Dwata 4:7 - Udél Dwata: Gna Kesfasad ne Lomi Kesfasad

⁷ Yó gónó le mon du yóm yó abay se laen dù dumu but tau balù nô kwen le ke wen dwata lennged tendo moni bélê le lómón yóm klonihen bélê tekuy yóm sana kut Dwata hol gónó mogot ke wen tau htóbóng béléen.

Dwata 4:7 Referans Kwoze

Kem Lingón 145:18

Tey moni bè yó kem tau gel tmaba ebéléen, bè yó kem tau hol lemwót bè nawa le tmaba du.

Kem Lingón 34:18

Tey moni bélê le Dwata yó kem tau wen gónón sidek kegnóm le du. Gel lenwaen yó kem tau laen dù bud nefet nawa le.

Kem Lingón 73:28

Okóm béléu, alì hyu gemnóm du yóm kehlonihu ebè Dwata anì naw e heklung béléen, yóm Dwata hol gónó mogot. Tey hyu gemnóm du snéen yóm gel keheglalagu du yóm kdê gel nmoen.

2 Samwél 7:23

Tau du se mkél bè yó kem tauhem Israél, yó kem tau deng tehe nsokem bè yóm keghesek le mò hol kóm nfun. Deng tey kehtótólem boluyem bè yóm kehwaem kul gu bè Idyip. Tey dê hentaw ton yóm deng nmoem bélê le, ne deng gotu lohem yó kem dumu tau tô hemseng kul, gomong yó kem dwata kéng le.

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

Isaya 55:6

Tnana ye semfulék ebè Dwata dé ne hol ye mni béléen nim igoen tolo moni bélê ye.

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

Kem Lingón 148:14

Tey mbegel kehdaen du yóm kbenwu yó kem kun tau Israél. Yó gónón mò du yóm yó anì kdê le gotu dmóyón du, yakà lu du se yó kem tau gónóhen nô nawahen. Hol gel dóyón tekuy Dwata.

Isaya 43:4

Gloku tódô bemlay yó kem dumu benwu mò soku kuy, abay se tey ye bong mebtes béléu ne alì bong nawahu kuy ne tey kadatu kuy.

Dwata 5:26

Laen kô dù tau bud mowil ke gungolen udél yóm Dwata laen tul katayen gu lem tum dilóf ofi, lómón yóm deng gungol me.

Lista 23:21

Yó kem tau Israél, deng eles tonu yóm angat tey kehyuhen yóm kul klowil elem hulin kdaw ne laen dù sidek angat glumfak le. Tendo seflós nô bélê le yóm sana Dwata hol kul gónó mogot. Ne deng gel heglalag le se kul, Dwata yóm geta bélê le.

Lista 23:9

Lenwótu ta yó kem léhék geta, gotu tonu lu. Tenngelu lu lemwót gu ta yó kem ngà bulul. Lu se sotu but tau htólóng Dwata bè yó kem dumu tau. Tódô tngón le yóm deng kehetfing Dwata kul bè yó kem dumu tau.

Kul Nmò 17:27

Yó gónó Dwata mò du yóm ni anì hol hnebel nawa le Dwata yó kem tau. Ne anì wen lan le setngón ebéléen. Okóm yóm Dwata, là se kóen na a mayuk bélê te.

Dwata 4:32

Henkna ye dé yóm gnan kdaw, bè yóm kdaw gu laan ye là deng sut he, bè yóm tehe kdaw kifil Dwata tau mò nô te tonok. Hnénég ye dé yóm klamangen benwu. Deng wen kô sut lómón nim sut bélê tekuy ni? Deng wen kô mungol du nim lómónen ni?

Dwata 26:19

Ke yó se nmò ye, hegetahen yu senta yó kem dumu but tau deng nifilen ne tey kegdóyón yóm boluyen lemwót bélê ye. Yu se yó kem hol kun tau Dwata, lómón yóm deng fasaden kuy.”

Kem Lingón 34:17

Bong yó kem tau tedeng kmò le, gel le tmaba ebè Dwata, ne gel hnungolen lu. Lenwaen lu gu lem yóm kdê gónó le glayam.

Kem Lingón 85:9

Bè ktahuhen, là buden legen ne kehewà Dwata yó kem tau wen klikò le du, anì gfan bè klamang benwu tekuy yóm tey keslinang Dwata.

Kem Lingón 147:20

Laen dù dumu tau bè kem dumu benwu gónón mò du nim ni. Là kô tngón le du kul yó kem hlauhen. Hol dóyón tekuy Dwata.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”