Dwata 5:15 - Udél Dwata: Gna Kesfasad ne Lomi Kesfasad

¹⁵ Hentulón ye nawa tehe ye ghesek bè Idyip se kuy. Yóm kehewà ye gu bè yóm benwu yó lemwót béléu yóm sana kuy Dwata hol gónó mogot, ne mlan bè yóm tey kegbeku ne kgisu. Yó se gónóhu hol hlolò du kuy yóm hlau bè Kdaw Kehegnô.

Dwata 5:15 Referans Kwoze

Dwata 5:6

‘Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye ghesek.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Kem Lingón 116:16

Ou se tóbóng lówóhem, Dwata. Nimónu uu hol lómón yóm tehe kimón yê kóm. Deng lenwaem ou lem hatay.

Tekang Kbuten 15:13

Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Tekang Kbuten 19:16

Okóm ke Lat kun, tô sgangaw nawan lemwót. Okóm tódô lemwót bè yóm kkodu Dwata du, yó nmò yóm lewu kem tau yó, tódô nogot le bè sigelen ne bud nogot le sigel yehenen ne kem ngaen ne nit le lu hewà.

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Kehewà 20:11

Nem kdawu mò du yóm tonok ne longit ne mohin ne yó kem kdê nô lemen. Okóm bè yóm ghituhen kdaw, hegnóe. Yó gónóm mon, htólóngu yóm Kdaw Kehegnô mò dou.

Kem Lingón 136:12

Hewaen lu lemwót bè yóm tey kgisen. Laen kô dù tul sónen yóm kbong nawahen tekuy là monolen.

Danyél 9:15

Ne ni Dwata, uu se yóm sana kum Dwata hol gónó mogot deng me gemsalà béléem, hono sidek yóm gel nmò me igoen tey tótól yóm boluyem efet yóm kmoen ni lanem tehe lemwà yó kem tauhem gu bè Idyip, botong kóm kegbek.

Dwata 9:12

Omin Dwata mon du mò dou, ‘Géhéli mosol abay se yó kem tauhem deng nalakem gu bè Idyip, deng le gotu mò sidek. Deng sana knogol le yóm dou hlau kul ne deng wen dwata lenbù nmò le mò gónó le e tmaba.’

Dwata 26:8

Ne hewaen mi gu bè Idyip mlan bè yóm tey kegbeken ne bè yóm tey kgisen. Wen tey hentaw ton nmoen lem blóng me ne wen yóm tey knikò nmoen bè yó kem tau Idyip.