Dwata 5:26 - Udél Dwata: Gna Kesfasad ne Lomi Kesfasad

²⁶ Laen kô dù tau bud mowil ke gungolen udél yóm Dwata laen tul katayen gu lem tum dilóf ofi, lómón yóm deng gungol me.

Dwata 5:26 Referans Kwoze

Dwata 4:33

Deng wen kô dumu tau tolo mowil ke deng gungol le yóm udél Dwata ebélê le gu lem yóm dilóf ofi lómón yóm kudélen ebélê ye? Laen duen.

Sulat Pol Ebè Yó Kem Tau Hemtahu Bè Rom 3:20

Abay se laen dù tau tedeng kton Dwata du lemwót bè kloloen yóm hlau. Yó muhen yóm hlau mò hdilô du bè tau yóm kegsalaen.

1 Tisalunika 1:9

Gotu tulón le kum yóm tehe tey khódó ye kum ekni bè yóm tehe ksut me bélê ye dyó, ne yóm deng kkogol ye yó kem dwata kéng, ne yóm deng kimón ye ke Dwata yóm hol tahu Dwata, yóm Dwata laen tul katayen.

2 Kurin 6:16

Ne sotuhen, laen kô dù gónó le segmung yóm kun gónô Dwata ne yó kem dwata kéng. Kaem tekuy se yóm kun gónô gónóhen nô yóm Dwata laen dù tul katayen. Hol lómón yóm tehe mon Dwata ekni, yóm monen, “Angate tendo nô bélê le yó kem dou tau, ne hol lem blóng le gónóhu nô. Ne ou se baling hol kul Dwata, ne lu se baling hol dou tau.”

Kul Nmò 14:15

tódô hendlà hgel le udél le, mon le, “Ó kem tau, moen de ke ni tô nmò ye? Olo me tau lómón kuy. Nim nógów me edini ni, na me e tulón kuy yóm Tulón Hyu anì gkogol ye ni kem dwata kéng laen dù genbek le, ne beklil ye ebè yóm Dwata mowil, yóm tehe dmimun longit ne tonok ne mohin ne kdéen ton.

Matyu 26:63

Okóm là dogen mudél Jisas. Ominen bud mudél ebéléen yóm tau geta yó koni, monen, “Wen snólóku béléem. Bè yóm kbalaem du, hol hlanem bè boluy yóm Dwata laen dù tul katayen. Tulónem kum kun ktahuhen ke uu yóm Misaya, yóm hol Ngà Dwata.”

Danyél 6:26

Wen udinu bè kdéen tau balù kihu gónó le nô lem nim benwu knamalu, kóyóu ke hol knikò ye yóm kun Dwata Danyél. Yakà du se yóm Dwata laen tul katayen, laen se dù sónen yóm kun klowil. Yóm kogoten tau, laen kô dù tau gembek gembà du ne laen kô dù sónen yóm kun kogot.

Jirimaya 10:10

Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.

Isaya 40:6

Bud wen tmaba, yó utóm tum tabahen, monen, “Hol heglalagem dé.” Monu se, “Tedu de heglalagu?” Monen se, “Yó heglalagem, là kóen té yóm klowil tau, hol lómón ke bnes mahil le menes. Ne hol lómón ke bulók lem bnes, mahil le mifù.

Kem Lingón 84:2

Hol kóyóu ke bude nô bè yó. Tey khahuu du yóm Gónóem, Dwata. Tahu lemwót bè nawahu hligal lemingón ebè yóm Dwata laen dù tul katayen.

Kem Lingón 42:2

Lómón yó se kebelu kóm, Dwata yóm Dwata laen dù tul katayen. Kilón de kógówu ebè Gónóem anì naw e tmaba ebéléem bè yó?

Juswa 3:10

Angat tódô tngón ye kemdaw ni yóm knóen bélê ye Dwata yóm Dwata laen tul katayen. Bè yóm igò ye mógów eta yóm tonok deng blayen kuy, du se fen mlo kul gu tahen yó kem tau Kanan ne yó kem tau Hitayt ne yó kem tau Hibayt ne yó kem tau Pirisayt ne yó kem tau Girgasayt ne yó kem tau Amurayt ne yó kem tau Jibusayt.

Tekang Kbuten 6:12

Laen dù tau ton Dwata talak tonok ke nô bè nawahen yóm hyu. Tódô kdê le gotu mò sidek.

Dwata 5:27

Duhen ni, Musis, budi mulék ebè Dwata ne hol hnungolem yóm kdê tulónen kóm, yóm sana kut Dwata hol gónó mogot. Ominem bud mulék ebélê me ne tulónem kum yóm kdê tulónen kóm. Hnungol me uu ne nimón me.’

Kmukum 13:22

Yó mon Manu mò ke yehenen, “Bang katay te ni abay se deng ton te Dwata.”

1 Samwél 17:26

Omin Dabid mudél ebè yó kem tau mdà klohoken, monen mò kul, “Tedu se ofolen yóm tau gemhatay du yóm Flistin yóó ne ke kóhen bélê tekuy kem tau Israél yóm gónó tekuy myak nii? Tmau du se nim Flistin là hemtahu bè Dwata nii, tô nwiten sfatay yó kem sendalù yóm Dwata là matayen?”

Tekang Kbuten 32:31

Deng sut mata kdaw ne yóm kewót Jakub bè yó bè Pinyél, bede deng mom tugô lemwót bè yóm deng kesléhé lem hunuken.

Kem Lingón 42:3

Tey tendo kkiku kemdaw ne kifu, hol lómón ke yó henged kenu. Lel ni kem hohonu, tendo gel smólók dou, “Nô se yóm Dwata gónóm hemtahu yó du?”