Dwata 4:37 - Udél Dwata: Gna Kesfasad ne Lomi Kesfasad

³⁷ Lemwót bè kbong nawahen yó kem fù ye, yó gónón mélék kuy mò kun tau. Ne mlan bè yóm tey kegbeken tódô du tehe mit kuy hewà gu bè Idyip.

Dwata 4:37 Referans Kwoze

Dwata 10:15

Balù yóm tey kegeta Dwata ewenem yó, kem kuy fù he yóm kenbong nawahen. Ne yu se yó kem tau semfu gu bélê le deng néléken yu senta yóm kdéen tau nô talak tonok. Yu se yó kem tau deng néléken efet ni.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Kehewà 33:14

Mon Dwata se, “Yó ne bude mung kuy ne bud tendo gel hegmou yu.”

Sulat Pol Ebè Yó Kem Tau Hemtahu Bè Rom 9:5

Tey tótól yó kem tehe fù le. Bud bè kul lugod snéen gónón sut Krays bè yóm kbalingen tau. Hol knóón ke laen dù sónen yóm kdóyón tekuy ke Dwata, yóm fen mogot yóm klamangen.

Malakay 1:2

Yó monen, “Tey kbong nawahu kuy lemwót bè kbuten.” Okóm mom yó balà ye du, “Gónóm deng hegfan du de yóm kbong nawam kum?” Ne yó balà Dwata kuy, monen, “Yóm Jakub ne Iso segeng ksut le. Okóm tey kbong nawahu ke Jakub kun yóm kuy fù dalang se yó kem lugoden.

Jirimaya 31:1

Yó udél Dwata, monen, “Angat kól yóm kdawen bud ou se Dwata nulék yóm kdéen sfu Israél ne lu se yó kem dou tau.

Kem Lingón 34:15

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.

Kem Lingón 32:8

Deng mon Dwata mò dou, “Toloku kóm he yóm lan mò loloem. Ne wen mò hlolou kóm, ne tendo wen hlauhu kóm.

2 Tutul Israél 16:9

Abay se yóm Dwata, tendo temngel etalak tonok, tenngelen yó kem tau tendo mimón du. Ungel bong yóm nmoem ni. Lenwóten ni ne sónmoen wen dumum sgida.”

Dwata 9:5

Là kô yó du gónó Dwata hemlus du kuy nim tonok ni ke mlan bè kehyu kmò ye ne bè kmò ye yóm tedeng. Yó dé gónón mlo kul lemwót bè yóm tendo kmò le sidek ne lemwót bè yóm tehe fasaden yó kem tehe fù ye le Abraham ne Isak ne Jakub.

Dwata 4:34

Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.

Dwata 33:3

Yóm Dwata, tey kbong nawahen kul yó kem kun tau, gotu le nô lem hólólen yóm kdê le. Tódô lolò le yóm kun klan ne henmóyô le yó kem hloloen kul.

Dwata 33:12

Yó udél Musis gbak ebè yó kem sfu Bindyamin, monen, “Yó kem sfu Bindyamin, lu se yó kem tau kenbong nawa Dwata, kem tau tendo kenlungen. Tendo bnenteyen lu ket kdaw ne tendo hlós nô lem blóng le.”

Kem Lingón 44:3

Ke mlan bè sudeng yó kem fù me, là kô guta le du yóm tonok yó. Yóm kegmò le, là lemwóten bè kekgis le, okóm mlan bè yóm tey kegbekem. Yó gónó le gemmò, hol lemwót bè yóm kbong nawahem kul ne bè yóm kehyu nawahem ebélê le.

Jirimaya 31:3

Ó kem dou tau, laen kô dù sónen yóm kbong nawahu kuy. Yó gónóm mon, tódô senflósu hegfan du bélê ye yóm là konol yóm kbong nawaw kuy.

Kehewà 12:41

Bè yóm hol són kdaw bè yóm halay yó, tódô kdê yó kem tau Dwata gotu tnagak le yóm benwu Idyip yó.

Lista 20:16

Ne yó nmò me, tey kehkodu me bè Dwata anì tnóbóngen mi. Ne tahu se, gungolen yóm kehkodu me yó, yó gónón wen hógówen gu bè longit hwiten ebélê me mò malak kum hewà gu bè Idyip. Ne ni kmoen ni, deng me kól bè Kadis, yóm ngà benwu gkilil bè yóm benwu nogotem.

Dwata 7:6

Hol nmò ye nim ni, abay se yóm sana kuy Dwata hol gónó mogot mfun kuy. Bè yóm kdéen tau nô talak tonok, deng néléken yu mò hol kun tau.

Isaya 43:4

Gloku tódô bemlay yó kem dumu benwu mò soku kuy, abay se tey ye bong mebtes béléu ne alì bong nawahu kuy ne tey kadatu kuy.