Dwata 5:27 - Udél Dwata: Gna Kesfasad ne Lomi Kesfasad

²⁷ Duhen ni, Musis, budi mulék ebè Dwata ne hol hnungolem yóm kdê tulónen kóm, yóm sana kut Dwata hol gónó mogot. Ominem bud mulék ebélê me ne tulónem kum yóm kdê tulónen kóm. Hnungol me uu ne nimón me.’

Dwata 5:27 Referans Kwoze

Kehewà 20:19

Yó mon le mò ke Musis, “Ke uu mudél ebélê me hnungol me. Okóm ke Dwata, likò me déke matay me.”

Hibru 12:19

Ne tódô gungol le yóm tey uni féw bong, ne sen-geng gungol le se yóm udél Dwata. Bè yóm kungol le du, ya tey sidek klikò le, botong le hkodu bè Musis anì béen bud mudél ebélê le Dwata.

Kehewà 19:8

Omin le gotu malà du yó kem tau, mon le, “Gotu nmò me yóm deng mon Dwata yó, yóm sana kum Dwata hol gónó mogot.” Omin Musis bud mneged nan e hgefet bè Dwata yóm balà le yó.

Kehewà 24:3

Tahu se. Lemwót mosol Musis, gotu tulónen yóm kdê tau yó kem hlau Dwata kul ne yóm kdê hloloen kul. Ne yó balà le ke Musis yó kem tau, mon le, “Tódô nmò me yóm kdê deng mon Dwata mò kum.”

Dwata 5:26

Laen kô dù tau bud mowil ke gungolen udél yóm Dwata laen tul katayen gu lem tum dilóf ofi, lómón yóm deng gungol me.

Dwata 5:28

Timbow gungol Dwata yóm kóyô ye yó, yó monen mò dou, ‘Deng gungolu udél ni kem tau nii ne tahu se yóm mon le yó.

Juswa 24:24

Yó bud mon yó kem tau mò ke Juswa, “Tódô lolò me yóm sana kut Dwata hol gónó mogot. Ne nimón me yóm kdê hlauhen kum.”

Jirimaya 42:6

Ke móyô me du yóm tulónen kóm, duhen ke là móyô me du, nimón me yóm sana kut Dwata hol gónó mogot yóm Dwata gónó me hefni kóm. Ke hol nimón me angat baling hyu kógów klowil me.”

Kehewà 18:20

Tey hyu yóm ktolokem du kul yó kem hlau Dwata ne yó kem dumu hloloen kul. Tey hyu snéen yóm kehlanem du bélê le yóm kmò kwit le ktau le ne yóm ktolokem du kul yóm hyu bang nmò le.

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Jirimaya 42:5

Ominen yó udél le ebè Jirimaya, mon le, “Yó hem sana kut Dwata hol gónó mogot hol temksì kum ke là nimón me du yó kem tulónen kum.