Dwata 5:33 - Udél Dwata: Gna Kesfasad ne Lomi Kesfasad

³³ Gotu nimón ye yóm kdéen anì hyu kógów klowil ye ne hlós knô ye ta yóm tonok móyón nfun ye.”

Dwata 5:33 Referans Kwoze

Jirimaya 7:23

Okóm yó hol hlolou kul, monu mò kul, ‘Hol nimón ye ou anì ou se mò kuy Dwata ne yu se mò dou tau. Hol lolò ye yóm deng monu mò kuy anì hyu kógów klowil ye.’

Dwata 4:40

Hol nimón ye yóm kdê kun hlau kuy, duhen yó kem deng toloku kuy kemdaw ni anì hyu kógów klowil ye dalang se yó kem angat semfu gu bélê ye. Hol nimón ye yó kem kun hlau kuy yó anì angat mò hlós knô ye ta yóm tonok blayen kuy yóm sana kuy Dwata hol gónó mogot, yóm tonok hlós nfun ye efet kól bè laen dù tul sónen.” Là gomongen bè nili yóm bérs 41 efet kól bè bérs 49. Tulónen yóm tlu kem benwu htólóng Dwata fi dmata kdaw Él Jurdan mò gónó le e mlo yó kem tau gembonok là lenbù le du. Bud tulónen snéen yóm benwu gónó le kmamfù yó kem tau Israél bè yóm kdaw yó, duhen yóm tehe benwu yó kem tau Amurayt. Yó gónó kem tau Israél gemwa du yóm benwu yó lan le tehe gemmò bè yóm kwit le sgida bè le Sihun ne Ug, hono kem tau hol geta malak yó kem tau Amurayt.

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Dwata 10:12

Duhen ni kem tau Israél, tedu se yóm hol nóyô Dwata bélê ye, yóm sana kuy Dwata hol gónó mogot? Yó nóyóen ke hol wen klikò ye du ne ke tendo nmò ye yó kem kun hlau kuy. Kóyóen ke kenbong nawa ye ne hewót ye bè nawa ye yóm klolò ye du

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

Kem Lingón 119:6

Ke gotu nimónu yóm kdê hlauhem kum, laen kô dù gónów myak.

Dwata 5:29

Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

Dwata 6:1

Yó bud mon Musis mò kul, “Ni se yó kem hlau htugod Dwata dou ebélê ye, yóm sana kuy Dwata hol gónó mogot. Yó gónón htugod du do ebélê ye ni kem hlau ni mò hol tendo nimón ye bè yóm knô ye ta yóm tonok mò gónó ye henek nô.

Dwata 6:3

Yó gónóm mon, yu kem tau Israél, hol gel hnungol ye yó kem hlau Dwata kuy ne hol nimón ye. Ke ni se nmò ye angat hyu kógów klowil ye ne angat tey kból ye bè yóm knô ye ta yóm tonok alì hyu ne wen tey tebasen lómón yóm deng fasad Dwata kuy, yóm sana Dwata yó kem tehe fù tekuy.

Dwata 12:25

Bê ye abay ken, anì hyu kógów klowil ye dalang se yó kem ngà ye, abay se nmò ye yóm hyu bè kton Dwata du.

Dwata 12:28

Hol ye hteneb mimón du yóm kdê deng hlauhu kuy anì laen dù sónen yóm kehyu kógów klowil ye dalang se yó kem ngà ye. Yó gónón laen dù sónen abay se nmò ye yóm tedeng ne yóm gónón hyu nawa Dwata bélê ye, yóm sana kuy Dwata hol gónó mogot.

Jirimaya 42:6

Ke móyô me du yóm tulónen kóm, duhen ke là móyô me du, nimón me yóm sana kut Dwata hol gónó mogot yóm Dwata gónó me hefni kóm. Ke hol nimón me angat baling hyu kógów klowil me.”

Dwata 5:16

Hol nadat ye mà ye ne yê ye. Ou se yóm sana kuy Dwata hol gónó mogot fen hmau du kuy nim ni anì hyu kógów klowil ye ne anì tahà ktau ye ta yóm tonok blayu kuy.

Dwata 8:1

Yó bud mon Musis mò kul, “Yó kem hlau htugod Dwata dou ebélê ye kemdaw ni, hol ye hteneb mimón du anì mowil ye ne mból ye ne henek ye ta yóm tonok tehe fasad Dwata yó kem tehe fù ye.

Dwata 30:16

Ke nimón ye yó kem hlauhen kuy yóm sana kuy Dwata hol gónó mogot, duhen yó kem hlau deng tulónu kuy kemdaw ni ne ke bong nawa ye du ne ke lolò ye yóm kdê hlauhen kuy, hyu klowil ye ne angat ye baling sotu but tau alì genged. Tey angat któbóngen kuy yóm sana kuy Dwata hol gónó mogot ke deng ye kól ta yóm tonok móyón nfun ye.

1 Bok Kem Tau Hol Geta 3:14

Ne ke loloem ou, ne ke nimónem yó kem hlauhu kóm lómón yóm kun tehe nmò Dabid, yóm maem, angat htahau klowilem.”

1 Tutul Israél 28:8

Duhen yó, hnungol Dwata nim ni, wen hlolou yóm kdéen tau Israél, yó kem kun tau Dwata. Hol ye temgama anì glolò ye yóm hlau yóm sana kuy Dwata hol gónó mogot. Ke ni se nmò ye, laen kô dù tul sónen yóm kfun ye du nim tey tonok hyu ni mò nfun yó kem ngà ye.

Kem Lingón 37:9

Yó kem tau smalig ke Dwata, angat le gemfun bè yóm tonok tehe fasad Dwata kul. Okóm yó kem tau mò sidek, angat hdó le lu.

Kem Lingón 37:11

Okóm yó kem tau heglaan le knô le, gfun le yóm tonok tehe fasad Dwata kul, ne tilob kógów klowil le, ne tendo menek kbenwu le.

Kem Lingón 37:22

Yó kem tau tnóbóng Dwata, gotu gfun le yóm tonok tehe fasaden kul. Okóm yó kem tau tnuleden, tódô hdó le lu ta yóm tonok yó.

Kem Lingón 37:29

Yó tles mfun du, yó kem tau tedeng kmò le, ne laen dù sónen yóm knô le tahen.

Kem Lingón 37:34

Dwata dé nefet nawahem, ne nimónem yóm kdê hlauhen. Ke yó se nmoem, angat tey kadaten kóm Dwata mlan bè keblayen du kóm yóm tonok mò gónóm nô. Angat tonem yóm kehdóhen kul bè yóm tonok yó, yó kem tau gel mò sidek.

Kem Udél Hlalak Tehe Selumun 3:1

Ó Man, béem abay klifót yó kem toloku kóm, okóm hol hnóem bè nawahem yó kem hlolou kóm.