Dwata 5:12 - Udél Dwata: Gna Kesfasad ne Lomi Kesfasad

¹² Hol hetfing ye yóm Kdaw Kehegnô ne hol béen abay wen nulé ye bè yó kem dou hlolò kuy bè yóm kdaw yó. Ou se yóm sana kuy Dwata hol gónó mogot fen hlolò du kuy nim ni.

Dwata 5:12 Referans Kwoze

Isaya 58:13

Yó bud udél Dwata, monen, “Hyu ke hol nadat ye yóm Kdaw Kehegnô ne ke là kulel kebel ye filak bè yóm kdaw yó. Hyu ke hol bong muhen bélê ye yóm dou kdaw yó ne ke là wen gónó ye e solu ne là wen gel nmò ye ne là mon ye du yó kem udél laen dù muhen.

Mark 2:27

Bud mon Jisas mò kul, “Là kô yó du gónó Dwata mò yóm tau ke mò fen lemolò yóm kdê hlolò bè Kdaw Kehegnô. Okóm yó dé gónón mò yóm Kdaw Kehegnô mò lanen tmóbóng tau.

Kehewà 16:23

Yó mon Musis mò kul, “Yó hloloen kuy yóm sana Dwata hol gónó mogot, haya yóm Kdaw Kehegnô hol hetfing ye ebéléen yóm kdaw yó. Eles tnétê ye kemdaw ni yóm kuy nóyô tnétê ne eles tnógó ye ni yóm kuy nóyô tnógó. Ke wen dù tebel, hol henyu ye mò ken ye haya.”

Kehewà 31:13

tulónem yó kem tau Israél, monen, “Hol hetfing ye yóm Kdaw Kehegnô, yó se yóm dou kdaw yakà yó du yóm mò ilô yóm klaen dù sónen yóm kesfasad tekuy mò gónó ye hemtulón du nawa, ou se yóm hol gónó mogot yóm gel hólós kuy.

Kehewà 31:15

Wen nem kdaw ye bè ket fedyan mò du yóm kuy nmò, okóm yóm ghituhen kdaw hol kdaw ye hegnô abay se yó se yóm dou kdaw. Ke wen tau mò nmò bè yóm kdaw yó, tódô hnatay kmò du.

Dwata 5:13

Wen nem kdaw ye mò nmò

Jirimaya 17:22

Bê ye abay mò nmò bè yóm kdaw yó, yó se kun kdaw Dwata. Deng tehe hlolou yó kem tehe fù ye ekni nim hlau ni,

Kehewà 16:30

Tahu se, là kô le mò nmò yó kem tau bè yóm ghituhen kdaw.