Dwata 6:24 - Udél Dwata: Gna Kesfasad ne Lomi Kesfasad

²⁴ Ne yó hloloen tekuy yóm sana Dwata hol gónó mogot ke hol nimón te yó kem kun hlau ni ne ke nô bè nawa tekuy yóm klikò te du. Ke ni se nmò tekuy, tendo tnóbóngen tu ne tendo hyu kógów klowil tekuy.

Dwata 6:24 Referans Kwoze

Jirimaya 32:39

Ne laen kô dù tul sónen yóm keblayu kul yóm kessotu nawa le anì sónmoen wen klikò le dou mò kul kehyu dalang se yó kem angat lugod le.

Kem Lingón 41:2

Gel nofin Dwata lu ne hlowilen lu. Tey któbóngen kul bè yóm kmò le nmò ta yóm tonok le, ne là kô bayaen kul bè yó kem hohon le.

Sulat Pol Ebè Yó Kem Tau Hemtahu Bè Rom 10:5

Deng tehe wen snulat Musis ekni gbak ebè yóm tau tô móyô baling tedeng lemwót bè kloloen yóm hlau. Yó monen, “Balù kihu tau lemolò du yó kem hlau Dwata, angat gutahen se yóm klowil laen dù sónen.”Okóm bud wen monen bè Sulat Dwata gbak ebè yóm kehtahu tekuy mò gónón tedeng ktonen tekuy, yó monen, “Là bud hendem tekuy du ne ke wen tau mógów ebè longit nan e nangay Krays ete tonok.”

Dwata 8:1

Yó bud mon Musis mò kul, “Yó kem hlau htugod Dwata dou ebélê ye kemdaw ni, hol ye hteneb mimón du anì mowil ye ne mból ye ne henek ye ta yóm tonok tehe fasad Dwata yó kem tehe fù ye.

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Kem Udél Hlalak Tehe Selumun 22:4

Yó ofol yóm tau heglaan ne kmikò ke Dwata duhen yóm kendengenen ne kegdóyónen ne ktahà ktauhen.

Kem Udél Hlalak Tehe Selumun 9:12

Ke wen khulungem hedem ni se yóm kóm kehyu. Okóm ke mom kenbéem laen dù dumu glayam són sem uu.

Kem Lingón 66:9

Nô lem hólólen yóm klowil tekuy, ne sen-galaken tekuy anì là tlokob tekuy.

Dwata 8:3

Sotu tehe tilówen kuy, hbitilen yu ominen yó wen mana blayen kuy mò ken ye, yóm ken là deng hnikót ton ye du dalang se yó kem tehe fù ye. Yó gónón mò du yóm yó mò gónó ye temngón du là olon du bè ken gónón mowil tau, okóm mowil le bè kdéen yóm udél Dwata.

Dwata 4:4

Okóm kuy yu kem tau là monol nawahen ebè yóm sana kuy Dwata hol gónó mogot, tolo ye mowil yóm kmoen ni.

Kun Snulat Luk 10:28

Ne yó mon Jisas mò du, “Tahu se yóm monem. Ke nmoem yóm monem yó, angat wen kóm klowil laen sónen.”

Kehewà 20:20

Mon Musis se mò kul, “Bê ye abay hlikò. Yó gónó Dwata hegfan bélê ye nan e tnilów yu. Ne lemwót bè yóm klikò ye ke Dwata, yó gónón wen klikò ye mò salà.”

Dwata 6:23

Yó nmò Dwata bélê me, lenwaen mi gu bè Idyip, anì nwiten mi edini ne anì blayen kum nim tonok ni lómón yóm deng fasaden yó kem fù tekuy ekni.

Dwata 6:2

Bè yóm klawi ye mowil dalang se yó kem semfu gu bélê ye hol knikò ye Dwata, yóm sana kuy Dwata hol gónó mogot ne hol nimón ye yóm kdê hlauhen tulónu kuy ni. Ke ni se nmò ye angat tahà ktau ye.

Kem Lingón 41:3

Gel tnóbóng Dwata lu ke wen des le, gotu hkóhen yóm des gnóm le.