Dwata 5:32 - Udél Dwata: Gna Kesfasad ne Lomi Kesfasad

³² Ne ni, kem tau Israél, hol nimón ye yó kem hlauhen kuy yóm sana kuy Dwata hol gónó mogot. Hol béen abay wen glafang ye bè yó kem hlauhen kuy.

Dwata 5:32 Referans Kwoze

Kem Udél Hlalak Tehe Selumun 4:27

Hol henktengem lemolò du yóm lan tedeng ne hol senyahem yó kem nmò sidek.

Juswa 23:6

Yó gónóm mon hol ye setgel. Hol bê ye abay klifót lemolò du yóm kdê deng snulat Musis lem yóm Bok Hlau. Béen abay wen nulé ye du.

Juswa 1:7

Hol hotuhem gelem ne hol hfólem nawam. Hol nimónem yóm kdê deng hlau Musis kuy yóm tau tóbóng lówóhu. Hol béen abay wen nuléhem du anì wen uléken yóm gel nmoem.

Dwata 17:20

Lemwót bè yóm gel kesfalahen du, là kô gbeken du ke hegetahen knóen senta yó kem dumuhen Israél ne là se gbeken mulé du yó kem hlolò Dwata kul balù yó kem olo leneken. Ke ni se nmoen yóm tau hol geta, angat tahà kogoten benwu efet kól bè yó kem angat sfuhen. Balù hilu bud lugod le, tódô seflós kogot le yóm benwu Israél.”

Dwata 28:14

Okóm hol bê ye tô là mimón ne hol bê ye abay lolò yó kem dumu dwata duhen ke tô ye tmaba ebélê le.

Isikél 37:24

Yó angat geta bélê le, duhen Dabid yóm tau tóbóng lówóhu. Tek sotuhen yóm semgyok kul. Ne tey kimón le du yó kem hlau ne yó kem dou hlolò kul.

Dwata 12:32

Hol gotu nmò ye yóm kdê deng hlauhu kuy ne béen abay wen tnù ye du ne béen abay wen se kó ye du.

Dwata 8:1

Yó bud mon Musis mò kul, “Yó kem hlau htugod Dwata dou ebélê ye kemdaw ni, hol ye hteneb mimón du anì mowil ye ne mból ye ne henek ye ta yóm tonok tehe fasad Dwata yó kem tehe fù ye.

2 Pitér 2:21

Mom hyu bélê le ke là deng tehe tngón le du yóm lan tedeng senta yóm deng ketngón le du, ne omin le kmogol du yóm hlau Dwata deng tehe hetngón le kul yó.

Kem Lingón 125:5

Okóm ke tnafakem yó kem tau gel mò sidek, homong tnafakem snéen yó kem tau kmogol du yóm kóm lan. Dwata he hol henek nawa yó kem tau Israél.

Dwata 6:25

Ke hol tekuy hteneb mimón du yóm kdê deng hlauhen tekuy, yó gónón hyu nawan ebélê te.’ Ni se hol tulón ye yó kem ngà ye.”

Dwata 6:3

Yó gónóm mon, yu kem tau Israél, hol gel hnungol ye yó kem hlau Dwata kuy ne hol nimón ye. Ke ni se nmò ye angat hyu kógów klowil ye ne angat tey kból ye bè yóm knô ye ta yóm tonok alì hyu ne wen tey tebasen lómón yóm deng fasad Dwata kuy, yóm sana Dwata yó kem tehe fù tekuy.

2 Bok Kem Tau Hol Geta 22:2

Bè ket nmò Jusaya, tey tedeng kton Dwata du, ne tendo loloen yóm tehe kun kmò yóm tehe fuen Dabid, sal loloen yóm tedeng.

Dwata 6:17

Tendo nimón ye yóm kdê hlauhen kuy.

Kem Lingón 19:12

Laen kô dù tau ke dilóen yóm kun gónó là tedeng. Yó gónóm mon, tnóbóngem ou, Dwata, anì là gwiten dou yóm là tedengen bè yóm là dilóu du.

Kem Lingón 80:19

Ó Dwata yóm mogot kum, bud hulékem mi ebéléem, yakà uu du se yóm laen dù là gbeken du. Hol knudungem mi, són se bè yó gónó me gewà.

Kem Udél Hlalak Tehe Selumun 3:2

Yakà bè ni du gónón lemwót tahà ktauhem ne yóm klowil gsengel nawam du.

Isaya 30:21

Ke wen gónó ye tlas bè yóm lan lolò ye, bè iwóng ye duhen ke bè kwanan ye, wen udél Dwata gungol ye gu tekwang ye monen mò kuy, “Ni dé lan lolò ye.”