Dwata 4:6 - Udél Dwata: Gna Kesfasad ne Lomi Kesfasad

⁶ Hol ye hteneb mimón du yó kem kun hlau yó. Ke ni se nmò ye, angat gfan bè yó kem tólóng tau bè dumu benwu yóm tey khulung ye hedem ne khulung ye temnef. Ke gungol le yó kem hlau Dwata ni yó angat mon le, ‘Tey le hulung hedem yó kem tey tau wen yó ne hulung le temnef.’

Dwata 4:6 Referans Kwoze

Kem Lingón 111:10

Yóm klikò le ke Dwata, yó se hol buten yóm khulung le hedem. Yóm kdê tau mimón du, wen ofol le du yóm kimón le yó. Bê tekuy nmò sónen yóm kdóyón tekuy du.

2 Timuti 3:15

Hentulónem nawa yóm deng dnalangem bè Sulat Dwata lemwót bè yóm hanà kudiem. Yó se gónóm temngón du yóm kehewà Krays Jisas kóm gu lem hatay mlan bè yóm kehtahuhem béléen.

1 Bok Kem Tau Hol Geta 4:34

Lemwót yó kem tau hol geta bè dumu benwu, wen tau hógów le anì hnungol le yóm tey khulung Selumun hedem.

Sulat Jim 3:13

Wen kô bélê ye temngón ne hulung hedem? Són sem bè khulungen mit ktauhen gónóhen gfan ke tahu duhen, ne bè yóm kehyu kmoen, mung du yóm khulungen heglaan mlan bè ketngónen.

Kem Udél Hlalak Tehe Selumun 1:7

Yóm klikò tau ke Dwata hol but gónón temngón, okóm yó kem tau book mom hennê le yóm khulung hedem ne là kô le móyô htolok.

Kem Lingón 19:7

Yóm hlau Dwata, tódô ket du, sal gel hnomihen kgis tau. Tey gsalig yóm hlau Dwata. Benlayen khulung hedem yóm tau là mnagien.

Malakay 3:12

“Ne yó angat taba le kuy yóm kdéen tau bè klamangen benwu, kem tau tnóbóng Dwata yakà teyen knóón yóm benwu gónó ye nô,” udél yóm Dwata laen dù là gbeken du.

Danyél 1:20

Lenwóten bè yó bè ket snólóken bélê le yóm tau hol geta, bè kun kehedem du yóm kul khulung hedem ne kul khulung temnef nim fat kem logi gel hemlan béléen udél ni, botong sfolò duléken lemyu senta yóm kul ketngón yó kem tau demwata tehe gel hemlan béléen udél.

Kem Udél Hlalak Tehe Selumun 14:8

Yóm khulung tau milô hetngón du du yóm kun kmò kekdol, okóm yóm tau book, gsukat bè ksalà kehedemen.

Danyél 4:9

Yó monu mò du, ‘Ó Béltisasar, yóm alì hulung bè yó kem tau demwata, tngónu deng htulus le uu yó kem dwata hol mólós ne laen dù gebnos ke là gbekem du. Ni hol tulónem do hnigad yóm knahu.

Dwata 32:46

“Hol sù ye lem hendem ye yóm kdê udél Dwata toloku kuy kemdaw ni. Hol gel sensulit ye tmulón du bè yó kem ngà ye anì hol le hteneb mimón du.

Dwata 32:47

Nim tolok ni, là kô tolok hkawang du, ni se hol tolok gónó ye mowil. Nimón ye anì legen knô ye tahen yóm tonok móyón nfun ye nô fi fatu Él Jurdan.”

Kem Lingón 19:8

Yóm hlau Dwata, hol tahu duhen. Hligal le kul yó kem tau mimón du. Ne yó kem hlolò Dwata, tey tedeng. Yó se gónón lemwót yóm khulung hedem.

Kem Udél Hlalak Tehe Selumun 1:4

Ni kem ni, benlayen lu khulung milô yó kem tau là ngelem kehedem le ne yó kem lomi lemnok benlayen lu ketngón ne yóm khulung le mit du hyu yóm kul kmò.

Kem Udél Hlalak Tehe Selumun 1:5

Balù yóm tau hulung hedem ne hulung temnef sok gungolen ni kem udél ni, temnù yóm ketngónen ne gbeken se malak yóm kun kmò kógów kehedem.

Kem Udél Hlalak Tehe Selumun 14:34

Yóm htótól du yóm benwu bong duhen yóm ktedeng kmò kem tau nô du, okóm salà hemyak yó kem tauhen.

Isaya 42:21

Yóm Dwata gónó tekuy mogot, hol kóyóen ke lenwaen tekuy. Yó gónón hol hget du bélê tekuy yó kem hlauhen ne yó kem toloken. Kóyóen ke hol nimón yó kem tauhen.