Dwata 6:6 - Udél Dwata: Gna Kesfasad ne Lomi Kesfasad

⁶ Hol bê ye abay klifót yó kem hlau Dwata deng tulónu kuy kemdaw ni.

Dwata 6:6 Referans Kwoze

Kulasi 3:16

Hol sù ye bè nawa ye yóm tey hyu gel dnalang ye gbak ebè Krays. Hol ye gel stolok ne seflau lemwót bè yóm khulung ye hedem. Ne gel sngal ye dé yó kem lingón nô bè bok Lingón, dalang se yó kem dumu sngal Dwata. Semngal ye ebè Dwata, hol hmung ye du snéen yóm alì kdóyón ye du.

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Kem Udél Hlalak Tehe Selumun 7:3

Hol suem te henmuem ne suem lem hendemem yóm dou hlolò.

Kem Lingón 37:31

Tendo suen lem hendemen yóm hlau Dwata, là kô knogolen du.

2 Kurin 3:3

Nim sulat monu ni, mahil dmilô du ke Krays fen smulat du, ne olon heted du kum. Bede là kô lan tdok du, kaem Tulus Dwata mò du, yóm Dwata laen dù tul katayen. Ne là se kô snulaten du bè botu kufil, kaem lem hendem ye gónón smulat du.

Dwata 32:46

“Hol sù ye lem hendem ye yóm kdê udél Dwata toloku kuy kemdaw ni. Hol gel sensulit ye tmulón du bè yó kem ngà ye anì hol le hteneb mimón du.

Kem Lingón 119:11

Eles tendo hendemu yó kem hlauhem anì là gemsalae béléem.

Kun Snulat Luk 8:15

Yóm tonok hyu gónón e gdek yóm dumu bnék sohulen, duhen yó se kem tau hmungol du yóm Udél Dwata, ne tendo hnô le lem hendem le ne tódô henlel le se hemtahu du efet tey kbungu le.”

Kem Udél Hlalak Tehe Selumun 3:5

Hol hewótem lem but blututem yóm ksaligem ke Dwata, béem abay genléd nawa yóm kóm khulung temnef.

Kun Snulat Luk 2:51

Omin Jisas mung kul mulék ebè Nasarit, ne sal gel nimónen lu. Ne tódô kem hnô yéen bè nawahen ni kem ni.

Kem Lingón 119:98

Benlay le ou khulung hedem senta yóm kul khulung hedem yó kem hohonu, yakà senflós le tendo malak do.

Kem Lingón 40:8

Tey bong óyóu mò du yóm kóm kóyô, Dwata. Tendo eles nô bè nawahu yóm gel tolokem dou.”

2 Jan 1:2

Yó gónó tekuy sbong nawa, abay se deng nô bè nawa tekuy yóm tahu tolok, ne là kô wen tul keskóhen bélê tekuy.

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

2 Samwél 22:23

Yó kem hlau Dwata, là kô klifótu kul. Là kô knogolu du yó kem hloloen.

Kem Lingón 119:13

Angat tendo gel sensulit monu yó kem deng hlauhem kum.

Kem Lingón 119:30

Deng eles néléku yóm kimónu kóm. Hol kóyóu ke lolou yó kem hlauhem.