Dwata 6:5 - Udél Dwata: Gna Kesfasad ne Lomi Kesfasad

⁵ Hol hewót ye bè nawa ye yóm kbong nawa ye ke Dwata, hotu ye nawa ye ebéléen ne hotu ye gel ye mimón du.Hol bê ye abay klifót yó kem hlau Dwata deng tulónu kuy kemdaw ni.

Dwata 6:5 Referans Kwoze

Mark 12:30

Kenbong nawahem Dwata, yóm yóm gónóhem mogot. Hotuhem nawahem ebéléen. Hol hendemem yóm kun kóyô, ne hotuhem gelem mimón du.’Ne gewuhen yóm alì bong muhen,” mon Jisas, “duhen yóm monen, ‘Kenbong nawahem kem dumuhem lómón yóm kbong nawahem yóm kóm knô.’

Matyu 22:37

Bnalà Jisas se, monen, “ ‘Kenbong nawahem Dwata, yóm gónóhem mogot. Hotuhem nawahem ebéléen, ne hol hendemem yóm kun kóyô.’

Kun Snulat Luk 10:27

Ne bnalà yóm tau yó, monen, “Yó monen, ‘Hol kenbong nawahem Dwata, yóm gónóhem mogot. Hotuhem nawahem ebéléem. Hotuhem gelem mimón du. Béem kó lem hendemem yóm kun kóyô.’ Ne sotu monen, ‘Hol kenbong nawahem kem dumuhem lómón yóm kbong nawahem yóm kóm knô.’”

Dwata 10:12

Duhen ni kem tau Israél, tedu se yóm hol nóyô Dwata bélê ye, yóm sana kuy Dwata hol gónó mogot? Yó nóyóen ke hol wen klikò ye du ne ke tendo nmò ye yó kem kun hlau kuy. Kóyóen ke kenbong nawa ye ne hewót ye bè nawa ye yóm klolò ye du

Dwata 30:6

Wen óyô mimón angat blay Dwata kuy dalang se yó kem angat semfu gu bélê ye anì hol lemwót bè nawa ye yóm kbong nawa ye du ne mowil ye.

Dwata 4:29

Okóm bud bè yó snéen gónó ye bud mebel nawa ke Dwata, yóm sana kuy Dwata hol gónó mogot. Ne ke hol lemwót lem but blutut ye yóm kebel ye du yó angat ton ye.

1 Jan 5:3

Yó gónón gdilô yóm kbong nawa tekuy ke Dwata ke hol nimón tekuy yóm kun hlau. Yó kem hlauhen yó, là katen mgel,

Mark 12:33

Là hyuhen ke là kenbong nawa tekuy ke Dwata, ne ke là hotu tekuy nawa tekuy ebéléen, ne ke là hmung tekuy du kehedem tekuy ne gel tekuy. Ne là hyuhen ke là kenbong nawa tekuy kem dumu tekuy lómón yóm kbong nawa tekuy yóm kut knô. Ke lolò tekuy ni kem lewu hlau ni, ni se tey bong muhen bè Dwata senta yó kem ógóf gel dsù tekuy ebéléen, dalang se yó kem dumu gel dsù tekuy.”

2 Bok Kem Tau Hol Geta 23:25

Laen dù deng tau hol geta he ke mkél ke Jusaya yóm kehewóten du lem but blututen ne lem hendemen ne khotuhen gelen semfulék ebè Dwata. Gotu nimónen yóm kdê hlau Musis. Ne efet yóm kmoen ni, laen dù bud tau hol geta mkél du.

Matyu 10:37

Yóm tau ke loloen o,” mon Jisas, “okóm ke alì henlom nawahen kem tuhahen, kéngen yóm kloloen do yó. Dalang se ke alì henlom nawahen kem ngaen, kéngen yóm kloloen do.

Dwata 13:3

Hol bê ye abay kenmón yóm udélen ebélê ye yó. Yóm nmoen yó mò gónó Dwata tmilów kuy, yóm sana kuy Dwata hol gónó mogot, mò gónón hménég du ke hol lemwót lem nawa ye yóm kbong nawa ye du.

Dwata 30:16

Ke nimón ye yó kem hlauhen kuy yóm sana kuy Dwata hol gónó mogot, duhen yó kem hlau deng tulónu kuy kemdaw ni ne ke bong nawa ye du ne ke lolò ye yóm kdê hlauhen kuy, hyu klowil ye ne angat ye baling sotu but tau alì genged. Tey angat któbóngen kuy yóm sana kuy Dwata hol gónó mogot ke deng ye kól ta yóm tonok móyón nfun ye.

Dwata 30:20

Kenbong nawa ye yóm sana kuy Dwata hol gónó mogot. Hol nimón ye ne hol ye hteneb béléen dalang se yó kem angat semfu gu bélê ye anì tahà klowil ye ta yóm tonok tehe fasaden yó kem tehe fù ye le Abraham ne Isak ne Jakub.”

1 Bok Kem Tau Hol Geta 3:3

Tey kbong nawa Selumun ke Dwata, ne gotu loloen yó kem hlolò maen Dabid du, okóm gel demsù ne mtem insinsu bè yó kem gónó gel demsù sana nô bè yó.Sotu kdaw bè yó, mógów ebè Gibyun Selumun anì nan e demsù ditu, abay se bè yó gónón nô yóm gónó le demsù alì tótól bè kdéen. Botong lemibu ógóf hkekeb dsù Selumun bè yó.

Kem Lingón 119:2

Hligal le kul yó kem tau mimón du yó kem hlolò Dwata kul, ne hol lemwót lem but blutut le yóm kebel le ke Dwata.

Dwata 13:4

Són Dwata hol lolò ye yóm sana Dwata hol kuy gónó mogot, mung du yóm klikò ye du. Hol nimón ye ne lolò ye yó kem deng hlauhen kuy. Tmaba ye ebéléen ne hol ye hteneb mimón du.

Dwata 30:10

Yó se angat nmoen bélê ye ke hol nimón ye ne ke hol lolò ye yóm kdê hlauhen deng snulat bè nim Bok Hlau ni, ne ke hol hewót ye bè nawa ye yóm bud kesfulék ye ebéléen.

2 Tutul Israél 15:12

Ominen wen senfasad le Dwata, duhen yóm hol kehewót le du lem but blutut le yóm klolò le ke Dwata yóm Dwata yó kem tehe fù le.

2 Tutul Israél 34:31

Lemwót yóm tau hol geta mdà klohok yóm sotu hehek bè Gónô Dwata bè yóm tey kfasangen. Ne bè yó bè solu Dwata, bud hnomihen yóm tehe senfasad le Dwata yó kem tau Israél. Fasaden ke Dwata yóm hol kehewóten du lem but blututen yóm kimónen du yó kem hlauhen kul dalang se yó kem hloloen kul. Fasaden ke Dwata yóm kimónen du yóm kdê yó kem nô lem yóm bok, yóm deng tehe senfasad le Dwata yó kem tehe fù le.

Kem Lingón 31:24

Yu kem tau nefet nawa le Dwata, hol ye hbegel, hfól ye nawa ye.