Dwata 5:29 - Udél Dwata: Gna Kesfasad ne Lomi Kesfasad

²⁹ Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.

Dwata 5:29 Referans Kwoze

Isaya 48:18

Ke deng tehe hnungol ye yó kem hlauhu kuy, sana klelen he yóm kenek nawa ye lómón lel él. Ne sana kehlósu hegmò kuy bè yó kem hohon ye, lómón keseflósen gedkol ebè kilil yóm lewók mohin.

Matyu 23:37

“Yu kem tau menwu bè syudad Jirusalim, sal gel hnatay ye yó kem tau tugod Dwata, ne hnatay sentudà ye botu yó kem tau hógów Dwata ebélê ye. Deng hilu duléku ne tô móyô sembung kuy, lómó tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Kun Snulat Luk 19:42

yó monen, “Kamà ke yóm tngón ye yóm lan ye bud mit sefyu ebè Dwata, balù ni hem kemdaw ni ke tnana ye. Okóm là kô glileb ye du.

Dwata 4:40

Hol nimón ye yóm kdê kun hlau kuy, duhen yó kem deng toloku kuy kemdaw ni anì hyu kógów klowil ye dalang se yó kem angat semfu gu bélê ye. Hol nimón ye yó kem kun hlau kuy yó anì angat mò hlós knô ye ta yóm tonok blayen kuy yóm sana kuy Dwata hol gónó mogot, yóm tonok hlós nfun ye efet kól bè laen dù tul sónen.” Là gomongen bè nili yóm bérs 41 efet kól bè bérs 49. Tulónen yóm tlu kem benwu htólóng Dwata fi dmata kdaw Él Jurdan mò gónó le e mlo yó kem tau gembonok là lenbù le du. Bud tulónen snéen yóm benwu gónó le kmamfù yó kem tau Israél bè yóm kdaw yó, duhen yóm tehe benwu yó kem tau Amurayt. Yó gónó kem tau Israél gemwa du yóm benwu yó lan le tehe gemmò bè yóm kwit le sgida bè le Sihun ne Ug, hono kem tau hol geta malak yó kem tau Amurayt.

Dwata 5:16

Hol nadat ye mà ye ne yê ye. Ou se yóm sana kuy Dwata hol gónó mogot fen hmau du kuy nim ni anì hyu kógów klowil ye ne anì tahà ktau ye ta yóm tonok blayu kuy.

2 Kurin 5:20

Ne duhen yó, mi se gel hógów Krays mò mit yóm kun tulón. Hol lómón ke Dwata fen mudél ebélê ye, okóm hlanen bélê me. Yó udél hwit Krays kum, monen, “Géhél ye mit sefyu ebè Dwata ne.”

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

Sulat Jim 1:25

Okóm yóm tau sónmoen gel hemnagì du yóm hlau Dwata, yóm hlau mò hegewà du, ne kesok nimónen ne là klifóten du yóm deng gungolen, tey któbóng Dwata du yóm tau yó bè ket nmoen.

2 Kurin 6:1

Duhen yó, lemwót bè yóm deng keseglomong me mò nmò bè Dwata se kum, yó gónó me mon du mò kuy, hol bê ye abay hningay yóm któbóng Dwata kuy.

Kun Snulat Jan 15:14

Weu yu ke nimón ye yóm hlauhu kuy.

Kun Snulat Luk 11:28

Okóm yó mom balà Jisas du, monen, “Milud he kehligalen yóm tau ke hnungolen yóm udél Dwata, ne nimónen.”

Kem Lingón 106:3

Hligal le kul yó kem tau ke tedeng nmò le bè kem dumu le, ne ke tendo nmò le yóm hyu.

Kem Lingón 19:11

Yó kem hlau yó mò eles gel hetgama dou. Tey ofolu bè yóm gel kimónu du.

Rut 3:1

Sotu kdaw bè yó, yó mon Numi mò ke Rut, “Tey là hyuhen ke là mebele béléem tengebem, Yô, anì wen kóm fes lówó.

Dwata 12:28

Hol ye hteneb mimón du yóm kdê deng hlauhu kuy anì laen dù sónen yóm kehyu kógów klowil ye dalang se yó kem ngà ye. Yó gónón laen dù sónen abay se nmò ye yóm tedeng ne yóm gónón hyu nawa Dwata bélê ye, yóm sana kuy Dwata hol gónó mogot.

Dwata 12:25

Bê ye abay ken, anì hyu kógów klowil ye dalang se yó kem ngà ye, abay se nmò ye yóm hyu bè kton Dwata du.

Dwata 6:18

Hol nmò ye yóm tedeng ne hyu bè kton Dwata du anì hyu kógów klowil ye. Ke ni se nmò ye, angat ye gemfun bè yóm tey tonok hyu deng fasad Dwata yó kem fù ye ekni

Dwata 6:3

Yó gónóm mon, yu kem tau Israél, hol gel hnungol ye yó kem hlau Dwata kuy ne hol nimón ye. Ke ni se nmò ye angat hyu kógów klowil ye ne angat tey kból ye bè yóm knô ye ta yóm tonok alì hyu ne wen tey tebasen lómón yóm deng fasad Dwata kuy, yóm sana Dwata yó kem tehe fù tekuy.

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Dwata 5:30

Tu ne, Musis, muléki ebélê le nam e bud hulék lu ebè kamfù le.

Dwata 5:33

Gotu nimón ye yóm kdéen anì hyu kógów klowil ye ne hlós knô ye ta yóm tonok móyón nfun ye.”

Kem Lingón 78:7

Mlan bè nim ni, són Dwata ne nefet nawa le, ne là kô klifót le du yó kem deng nmoen bélê le, okóm tendo nimón le yó kem hlauhen kul yó.

Jirimaya 42:6

Ke móyô me du yóm tulónen kóm, duhen ke là móyô me du, nimón me yóm sana kut Dwata hol gónó mogot yóm Dwata gónó me hefni kóm. Ke hol nimón me angat baling hyu kógów klowil me.”

Dwata 4:2

Yó kem hlauhu kuy ni, béen abay wen tnù ye du ne béen abay wen se kó ye du. Hol nimón ye yó kem hlau Dwata kuy, duhen yóm deng tulónu kuy ni.

Dwata 4:10

yóm kdaw tehe kdà ye bè solu yóm sana kuy Dwata hol gónó mogot bè Bulul Sinay, yóm kdaw tehe kmonen du mò dou, ‘Gotu sentifunem lu yó kem tau. Kóyóu ke gungol le yóm udélu ebélê le anì wen klikò le dou bè yóm klawi le mowil ne anì bud tolok le bè yó kem ngà le snéen yóm klikò le dou yó.’ ”

Dwata 6:17

Tendo nimón ye yóm kdê hlauhen kuy.

Dwata 8:6

Yó gónóm mon, hol nmò ye yóm deng hlau Dwata kuy. Bè yóm klawi ye mowil, hol lolò ye yó kem kun hlau kuy mung du yóm klikò ye du.

Dwata 10:12

Duhen ni kem tau Israél, tedu se yóm hol nóyô Dwata bélê ye, yóm sana kuy Dwata hol gónó mogot? Yó nóyóen ke hol wen klikò ye du ne ke tendo nmò ye yó kem kun hlau kuy. Kóyóen ke kenbong nawa ye ne hewót ye bè nawa ye yóm klolò ye du

Dwata 10:20

Hol knikò ye yóm sana kuy Dwata hol gónó mogot ne olon du gónó ye e tmaba. Hol ye hteneb mimón du ne olon bè boluyen gónó ye gel hlan du ke wen fasad ye.

1 Tutul Israél 29:18

Ó Dwata yóm Dwata fù me Abraham, Isak ne Israél, hol tendo suem lem hendem yó kem kóm tau yóm klaen kô dù tul sónen yóm óyô le mimón kóm. Hol tnóbóngem lu anì là megetlesen yóm kbong nawa le kóm.

Kem Lingón 19:12

Laen kô dù tau ke dilóen yóm kun gónó là tedeng. Yó gónóm mon, tnóbóngem ou, Dwata, anì là gwiten dou yóm là tedengen bè yóm là dilóu du.

Kem Lingón 81:16

Okóm kuy, hkenu kuy yóm ken ali hyu. Hebsowu yu bè yóm tneb lemwót lem sol botu.”