Dwata 6:22 - Udél Dwata: Gna Kesfasad ne Lomi Kesfasad

²² Tehe tódô kum mata mton du yó kem hentaw ton nmoen bélê me ne yó kem knikò ton nmoen bè yó kem tau Idyip ne bè Faro yóm tau hol geta bélê le ne bè yóm kdê genlalen.

Dwata 6:22 Referans Kwoze

Dwata 4:34

Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.

Kem Lingón 91:8

Tódô olohem mton du ktafak Dwata kul yó kem tau gel mò sidek.

Dwata 7:19

Hentulón ye nawa yóm tey dê knikò tehe ton mata ye deng nmò Dwata bè yó kem tau bè Idyip. Bud hentulón ye nawa yó kem hentaw ton ne yó kem tey tennga nmò Dwata bélê ye bè yóm kehewaen kuy gu bè Idyip mlan bè yóm tey kfasangen ne bè yóm tey kekgisen. Yóm tehe keglaen yó kem tau Idyip, hol bud lómón yó se angat bud nmoen bè yó kem tau knikò ye ni kmoen ni.

Dwata 4:3

Deng tehe tódô kuy mata se mton du yóm tehe nmò Dwata bélê ye bè Bulul Piyor. Gotu hfatayen yó kem tau tmaba ebè yóm dwata kéng boluyen Baal.

Kem Lingón 135:9

Tey dê hentaw ton nmoen bè Idyip mò tmafak ke Faro yóm tau hol geta ne yó kem genlalen.

Kehewà 3:20

Okóm lemwót bè kfasangu angat tnafaku Idyip mlan bè yó kem alì dê knikò nmou lem blóng le. Ominen yó he hewót kuy Faro.

Dwata 6:21

Yó tulón ye kul, mon ye, ‘Tehe me ghesek bè Faro bè Idyip okóm lenwaen mi Dwata mlan bè yóm tey kegbeken.

Dwata 6:23

Yó nmò Dwata bélê me, lenwaen mi gu bè Idyip, anì nwiten mi edini ne anì blayen kum nim tonok ni lómón yóm deng fasaden yó kem fù tekuy ekni.

Kem Lingón 136:4

Hol dóyón tekuy Dwata, tek són du gembek mò du yó kem tey hentaw ton. Laen kô dù tul sónen yóm kbong nawahen tekuy là monolen.

Kehewà 10:2

ne anì wen angat tulónem bè yó kem ngaem ne bè yó kem téméem yóm klaen dù gmò le yó kem tau Idyip bè yóm kmou du lem blóng le yó kem tey hentaw ton. Ne bè yó gónó ye temngón du yóm kdê ye ou se yóm sana Dwata hol gónó mogot.”