Dwata 4:40 - Udél Dwata: Gna Kesfasad ne Lomi Kesfasad

⁴⁰ Hol nimón ye yóm kdê kun hlau kuy, duhen yó kem deng toloku kuy kemdaw ni anì hyu kógów klowil ye dalang se yó kem angat semfu gu bélê ye. Hol nimón ye yó kem kun hlau kuy yó anì angat mò hlós knô ye ta yóm tonok blayen kuy yóm sana kuy Dwata hol gónó mogot, yóm tonok hlós nfun ye efet kól bè laen dù tul sónen.” Là gomongen bè nili yóm bérs 41 efet kól bè bérs 49. Tulónen yóm tlu kem benwu htólóng Dwata fi dmata kdaw Él Jurdan mò gónó le e mlo yó kem tau gembonok là lenbù le du. Bud tulónen snéen yóm benwu gónó le kmamfù yó kem tau Israél bè yóm kdaw yó, duhen yóm tehe benwu yó kem tau Amurayt. Yó gónó kem tau Israél gemwa du yóm benwu yó lan le tehe gemmò bè yóm kwit le sgida bè le Sihun ne Ug, hono kem tau hol geta malak yó kem tau Amurayt.

Dwata 4:40 Referans Kwoze

Dwata 6:3

Yó gónóm mon, yu kem tau Israél, hol gel hnungol ye yó kem hlau Dwata kuy ne hol nimón ye. Ke ni se nmò ye angat hyu kógów klowil ye ne angat tey kból ye bè yóm knô ye ta yóm tonok alì hyu ne wen tey tebasen lómón yóm deng fasad Dwata kuy, yóm sana Dwata yó kem tehe fù tekuy.

Dwata 12:28

Hol ye hteneb mimón du yóm kdê deng hlauhu kuy anì laen dù sónen yóm kehyu kógów klowil ye dalang se yó kem ngà ye. Yó gónón laen dù sónen abay se nmò ye yóm tedeng ne yóm gónón hyu nawa Dwata bélê ye, yóm sana kuy Dwata hol gónó mogot.

Dwata 12:25

Bê ye abay ken, anì hyu kógów klowil ye dalang se yó kem ngà ye, abay se nmò ye yóm hyu bè kton Dwata du.

Dwata 5:16

Hol nadat ye mà ye ne yê ye. Ou se yóm sana kuy Dwata hol gónó mogot fen hmau du kuy nim ni anì hyu kógów klowil ye ne anì tahà ktau ye ta yóm tonok blayu kuy.

Dwata 6:18

Hol nmò ye yóm tedeng ne hyu bè kton Dwata du anì hyu kógów klowil ye. Ke ni se nmò ye, angat ye gemfun bè yóm tey tonok hyu deng fasad Dwata yó kem fù ye ekni

Jirimaya 11:4

Yó tehe senfasad me yó kem tehe fù ye bè yóm kwitu kul hewà gu bè Idyip, yóm benwu gónó le ghesek,’ monu, ‘Ke nimón ye ou ne ke gotu lolò ye yóm kdê hlolou kuy, baling ye mò dou tau ne ou se mò Dwata ye.

Dwata 4:6

Hol ye hteneb mimón du yó kem kun hlau yó. Ke ni se nmò ye, angat gfan bè yó kem tólóng tau bè dumu benwu yóm tey khulung ye hedem ne khulung ye temnef. Ke gungol le yó kem hlau Dwata ni yó angat mon le, ‘Tey le hulung hedem yó kem tey tau wen yó ne hulung le temnef.’

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

Dwata 5:33

Gotu nimón ye yóm kdéen anì hyu kógów klowil ye ne hlós knô ye ta yóm tonok móyón nfun ye.”

Kun Snulat Jan 14:15

“Ke kenbong nawa ye o,” mon Jisas, “nimón ye sen yó kem dou hlau.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

Kehewà 23:26

Ke deng ye kól du yóm benwu blayu kuy yó, kdéen libun bélê ye gotu mngà, laen dù bélê le ke gamà ne laen se dù atil. Ne laen se dù tau bélê ye ke ukol towoken.

Dwata 4:2

Yó kem hlauhu kuy ni, béen abay wen tnù ye du ne béen abay wen se kó ye du. Hol nimón ye yó kem hlau Dwata kuy, duhen yóm deng tulónu kuy ni.

Dwata 5:29

Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.

Dwata 32:47

Nim tolok ni, là kô tolok hkawang du, ni se hol tolok gónó ye mowil. Nimón ye anì legen knô ye tahen yóm tonok móyón nfun ye nô fi fatu Él Jurdan.”

Dwata 33:25

Yó kem benwu le, hol hono bala tók he yóm bak tikeb le anì laen dù gembek husek elemen. Ne tendo menek he yóm kbenwu le.

Kem Lingón 105:45

Yó gónón mò du bè yó kem tau néléken yóm yó, anì nimón le yóm kun hlau kul ne yóm kun hlolò kul. Hol tendo dóyón tekuy dé Dwata.

Isaya 65:20

Laen dù bud matay bè yó kem ngà hanà hulô. Ne yó kem tuha, là kóen ukol ktau le. Ke deng lematu halayen yóm tau bè yóm benwu yó, hanà tolo lomi lemnok he. Ke kendel le matay gu laanen, yó se ilô yóm ktafaku kul.

Jirimaya 7:7

Ke tenles ye kmò ye, là kô kóhu kuy ta yóm tonok tehe blayu yó kem tehe fù ye mò hlós nfun le.

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

Dwata 4:5

Deng gotu toloku yóm kdê hlau Dwata kuy, lómón yóm deng monen mò dou yóm sana Dwata hol gónóhu mogot. Hol nimón ye ke deng ye kól ta yóm tonok móyón hfun Dwata kuy.

Dwata 5:10

Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le.

Jirimaya 7:23

Okóm yó hol hlolou kul, monu mò kul, ‘Hol nimón ye ou anì ou se mò kuy Dwata ne yu se mò dou tau. Hol lolò ye yóm deng monu mò kuy anì hyu kógów klowil ye.’

Jirimaya 35:18

Ominen wen tulón Jirimaya bè yó kem sfu Rikab, monen, “Ni se udél yóm Dwata laen dù là gbeken du yóm Dwata yó kem tau Israél, monen, Deng tey tilob kimón ye du yóm fù ye Jihunadab, gotu lolò ye yóm kdê hloloen kuy.