Biblia Todo Logo
Bib sou entènèt

- Piblisite -




Dwata 5:5 - Udél Dwata: Gna Kesfasad ne Lomi Kesfasad

5 Bè yóm kdaw yó, ou se fen semblóng kuy ebè Dwata mò tmulón du kuy yóm monen, abay se likò ye bè yóm ofi gónón gu mudél ne là kô ye gógów eta yóm bulul. Yó tehe udél Dwata ebélê ye bè yóm kdaw yó, monen,

Gade chapit la Kopi




Dwata 5:5
15 Referans Kwoze  

Duhen yó, ke lómón yó se kmoen tedu se muhen yóm kehsulaten du ke Musis yóm hlau? Yó muhen mò hdilô du bè yó kem tau yóm salà le. Wen mu Dwata du efet yóm kdaw kkól yóm tau monen semfu gu bè Abraham, yóm tau gónó Dwata e mon du yóm tehe fasaden yó. Bè yóm tehe keblay Dwata du ke Musis yóm hlau, wen hógówen gu bè longit mò blóngen ebè Musis. Bong ke Musis kun, mò fen blóngen ebè kem tau.


Timbow hlafus bè yóm getluhen kdaw, tódô lemték ne smilà ne wen tey lobun mfól gfan te yóm bulul yó ne gungol le se yóm tey uni féw. Tódô kdê yó kem tau nô bè kamfù gotu le likò, botong setbol kkel le.


Yóm gónô Dwata gónó Krays husek yó, sundu gónô nmò tdok tau du, olo hningónen yóm tahu duhen bè longit. Okóm deng kól ditu ne bè longit Krays. Deng mdà bè solu Dwata, abay se du fen semblóng tekuy ebéléen.


Yóm tau malak kul lemwót bè kul kwen, là kô tólóng tau du. Tinoku yóm tau yó anì hloni ebéléu, mon Dwata. Ke là lemwóten bè yóm ktinoku du, laen kô dù tau mlos hloni ebéléu.


Yó gónóm mon, tô genlà Dwata lu. Okóm kendel hsóól Musis yóm tau nélék Dwata. Hkodu Musis bè Dwata anì knogolen yóm alì kebuten kul, ne là genlaen kul.


Duhen ni, Musis, budi mulék ebè Dwata ne hol hnungolem yóm kdê tulónen kóm, yóm sana kut Dwata hol gónó mogot. Ominem bud mulék ebélê me ne tulónem kum yóm kdê tulónen kóm. Hnungol me uu ne nimón me.’


Tódô mdà bè yó Aron lem blóng yó kem tau tolo mowil ne yó kem tau deng matay mò hemseng yóm des mekto sut lem blóng le.


Omin le lemwót yó kem lewu tau, mógów le etu bè Sodom, ne fen tebel likót bè Abraham ke Dwata.


Ne mon Dwata mò du, “Budi mosol. Bud tulónem yó kem tau hol bê le abay nulé yóm blóng deng nmoem bè yó bè yóm na le e ketngel do. Ke wen mulé du matay le.


Tahu se, bud mosol Musis ne tulónen yó kem tau yóm deng mon Dwata mò du.


Gotu genbaen yó kem gónó le gel tmaba ebè yó kem dwata kéng, ne gotu lenusoken yó kem hehek ilô yó kem dwata kéng le, ne hofoken yóm lennged yóm dwata kéng le boluyen Asira. Gotu lenusoken snéen yóm ulal tembaga tehe nmò Musis, abay se efet bè yóm kdaw yó mo le mom mtem insinsu ebè yóm ulal yó, yó kem tau Israél, yóm bnoluy le Nihustan.


Swiv nou:

Piblisite


Piblisite