Dwata 4:33 - Udél Dwata: Gna Kesfasad ne Lomi Kesfasad

³³ Deng wen kô dumu tau tolo mowil ke deng gungol le yóm udél Dwata ebélê le gu lem yóm dilóf ofi lómón yóm kudélen ebélê ye? Laen duen.

Dwata 4:33 Referans Kwoze

Kmukum 6:22

Yó he ketngón Gidyun du hógów Dwata gu bè longit yóm tonen, ya tey sidek klikoen. Yó udélen, monen, “Ó Dwata yóm hol dandónen geta, deng tonu yóm hógówem gu bè longit, deng me tódô suyó.”

Dwata 5:24

ne mon le mò dou, ‘Deng hton Dwata kum, yóm sana kut Dwata hol gónó mogot, yóm tey keslinangen ne yóm tey kegetahen bè yóm kungol me du yóm udélen gu lem yóm dilóf ofi. Deng tngón me kemdaw ni gbek tau mowil anien ke deng mudél ebéléen Dwata.

Kehewà 33:20

Là htonu du kóm yóm uyóhu abay se laen dù deng tau mton do ke bud mowil.

Dwata 5:26

Laen kô dù tau bud mowil ke gungolen udél yóm Dwata laen tul katayen gu lem tum dilóf ofi, lómón yóm deng gungol me.

Kehewà 24:11

Balù yóm deng tódô kton le ke Dwata yó kem tuha gel malak yó, là kô hensideken kul. Tódô ton le Dwata, omin le seyón mken bè yó ne ninum le yóm kul gel ninum.

Dwata 9:10

Omin Dwata bemlay du dou yóm lewu kem botu kufil deng gónón smulat du yó kem hlauhen tekuy gu lem tum dilóf ofi bè yóm kdaw tehe kestifun ye bè but Bulul Sinay. Yó kem kun hlau yó, tehe hol kun snulat.

Dwata 4:36

Hfungolen kuy yóm udélen gu bè longit mò gónón semtódô kuy. Ne dini talak tonok tehe hegfanen bélê ye yóm tey ofi lemwót gu bè yóm gónón mudél.

Dwata 5:4

Bè yó ta yóm bulul yó, tódô suyó bélê ye Dwata lemwót gu lem yóm tey ofi.

Dwata 5:22

Ni se yóm sfolò kem hlau hlolò Dwata kuy bè yóm tehe kesbung ye bè bulul Sinay. Tódô mudél ebélê ye gu lem yóm dilóf ofi ne lobun mfól ne tey mfasang yóm kudélen yó. Ni se yóm hlau hloloen kuy, laen dù dumuhen. Ominen smulat du ta yóm lewu kem botu kufil yóm hlauhen yó ne oguhen dou.