Dwata 4:34 - Udél Dwata: Gna Kesfasad ne Lomi Kesfasad

³⁴ Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.

Dwata 4:34 Referans Kwoze

Dwata 26:8

Ne hewaen mi gu bè Idyip mlan bè yóm tey kegbeken ne bè yóm tey kgisen. Wen tey hentaw ton nmoen lem blóng me ne wen yóm tey knikò nmoen bè yó kem tau Idyip.

Dwata 5:15

Hentulón ye nawa tehe ye ghesek bè Idyip se kuy. Yóm kehewà ye gu bè yóm benwu yó lemwót béléu yóm sana kuy Dwata hol gónó mogot, ne mlan bè yóm tey kegbeku ne kgisu. Yó se gónóhu hol hlolò du kuy yóm hlau bè Kdaw Kehegnô.

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Dwata 7:19

Hentulón ye nawa yóm tey dê knikò tehe ton mata ye deng nmò Dwata bè yó kem tau bè Idyip. Bud hentulón ye nawa yó kem hentaw ton ne yó kem tey tennga nmò Dwata bélê ye bè yóm kehewaen kuy gu bè Idyip mlan bè yóm tey kfasangen ne bè yóm tey kekgisen. Yóm tehe keglaen yó kem tau Idyip, hol bud lómón yó se angat bud nmoen bè yó kem tau knikò ye ni kmoen ni.

Jirimaya 32:21

Lemwót bè yó kem tey dê hentaw ton tehe nmoem, yó gónón sidek klikò le yó kem hohon me. Tódô mlan bè yóm tey kegbekem ne yóm tey kfasangem gónóm tehe mit kul hewà gu bè Idyip yó kem tauhem Israél.

Dwata 6:21

Yó tulón ye kul, mon ye, ‘Tehe me ghesek bè Faro bè Idyip okóm lenwaen mi Dwata mlan bè yóm tey kegbeken.

Dwata 34:12

Laen dù dumu tugod Dwata ke gbek le mò du yó kem tey knikò deng nmò Musis lem blóng yó kem tau Idyip. Ne gotu ton yó kem tau Israél yóm nmoen yó.

Kehewà 3:10

Duhen ni, hógówu u ebè Faro bè Idyip anì nitem lu hewà gu bè yóm kun benwu yó kem dou tau.”

1 Pitér 5:6

Duhen yó, hol ye heglaan bè tum Dwata alì mfasang bè kdéen. Ke ni se nmò ye, tey kehegetahen kuy sok hto yóm kun buteng mò du.

Kehewà 10:7

Yó mon yó kem genlal Faro, “Kegenen de duen sónmò kesbewegen tekuy nim tau ni? Géhél hewótem lu ne yó kem logi Israél anì na le e tmaba ebè yóm sana kul Dwata hol gónó mogot. Là gnómem du kô kóm yóm deng keglà yóm benwu Idyip?”

Kehewà 7:3

Okóm naw hgel kulu Faro, ne là kô nan e hnungol kuy balù nô kwenen yó kem knikò hmou kuy bè ni bè Idyip.

Kem Lingón 78:12

Tey wen hentaw ton tehe nmò Dwata bè yó kem fù le bè yóm tehe knô le bè Idyip bè datal Suan.

Kehewà 1:9

Yó udélen ebè yó kem tau Idyip nogoten, monen, “Hnénég ye dé yó kem tau Israél, tey deng kwen le ne tey le kemgis. Déke angat wen atul le eta tekuy elem hulin kdaw.

Kehewà 14:30

Bè yóm kdaw yó, deng lenwà Dwata yó kem tau Israél lem tdok yó kem tau Idyip. Ne ton yó se kem tau Israél yóm deng gotu katay yó kem tau Idyip kemtes kul, tódô le masà bè kilil yóm mohin yó.

Dwata 9:29

Okóm bè ktahuhen, igò sem lu du yó kem tau deng nélékem mò hol kóm tau ne deng hewaem lu gu bè Idyip mlan bè yóm tey kegbekem ne bè yóm tey kgisem.’ ”

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Kem Lingón 24:8

Tau du se yóm hol dandónen geta yó? Du se yóm Dwata hol gónó mogot, yóm hol kemgis, yóm hol gembek, yóm tendo gel gemmò bè yó kem hohonen.

Kem Lingón 136:12

Hewaen lu lemwót bè yóm tey kgisen. Laen kô dù tul sónen yóm kbong nawahen tekuy là monolen.

Kehewà 10:21

Omin Dwata bud mudél ebè Musis, yó monen mò du, “Hdaem eta bè longit sigelem anì sut bè klamangen Idyip yóm tey kifu mget.”

Kehewà 15:11

Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?

Kehewà 19:4

Yó udél Dwata, monen, “Deng ton ye yóm deng nmou bè yó kem tau Idyip ne yóm kmò kwitu kuy gu bè Idyip. Yóm kwitu kuy hol lómón yóm kwit banug ngaen, sal gel suen ta hafaken. Lómón yó se kmò kwitu kuy edini béléu.

Lista 20:16

Ne yó nmò me, tey kehkodu me bè Dwata anì tnóbóngen mi. Ne tahu se, gungolen yóm kehkodu me yó, yó gónón wen hógówen gu bè longit hwiten ebélê me mò malak kum hewà gu bè Idyip. Ne ni kmoen ni, deng me kól bè Kadis, yóm ngà benwu gkilil bè yóm benwu nogotem.

Dwata 10:21

Hol gel dóyón ye yakà du se yóm kuy Dwata ne deng tódô kuy mata se mton du yó kem tey hentaw ton tehe nmoen mò gónón tmóbóng kuy.

Juswa 24:7

Okóm timbow le kól bè Mohin Hulô yó kem tehe fù ye yó ekni, tey kni le tóbóng béléu ne yó gónóhu bemlóng kul yóm tey kifu mget bè yó kem tau Idyip. Kogolen bè yó, bud hesfuléku eta yó kem sendalù Idyip yóm mohin deng sen-gawagu ne gotu le lemneb yóm kdê le. Deng gotu tngón ye se nim deng tehe nmou bè Idyip ni. Kogolen bè yó, tey kegen ye menwu lem yóm benwu laen hol wen tauhen.