Dwata 6:10 - Udél Dwata: Gna Kesfasad ne Lomi Kesfasad

¹⁰ Bè yóm kwit Dwata kuy eta yóm tey tonok deng tehe fasaden yó kem fù ye le Abraham ne Isak ne Jakub, deng eles wen kem syudad glo ye tahen, kem syudad lembang ne mdengen, syudad là tehe kuy hdà du.

Dwata 6:10 Referans Kwoze

Juswa 24:13

Ou se bemlay du kuy yóm tonok là tehe yu du mò nmò tahen ne yóm syudad là tehe yu du hdà du. Ne ni deng ye nô tahen yóm tonok yó ne ken ye yó kem grép là tehe kuy hulu du ne yó kem bungu ulib lemwót bè yó kem koyu là tehe kuy hulu du.”

Kem Lingón 105:44

Tódô blayen kul yóm tonok tólóng tau deng hnulenen, tles hfunen kul yó kem hulu le.

Nihimaya 9:25

Deng gwa yó kem tauhem yó kem syudad alì mbegel ne yó kem tonok alì tembas. Gwa le snéen yó kem gónô deng tódô ket du nô lemen ne eles mdengen se kokol le. Tódô glo le bè yó se yó kem tey genged bungu koyu, kem bungu grép ne yó kem bungu koyu ulib ne yó kem dumu koyu mungu. Laen dù gónó le élél bè ken, yó gónó le gotu baling mabù. Tey gsengel nawa le du yóm kdéen hyu deng blayem kul.

Kem Lingón 78:55

Deng gotu lohen yó kem tau tehe nô bè yóm benwu yó. Nólólen yóm tonok le mò blayen yó kem tau Israél mò nfun le. Ne bè yó gónón hemsù kul yó kem tau Israél.

Tekang Kbuten 26:3

Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.

Tekang Kbuten 15:18

Bè yóm igoen mton du yóm yó koni, tódô gungol Abram yóm fasad Dwata du, monen, “Yó fasadu kóm, angat blayu bè yó kem bólem yóm klamang yóm tonok ni, lenwóten ditu bè kilil Idyip efet kól ditu bè Él Yufratis,

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Dwata 9:1

Ó kem tau Israél, ni hol hnungol ye. Kemdaw ni ne bang kifal ye du yóm Él Jurdan ne bang knô ye ta yóm tonok nfun yó kem tau alì wen ne wen genbek le senta ye. Tey lamang yó kem syudad le ne yó kem beng hmilol kul botong tô gefet bè longit.

Dwata 31:20

Nwitu lu ebè yóm tey tonok hyu ne wen tey tebasen, lómón yóm tehe fasadu bè yó kem tehe fù le. Bè yóm tonok yó, là bud le élél du bè ken ne mdengen klowil le tahen. Okóm angat knogol le ou ne tmaba le ebè yó kem dumu dwata. Kenbê le o ne nulé le yóm deng senfasad me.

Dwata 1:8

Yóm kdê benwu monu ni, ni se yóm tonok deng tehe fasadu yó kem tehe fù ye le Abraham ne Isak ne Jakub ne bè kdê yó kem semfu gu bélê le. Mógów ye etu ne henek ye tahen.’ ” Là gomongen bè nili yóm tsaptér 1:9 efet kól bè tsaptér 3:29. Yó tulónen bè ni kem tsaptér ni yóm ktutul Musis du bè yó kem tau Israél yóm tehe kewót le gu bè Idyip. Ke móyô ye semfala du bè Tboli yóm tulónen, gbek ye semfala du bè ni kem bok nii abay se senged yóm tulón le. Kehewà 18 Kélék le yó kem tau kmukum bélê le Lista Israél 11 Knô le lem yóm benwu laen hol wen tauhen Lista Israél 13 Yó kem tau na a hemkana bè Kanan Lista Israél 14 Ksonol le ke Dwata yó kem tau Israél Lista Israél 20 Là kehlus Dwata ke Musis hlós ebè Kanan Lista Israél 21 Kegmò le bè le Sihun ne Ug Lista Israél 32 Yó kem tau Israél fen menwu fi dmata kdaw Él Jurdan

Dwata 6:18

Hol nmò ye yóm tedeng ne hyu bè kton Dwata du anì hyu kógów klowil ye. Ke ni se nmò ye, angat ye gemfun bè yóm tey tonok hyu deng fasad Dwata yó kem fù ye ekni

Dwata 6:23

Yó nmò Dwata bélê me, lenwaen mi gu bè Idyip, anì nwiten mi edini ne anì blayen kum nim tonok ni lómón yóm deng fasaden yó kem fù tekuy ekni.

Dwata 8:12

Ke laen dù bud gónó ye élél bè ken ne ke deng wen gónô tilob hdà ye