungolen yóm sentulón le yó. Duhen yó, bè yó bè soluhen wen gónó le smulat du yóm boluy yó kem tau wen klikò le du, yó kem tau tendo nulón nawa le yóm kun boluy.

Kem Udél Hlalak Tehe Selumun 15:2

Lemwót bè yóm kun kudél yóm tau hulung hedem gónón lemwót mahil dmalang du yóm ketngón, okóm yóm tau book laen kô muhen yóm kun udél legas.

Kem Lingón 129:8

Laen dù bè yó kem tau mius bélê le ke wen mon du, “Dwata he hol tmóbóng kuy. Hlan me nim mon me ni bè boluy Dwata.”

Kem Lingón 119:46

Là kóe myak tmulón du bè yó kem tau hol geta yó kem hlauhem.

Rut 4:11

Ne mon yó kem tuha ne kem dumu tau hmungol du, “El, mi se deng gemtanud du. Dwata he hol hból lówóhen yóm libun yehenem lómón yóm tehe kehbólen lówó le Rakél ne Liya yó kem libun alì wen ngà Jakub bélê le. Balingi kwasa he lem blóng yó kem kóm kwen kem tau semfu bè Ifrat ne balingi tótól he bè ni bè Bitlihim.

Kem Lingón 37:30

Yóm tau hyu kmoen, dilô bè kudélen yóm khulungen hedem, ne laen dù mtukul nfihen.

Rut 2:12

Dwata he hol bemlay kóm ofol bè nim deng nmoem ni. Yó hem Dwata yó kem tau Israél, yóm Dwata gónóm deng hofin, hol bemlay kóm yóm ofol là deng sulék tonem du.”

Rut 2:4

Là legenen bè yó, kulel se kun kkól Buas gu bè Bitlihim ne mudél ebè yó kem tau mò nmò béléen, monen mò kul, “Dwata he nô bélê ye.” Mon le se kul, “Dwata he hol tmóbóng kóm.”

Kem Lingón 71:17

Ó Dwata, lemwót bè hanà kngau yóm ktolokem dou ne efet ni yóm tendo ktulónu du bè yó kem dumu tau yóm tey kehyuhen yó kem gel nmoem.

Kem Lingón 119:13

Angat tendo gel sensulit monu yó kem deng hlauhem kum.