Dwata 6:12 - Udél Dwata: Gna Kesfasad ne Lomi Kesfasad

¹² hol ye eles temgama anì là klifót ye du yóm Dwata tehe hewà kuy gu bè Idyip, bè yóm benwu gónó ye ghesek.

Dwata 6:12 Referans Kwoze

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Kem Lingón 59:11

Okóm béem abay hnatay lu, Dwata, déke mom klifót yó kem dou tau yóm dnalang le bè yóm nmoem yó. Mlan bè kgisem hol senklahem lu, ne hol heglaanem lu, Dwata, uu se yóm kum gónó heklung.

Kem Lingón 78:7

Mlan bè nim ni, són Dwata ne nefet nawa le, ne là kô klifót le du yó kem deng nmoen bélê le, okóm tendo nimón le yó kem hlauhen kul yó.

Kem Lingón 103:2

Tey kdóyónu ke Dwata. Là kô naw e klifót du yóm tey kehyu nmoen.

Dwata 4:23

Hol ye eles temgama anì là klifót ye du yóm deng kesfasad ye Dwata. Hol nimón ye yóm kun hlau kuy anì là gmò ye du kihu kay dwata lennged

Dwata 8:10

Laen kô dù gónó ye élél bè ken ye ne angat dóyón ye Dwata yóm sana kuy Dwata hol gónó mogot, bè yóm tey tonok wen tebasen deng blayen kuy.

Dwata 32:18

Botong klifót le yóm kul Dwata yóm mà le, yóm là monol nawahen ebélê le, yóm deng hlowil kul.

Kmukum 2:12

Là bud le tmaba ebè Dwata yóm sana kul Dwata hol gónó mogot yó kem tehe fù le, yóm Dwata tehe mit kul hewà gu bè Idyip. Deng le mom tmaba ebè yó kem dumu dwata kéng yó kem tau hmilol kul ne mtud le bukol bè solu le. Tey kehefebut le du yóm sana kul Dwata hol gónó mogot.

Kem Lingón 44:17

Gbunù me nim ni igò me sem là deng kmifót kóm. Là sem deng nulé me du yóm deng senfasad tekuy.

Kem Udél Hlalak Tehe Selumun 30:9

Déke alì wen gónóhu ma ne mom knogolu u ne monu laen dù muhu kóm. Senged se ke éléle déke gnagawe ne henyaku u Dwata.”

Husiya 2:13

Angat tnafaku bè yóm deng kehtulahen do lanen gel mtem insinsu ebè Baal ne gel leketen yó kem ngom blówónen, ominen mebel kem logi hemdóyón du,” udél yóm sana Dwata hol gónó mogot.

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.