Dwata 5:22 - Udél Dwata: Gna Kesfasad ne Lomi Kesfasad

²² Ni se yóm sfolò kem hlau hlolò Dwata kuy bè yóm tehe kesbung ye bè bulul Sinay. Tódô mudél ebélê ye gu lem yóm dilóf ofi ne lobun mfól ne tey mfasang yóm kudélen yó. Ni se yóm hlau hloloen kuy, laen dù dumuhen. Ominen smulat du ta yóm lewu kem botu kufil yóm hlauhen yó ne oguhen dou.

Dwata 5:22 Referans Kwoze

Kehewà 31:18

Timbow deng kudél Dwata ebè Musis ditu ta tfusù yóm Bulul Sinay, ominen bemlay du ke Musis yóm lewu botu kufil gónóhen deng smulat yó kem sfolò hlauhen kul. Tódô Dwata smulat du yó kem hlau yó.

Kehewà 24:12

Sotu kdaw, yó bud mon Dwata mò ke Musis, “Budi mneged edini béléu ta bulul, nahem na legen bè ni. Bè yóm igoem nô bè ni wen lewu botu kufil blayu kóm, botu gónóhu deng smulat yó kem hlolou yó kem tau Israél.”

Dwata 5:4

Bè yó ta yóm bulul yó, tódô suyó bélê ye Dwata lemwót gu lem yóm tey ofi.

Dwata 4:36

Hfungolen kuy yóm udélen gu bè longit mò gónón semtódô kuy. Ne dini talak tonok tehe hegfanen bélê ye yóm tey ofi lemwót gu bè yóm gónón mudél.

Hibru 12:18

Bè yóm kehloni tekuy ebè Dwata, là kô gnóm tekuy du kut yóm tehe gnóm yó kem tau Israél ekni. Tey sidek klikò le bè yóm kton le du yóm tey dilóf ofi ta bulul Sinay, ne yóm tey sidek kkifuhen, lel nim tey lenos bong.

Kehewà 20:21

Okóm yó kem tau mom henlel le mdà hlayuk. Tek són Musis hloni ebè yóm lobun hitem gónó Dwata nô. Là gomongen bè nili tsaptér 20:22 efet kól bè tsaptér 23:19. Tulónen yó kem hlolò Dwata kul bè yóm kmò le du bè botu yóm gónó le gel demsù ebè Dwata ne bè yóm kmò kwit le kukum ne bè yóm kmò ktaba le ebè Dwata.

Dwata 5:23

Bè yóm tehe tódô ketfengen ofi yóm Bulul Sinay, tódô gungol ye yóm udél Dwata gu lem yóm tey mget kifu, lemwót yó kem tau malak kuy bè ket ból ye mógów ebéléu

Dwata 4:33

Deng wen kô dumu tau tolo mowil ke deng gungol le yóm udél Dwata ebélê le gu lem yóm dilóf ofi lómón yóm kudélen ebélê ye? Laen duen.