Dwata 4:32 - Udél Dwata: Gna Kesfasad ne Lomi Kesfasad

³² Henkna ye dé yóm gnan kdaw, bè yóm kdaw gu laan ye là deng sut he, bè yóm tehe kdaw kifil Dwata tau mò nô te tonok. Hnénég ye dé yóm klamangen benwu. Deng wen kô sut lómón nim sut bélê tekuy ni? Deng wen kô mungol du nim lómónen ni?

Dwata 4:32 Referans Kwoze

Matyu 24:31

Ne angat tey uni féw bong gu bè longit mò ilô yóm kehewóten yó kem hógówen gu bè longit mò na a semtifun yóm kdéen tau deng nélék Dwata bè klamangen benwu.”

Kem Lingón 44:1

Ó Dwata, deng hol kum klingu se mungol du yóm tehe tulón le kum yó kem fù me, duhen yóm kdê deng gendengem bè yóm tehe kul kdaw ekni.

Dwata 32:7

Hentulón ye nawa dé yóm tehe nmò Dwata ekni. Snólók ye mà ye anì tulónen kuy yóm tehe kmoen bè yóm kdaw yó. Snólók ye yó kem tuha anì tulón le kuy.

Juwél 1:2

“Ó kem tuha gel malak, hol hnungol ye nim ni. Henklingu ye se kuy, yu kem kdéen tau menwu bè nim benwu ni. Yóm klawi ye tau, deng wen kô gfà ye lómón nim sut bélê ye ni, duhen ke deng wen gungol ye lómónen ni bè yóm tehe kul kdaw yó kem tehe fù tekuy ekni? Laen duen.

Tekang Kbuten 1:27

Tahu se, nmò Dwata tau ne heskélen lu béléen. Nmoen logi ne nmoen libun.

Mark 13:27

Ominen hewót yó kem gel hógówen gu bè longit mò na a semtifun yóm kdéen tau deng nélék Dwata bè klamangen benwu.”

Dwata 30:4

Baluen he ke deng ye gotu sekla ebè tu kem benwu bè hol són tonok, kaem bud sentifunen yu yóm sana kuy Dwata hol gónó mogot ne niten yu mulék

Kehewà 34:10

Yó mon Dwata mò ke Musis, “Yu kem tau Israél, ni wen senfasad tekuy. Yó fasadu kuy, angat nmou bè yó kem hohon ye yóm tey knikò bong là deng wen hmikót mton du talak tonok. Kdê yó kem tau Israél gotu ton le ni kem tey knikò angat nmou ni. Ou se yóm sana Dwata hol gónó mogot mò du bélê ye nim tey knikò angat nmou ni.

Dwata 4:7

Yó gónó le mon du yóm yó abay se laen dù dumu but tau balù nô kwen le ke wen dwata lennged tendo moni bélê le lómón yóm klonihen bélê tekuy yóm sana kut Dwata hol gónó mogot ke wen tau htóbóng béléen.

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

2 Samwél 7:23

Tau du se mkél bè yó kem tauhem Israél, yó kem tau deng tehe nsokem bè yóm keghesek le mò hol kóm nfun. Deng tey kehtótólem boluyem bè yóm kehwaem kul gu bè Idyip. Tey dê hentaw ton yóm deng nmoem bélê le, ne deng gotu lohem yó kem dumu tau tô hemseng kul, gomong yó kem dwata kéng le.

Isaya 45:12

Ou se deng tehe dmimun du yóm klamangen benwu ne deng nmou yó kem tau nô tahen. Lemwót bè kfasangu gónóhu hnal yó kem longit seglafin. Ou se mogot du yóm kdaw ne yóm bulón ne yó kem blotik.

Amus 3:2

“Bè kdê yó kem kmuleng talak tonok tek sónen yu yóm dou nélék. Yó gónóm mon là kô gbeku du ke là tnafaku kuy bè kdê yó kem sidek gel nmò ye.”