Dwata 6:18 - Udél Dwata: Gna Kesfasad ne Lomi Kesfasad

¹⁸ Hol nmò ye yóm tedeng ne hyu bè kton Dwata du anì hyu kógów klowil ye. Ke ni se nmò ye, angat ye gemfun bè yóm tey tonok hyu deng fasad Dwata yó kem fù ye ekni

Dwata 6:18 Referans Kwoze

Dwata 4:40

Hol nimón ye yóm kdê kun hlau kuy, duhen yó kem deng toloku kuy kemdaw ni anì hyu kógów klowil ye dalang se yó kem angat semfu gu bélê ye. Hol nimón ye yó kem kun hlau kuy yó anì angat mò hlós knô ye ta yóm tonok blayen kuy yóm sana kuy Dwata hol gónó mogot, yóm tonok hlós nfun ye efet kól bè laen dù tul sónen.” Là gomongen bè nili yóm bérs 41 efet kól bè bérs 49. Tulónen yóm tlu kem benwu htólóng Dwata fi dmata kdaw Él Jurdan mò gónó le e mlo yó kem tau gembonok là lenbù le du. Bud tulónen snéen yóm benwu gónó le kmamfù yó kem tau Israél bè yóm kdaw yó, duhen yóm tehe benwu yó kem tau Amurayt. Yó gónó kem tau Israél gemwa du yóm benwu yó lan le tehe gemmò bè yóm kwit le sgida bè le Sihun ne Ug, hono kem tau hol geta malak yó kem tau Amurayt.

Dwata 12:25

Bê ye abay ken, anì hyu kógów klowil ye dalang se yó kem ngà ye, abay se nmò ye yóm hyu bè kton Dwata du.

Sulat Pol Ebè Yó Kem Tau Hemtahu Bè Rom 12:2

Bê ye abay lolò kul kmò yó kem tau là hemtahu le lem nim benwu ni. Hesfili ye ke Dwata yóm kehedem ye anì gtukul ye ke tedu yóm kun kóyô bélê ye, ne ke tedu yóm hyu ne yóm tedeng ne yóm mò gónón hligal.

Dwata 5:29

Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.

Kun Snulat Jan 8:29

Yóm hógów dou,” mon Jisas, “là kô bayaen dou, abay se tendo nmou yóm kun knóyô.”

Isikél 33:19

Okóm yóm tau mò sidek, ke tenfloken yóm kmoen sidek ne tendo nmoen yóm tedeng ne yóm hyu, angat mowil du se yó.

Husiya 14:9

Yó kem tau hulung hedem, gotu tngón le kul yó kem snulat ni. Yó kem tau hulung temnef, tngón le se kul. Tey tedeng yóm kun lan yóm Dwata ne yó kem tau tedeng kmoen yóm gel lemolò du. Okóm yó kem tau gemsalà tlokob le kul, hlós le masà.

Isikél 33:16

Là bud snolou du béléen ne yó kem sidek deng gel nmoen, yakà deng tendo nmoen du yóm tedeng ne yóm hyu ne yó se gónón angat mowil.

Isikél 33:14

Sotuhen, mò kmoen se ke eles tulónu yóm tau mò sidek yóm angat katayen, okóm kogolen bè yó tenfloken yóm kmoen sidek ne tendo gel nmoen yóm tedeng ne yóm hyu,

Isikél 18:27

Ne sotuhen, ke tenflok yóm tau yóm kmoen sidek ne ke nimónen yó kem dou hlau ne ke nmoen yóm tedeng ne yóm hyu, angat gewà lem hatay yóm tau yó.

Isikél 18:21

Okóm ke tenfloken yóm kmoen sidek yóm tau yó ne ke gulit kloloen du yó kem dou hlau ne ke nmoen yóm tedeng ne yóm hyu, là kóen kendel matay yóm tau yó, fen mowil se kun.

Isikél 18:5

Mò kmoen ke wen tau tedeng kmoen, gulit kloloen du yóm hlolou kul,

Kem Lingón 19:11

Yó kem hlau yó mò eles gel hetgama dou. Tey ofolu bè yóm gel kimónu du.

Dwata 12:28

Hol ye hteneb mimón du yóm kdê deng hlauhu kuy anì laen dù sónen yóm kehyu kógów klowil ye dalang se yó kem ngà ye. Yó gónón laen dù sónen abay se nmò ye yóm tedeng ne yóm gónón hyu nawa Dwata bélê ye, yóm sana kuy Dwata hol gónó mogot.

Dwata 8:11

Hol ye eles temgama anì là klifót ye du yóm sana kuy Dwata hol gónó mogot. Bè yó kem hlauhen htugoden do ebélê ye kemdaw ni, hol bê tô là nimón.

Dwata 5:33

Gotu nimón ye yóm kdéen anì hyu kógów klowil ye ne hlós knô ye ta yóm tonok móyón nfun ye.”

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

Isikél 18:19

Okóm yóm gel snólók ye yóm mon ye, ‘Moen de kun yóm ngà logi yóó ke là megtafaken lemwót bè yó kem salà tehe gel nmò maen?’ Là gi. Yóm ngaen logi yó, lemwót bè yóm fen kmoen du yóm tedeng ne yóm kgulit tendo kloloen du yó kem dou hlolò kul, yó se lowilen.

Dwata 6:19

ne angat gotu lo ye lu yó kem hohon ye lómón yóm deng fasad Dwata kuy.

Dwata 6:10

Bè yóm kwit Dwata kuy eta yóm tey tonok deng tehe fasaden yó kem fù ye le Abraham ne Isak ne Jakub, deng eles wen kem syudad glo ye tahen, kem syudad lembang ne mdengen, syudad là tehe kuy hdà du.