Dwata 5:14 - Udél Dwata: Gna Kesfasad ne Lomi Kesfasad

¹⁴ okóm bè yóm ghituhen kdaw, yó se yóm Kdaw Kehegnô hetfing ye ebéléu. Bè yóm kdaw yó, béen abay wen bélê ye mò nmò, balù uu ne yó kem ngaem ne yó kem hesekem ne yó kem ógófem duhen ke yó kem tau milo nô bè yóm kuy benwu, hol bê le abay mò nmò. Yó kem hesekem, hol le hegnô lómón yóm kóm kehegnô.

Dwata 5:14 Referans Kwoze

Hibru 4:4

Yakà wen monen bè Sulat Dwata gbak ebè yóm tehe ghituhen kdaw, yó monen, “Bè ghituhen kdaw hegnô Dwata, abay se deng gotu deng ne kdê nmoen.”Ne bud sensulit Dwata yóm tehe monen, “Hol là kô le gehlós edu kul tum benwu mò gónó le angat hlós henek nô.”

Tekang Kbuten 2:2

Bè yóm ghituhen kdaw là buden mò nmò Dwata, deng gotu deng ne kedlimunen du yóm kentihen.

Mark 2:27

Bud mon Jisas mò kul, “Là kô yó du gónó Dwata mò yóm tau ke mò fen lemolò yóm kdê hlolò bè Kdaw Kehegnô. Okóm yó dé gónón mò yóm Kdaw Kehegnô mò lanen tmóbóng tau.

Kun Snulat Luk 23:56

Omin le yó mulék, hentifes le yóm alì minggel boohen angat sù le bè lówóhen, duhen yó kem dê kay doun ne hboo. Okóm laen dù nmò le bè yóm Kdaw Kehegnô, ulit le bè yóm kul hlau.

Hlolò 23:3

Yó htulón Dwata ke Musis, monen, “Wen nem kdaw ye mò nmò, okóm hol bê ye abay klifót yóm ghituhen kdaw, yó se yóm kdaw ye hegnô. Bè yóm kdaw yó, béen abay wen bélê ye mò nmò bede hol ye stifun tmaba ebè Dwata. Balù kihu gónó ye nô sana ke Dwata du funen yóm ghituhen kdaw yó ne hol nadat ye.

Dwata 5:13

Wen nem kdaw ye mò nmò