Dwata 4:35 - Udél Dwata: Gna Kesfasad ne Lomi Kesfasad

³⁵ Yó gónó Dwata hegfan du bélê ye yó kem yó mò gónó ye hol temngón du laen kô dù dumu Dwata, tek sónen du.

Dwata 4:35 Referans Kwoze

Isaya 45:18

Yóm Dwata gónó tekuy mogot, du se dmimun yó kem longit seglafin. Tek sónen du yóm hol Dwata. Bud du se mò yóm tonok ne tey mbegel yóm kmoen du, là kóen mahil sidek. Yóm benwu nmoen yó, là kô henbalingen du benwu là hyu menwu du, okóm henbalingen benwu alì hyu menwu du. Du se yóm gel mon du, “Ou se yóm hol gónó mogot. Laen kô dù dumu dwata, són o.

1 Samwél 2:2

Laen dù semnged du yóm kun kólós Dwata. Laen dù dumu Dwata, són uu. Laen dù dumu gónó heklung mkél bè yóm kut Dwata.

Isaya 45:5

Ou se yóm Dwata hol gónó mogot. Laen kô dù dumu Dwata, són o. Béléu angat gónón lemwót yóm kgisem, balù yóm là ketngónem do.

Isaya 44:8

Hol bê ye abay hlikò, kem dou tau. Lemwót bè hol gnan kdaw efet yóm kmoen ni, eles gel tulónu kuy yóm angat sut. Deng hónô tngón ye se yóm monu ni ne yu se fen gemtanud du. Wen kô dumu dwata? Wen kô dumu dwata mfasang, yóm là deng tngónu du?”

Dwata 4:39

Yó gónóm mon, hol hendem ye ni kemdaw ni ne hol bê ye abay klifót. Yóm Dwata, du se yóm sana Dwata hol gónó mogot ditu bè longit ne dini talak tonok. Laen dù dumu dwata, tek sónen du.

Isaya 45:22

Beklil ye ebéléu dé anì lenwau yu, yu kem tau bè klamangen benwu. Tek són ou yóm Dwata, laen dù dumuhen.

Isaya 44:6

Yó bud udél yóm Dwata mogot yó kem tau Israél, yóm tendo gel mofin kul yóm Dwata laen dù là gbeken du, monen, “Ou se hol buten ne hol sónen, yóm tek sotu Dwata. Laen dù dumu Dwata, són ou.

Kem Lingón 83:18

anì tngón le tek sónen uu Dwata, ne tek sónen uu yóm Hol Dandónen Geta mogot klamangen benwu.

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Kehewà 15:11

Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?

Mark 12:32

Bud monen mò ke Jisas yóm tau tmolok hlau yó, “Tahu se yóm monem yó, Sér. Tek són Dwata se yóm gónó tekuy mogot ne laen dù dumu Dwata, són du.

Dwata 32:23

Tendo setgafit hlayam hwitu ebélê le. Gotu gtiu kul yóm kdê hanaku.

Mark 12:29

Bnalà Jisas se, monen, “Yó hol bong muhen bè kdê hlau tekuy, yóm monen, ‘Hol hnungol ye, kem tau Israél. Yóm Dwata, tek són du se yóm hol gónó mogot.

Kem Lingón 58:11

Yó angat mon yó kem tau, “Tahu se, wen ofol blay Dwata kul yó kem tau tedeng kmò le. Bè ktahuhen, Dwata se fen mit du yóm kukum tedeng bè yó kem tau talak tonok.”

2 Bok Kem Tau Hol Geta 19:19

Duhen ni, Dwata yóm sana kum Dwata hol gónó mogot, mnihe béléem, hol lenwaem mi lem hólól yóm tau hol geta bè Asirya anì yó, gotu tngón yó kem kdéen benwu nogot tau talak tonok, tek sónen uu se Dwata yóm hol gónó mogot.”

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.

1 Kurin 8:6

okóm bélê tekuy, tek sotu yóm Dwata duhen yóm Mà tekuy deng dmimun yóm kentihen, ne du se hol lolò tekuy. Ne tek sotu se yóm gónó tekuy mogot, duhen Jisas Krays. Deng hlan Dwata tahen yóm kedlimunen yóm kentihen, ne bud béléen se gónón lemwót yóm klowil tekuy.

Kehewà 8:10

Yó mon Faro, “Yake haya dé kmoem du.” Mon Musis se, “El. Nmou haya yóm hmoem do yó anì hol tngónem laen dù dumu dwata mkél bè yóm kum Dwata hol gónó mogot.

Kehewà 9:14

Ke là hlusem kul, là són du yó kem genlalem ne yó kem tauhem tnafaku, okóm tnafaku uu snéen mò gónóm temngón du laen dù semnged dou bè klamangen benwu.

Dwata 6:4

Ó kem tau Israél, ni mò hol sù ye bè nawa ye. Yóm Dwata hol gónó mogot, tek són du yóm kut Dwata.

Dwata 7:9

Yó gónóm mon, hol sù ye lem hendem ye nim ni. Yóm sana kuy Dwata hol gónó mogot, tek sónen du Dwata ne là kóen monol nawahen. Là kô klifóten du yóm tehe senfasad ye ditu bè Bulul Sinay ne gel hegfanen bè yó kem tau kembong nawa du ne mimón yó kem kun hlau yóm kbong nawahen kul efet kól bè hilu libu bud lugod le.

Dwata 32:12

Tek són Dwata se tehe gel malak kul, laen kô dù dumu dwata fen tmóbóng kul.

Dwata 33:26

Ó kem tau Israél, laen dù dumu dwata mkél bè yóm kuy Dwata. Bè yóm gel któbóngen kuy, tódô kendel lemwót gu ditu bè longit mung bè lobun.

1 Bok Kem Tau Hol Geta 8:60

anì yó, tódô kdéen tau bè klamangen benwu, gotu temngón du Dwata se yóm hol gónó mogot, laen kô dù dumu Dwata, tek sónen du.

Kem Lingón 100:3

Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.

Isaya 43:10

Okóm kuy, kem tau Israél, yu se mò tmanud dou. Deng néléku yu mò dou tóbóng lówó. Yó gónóhu mò du yóm yó anì tngón ye o ne hentahu ye o ne gtukul ye tek sónen ou yóm Dwata. Lemwót bè hol kbuten són ou se yóm Dwata laen kô dù tul sónen,

Kehewà 8:6

Tahu se, tayal Aron eta yó kem él yóm tugeden ne tódô sut yó kem tey fak wen bè benwu le.

2 Samwél 7:22

Teyi mfasang Dwata, uu se yóm Dwata hol dandónen geta. Laen dù semnged kóm, laen dù dumu Dwata, són uu. Laen dù deng hnikót gungol me he ke wen dwata semnged kóm. Tek sónen u yóm deng hol kum klingu mungol du.

2 Samwél 22:32

Laen dù dumu Dwata, són yóm Dwata hol gónó mogot. Laen dù dumu gónó heklung, són yóm kut Dwata.

1 Tutul Israél 17:20

Ó Dwata, laen dù semnged kóm, laen dù dumu Dwata, són uu. Laen dù deng hnikót gungol me he ke wen dwata semnged kóm.