Dwata 4:5 - Udél Dwata: Gna Kesfasad ne Lomi Kesfasad

⁵ Deng gotu toloku yóm kdê hlau Dwata kuy, lómón yóm deng monen mò dou yóm sana Dwata hol gónóhu mogot. Hol nimón ye ke deng ye kól ta yóm tonok móyón hfun Dwata kuy.

Dwata 4:5 Referans Kwoze

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Hibru 3:5

Bong ke Musis kun, du se sotu tau mò nmò bè gónô Dwata, ne tey teneb yóm kmoen nmò. Yó kem kun nmò yó, gotu hningónen yóm hol tahu duhen angat hegfan Dwata bè hulin kdaw.

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

Kul Nmò 20:27

abay se deng hónô tulónu kuy ne yóm kóyô Dwata bélê ye, laen kô dù bunihu bélê ye.

1 Kurin 15:3

Deng tehe toloku kuy se yóm tulón deng dou dnalang, yóm tulón alì bong muhen bè kdéen, duhen yóm katay Krays lanen mbô yó kem salà tekuy. Ni se yóm tehe hsulat Dwata ekni.

1 Kurin 11:28

Duhen yó, na ye na gna hol henklol yóm kuy kmò. Ke hyu, omin ye yó he gbót mken ne minum.

Kehewà 18:20

Tey hyu yóm ktolokem du kul yó kem hlau Dwata ne yó kem dumu hloloen kul. Tey hyu snéen yóm kehlanem du bélê le yóm kmò kwit le ktau le ne yóm ktolokem du kul yóm hyu bang nmò le.

Dwata 4:2

Yó kem hlauhu kuy ni, béen abay wen tnù ye du ne béen abay wen se kó ye du. Hol nimón ye yó kem hlau Dwata kuy, duhen yóm deng tulónu kuy ni.

Dwata 4:4

Okóm kuy yu kem tau là monol nawahen ebè yóm sana kuy Dwata hol gónó mogot, tolo ye mowil yóm kmoen ni.

Kem Lingón 71:17

Ó Dwata, lemwót bè hanà kngau yóm ktolokem dou ne efet ni yóm tendo ktulónu du bè yó kem dumu tau yóm tey kehyuhen yó kem gel nmoem.

Hlolò 19:19

Hol nimón ye yó kem dou hlau kuy. Bê ye abay senfebô lu yó kem ógóf stólóng kay le. Bê ye sensotu gónó ye mulu du bè tonok ye yóm stólóng kay lem hulu. Bê ye abay lesek yóm nes là senged kay holuhen.

Dwata 4:40

Hol nimón ye yóm kdê kun hlau kuy, duhen yó kem deng toloku kuy kemdaw ni anì hyu kógów klowil ye dalang se yó kem angat semfu gu bélê ye. Hol nimón ye yó kem kun hlau kuy yó anì angat mò hlós knô ye ta yóm tonok blayen kuy yóm sana kuy Dwata hol gónó mogot, yóm tonok hlós nfun ye efet kól bè laen dù tul sónen.” Là gomongen bè nili yóm bérs 41 efet kól bè bérs 49. Tulónen yóm tlu kem benwu htólóng Dwata fi dmata kdaw Él Jurdan mò gónó le e mlo yó kem tau gembonok là lenbù le du. Bud tulónen snéen yóm benwu gónó le kmamfù yó kem tau Israél bè yóm kdaw yó, duhen yóm tehe benwu yó kem tau Amurayt. Yó gónó kem tau Israél gemwa du yóm benwu yó lan le tehe gemmò bè yóm kwit le sgida bè le Sihun ne Ug, hono kem tau hol geta malak yó kem tau Amurayt.

Dwata 5:1

Omin Musis gotu htaba yó kem tau Israél ne monen mò kul, “Ó kem tau Israél, hol hnungol ye yó kem hlau Dwata tulónu kuy kemdaw ni. Hol dnalang ye ne hol nimón ye.

Dwata 6:1

Yó bud mon Musis mò kul, “Ni se yó kem hlau htugod Dwata dou ebélê ye, yóm sana kuy Dwata hol gónó mogot. Yó gónón htugod du do ebélê ye ni kem hlau ni mò hol tendo nimón ye bè yóm knô ye ta yóm tonok mò gónó ye henek nô.

Dwata 7:11

Yó gónóm mon, hol nimón ye yó kem hlau Dwata deng toloku kuy kemdaw ni.

Dwata 8:11

Hol ye eles temgama anì là klifót ye du yóm sana kuy Dwata hol gónó mogot. Bè yó kem hlauhen htugoden do ebélê ye kemdaw ni, hol bê tô là nimón.

Jirimaya 11:6

Omin Dwata bud mon du, “Mógówi ebè yó kem benwu bè Juda ne ebè yó kem lan bè Jirusalim, heglalagem yóm udélu, ‘Hol hentulón nawa ye yóm deng tehe senfasad me yó kem tehe fù ye ne hol lolò ye yóm deng kul fasad dou.