Dwata 6:21 - Udél Dwata: Gna Kesfasad ne Lomi Kesfasad

²¹ Yó tulón ye kul, mon ye, ‘Tehe me ghesek bè Faro bè Idyip okóm lenwaen mi Dwata mlan bè yóm tey kegbeken.

Dwata 6:21 Referans Kwoze

Dwata 5:6

‘Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye ghesek.

Kehewà 20:2

“Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye tehe ghesek.

Dwata 5:15

Hentulón ye nawa tehe ye ghesek bè Idyip se kuy. Yóm kehewà ye gu bè yóm benwu yó lemwót béléu yóm sana kuy Dwata hol gónó mogot, ne mlan bè yóm tey kegbeku ne kgisu. Yó se gónóhu hol hlolò du kuy yóm hlau bè Kdaw Kehegnô.

Kehewà 3:19

“Okóm,” mon Dwata, “deng eles tngónu là kô bayà Faro kuy ke là hol gnagahu du.

Tekang Kbuten 19:16

Okóm ke Lat kun, tô sgangaw nawan lemwót. Okóm tódô lemwót bè yóm kkodu Dwata du, yó nmò yóm lewu kem tau yó, tódô nogot le bè sigelen ne bud nogot le sigel yehenen ne kem ngaen ne nit le lu hewà.

Dwata 4:34

Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.

Dwata 6:20

Angat wen kdawen ksólók le kuy yó kem ngà ye, mon le, ‘Moen du ke gotu hlolò Dwata tekuy ni kem hlau ni?’

Dwata 6:22

Tehe tódô kum mata mton du yó kem hentaw ton nmoen bélê me ne yó kem knikò ton nmoen bè yó kem tau Idyip ne bè Faro yóm tau hol geta bélê le ne bè yóm kdê genlalen.

Kem Lingón 78:7

Mlan bè nim ni, són Dwata ne nefet nawa le, ne là kô klifót le du yó kem deng nmoen bélê le, okóm tendo nimón le yó kem hlauhen kul yó.