Dwata 4:31 - Udél Dwata: Gna Kesfasad ne Lomi Kesfasad

³¹ Yóm Dwata, tey kmodu. Là kô nan e bayà kuy ne là se kô nan e genlà kuy. Ne là se kô nan e klifót du yóm deng kesfasad le yó kem tehe fù ye.

Dwata 4:31 Referans Kwoze

Kem Lingón 116:5

Tey kmodu yóm gónó tekuy mogot, ne tey kehyuhen. Tey kkoduhen tau yóm Dwata tekuy

Dwata 31:8

Dwata he fen tukô gna kóm ne tendo nô béléem. Là kô tnagaken kóm ne là kô bayaen kóm. Yó gónóm mon, hol hfólem nawam ne béi abay hlikò.”

Juna 4:2

Ne yó gónón mni bè Dwata, monen, “Ó Dwata, tahu se yóm tehe monu gu laanu là deng lemwót bè yóm tehe kdókem do. Yó tehe monu, là kô genbaem du Ninibi. Yó se tehe tô gónóhu mógów ebè Spén. Deng eles tngónu yóm tey kbong nawahem tau ne yóm tey kkoduhem kul. Deng tngónu snéen yóm tey khanayem nawahem ne yóm tey kehyuhem bè tau. Mahil béléem gel hmifót kul senta ke tnafakem lu.

Nihimaya 9:31

Okóm lemwót bè yóm alì kkoduhem kul, là kô dog bayaem kul ne là se dog genlaem kul. Tey minggel nawam yóm uu, Dwata, ne tey kkoduhem tau.

2 Tutul Israél 30:9

Abay se ke semfulék ye ebè Dwata, yó kem dumu ye ne yó kem ngà ye deng negef le, baling hyu kmò le ebélê le yó kem tau megef kul, ne angat le bud semfulék edini bè nim benwu ni. Abay se yóm sana kuy Dwata hol gónó mogot, tey hyu kmoen, ne hulung kmodu. Ke semfulék ye ebéléen, là kô bud knogolen kuy.”

Dwata 31:6

Hol ye eles htigel ne hol hfól ye nawa ye. Bê ye abay hlikò bélê le. Kaem yóm sana kuy Dwata hol gónó mogot tendo nô bélê ye. Là kô tnagaken kuy ne là se bayaen kuy.”

Kun Snulat Luk 1:72

Tehe tulónen yóm kkoduhen kul yó kem tehe fù tekuy, là kô nan e klifót du yóm tehe deng fasaden kul.

Jirimaya 14:21

Béem tódô bayà mi, Dwata, anì là myaken yóm kóm boluy. Béem mom kenbê mi, Dwata. Béem abay henyak yóm benwu Jirusalim, yóm benwu gónón nô yóm hol gónóm myón kmamal. Béem abay genbà yóm deng tehe senfasad tekuy, hol béem abay tódô bayà mi.

Kem Lingón 111:9

Deng hol tahu nsoken yó kem tauhen. Laen dù tul sónen yóm fasaden kul. Laen dù belenen yóm kun boluy, botong wen klikò te du.

Kem Lingón 111:5

Sal gel benlayen ken yó kem tau smalig béléen, là kô klifóten du yóm tehe kesfasad le.

Juswa 1:5

Bè yóm klawihem mowil, Juswa, laen kô gembek gemmò béléem, yakà tódô senflósu du nô béléem lómón yóm tehe knóu bè Musis. Là kô naw e tnagak kóm ne là se kô naw e tódô bayà kóm.

Lista 14:18

‘Ou se yóm Dwata hol gónó mogot. Là kóe mahil lembut ne sal gel hegfanu yóm tey kbong nawahu tau. Ne gotu hnifótu yó kem salà le ne yóm alì katù le do. Okóm là kô gbeku là tmafak kul bè yó kem salà le. Lemwót bè salà yó kem tuha le, là kô gbeku du ke là se tnafaku yó kem ngà le ne témê le efet kól bè getluhen ne bè gfat yóm lugod le.’ Yó se, Dwata, yóm tehe udélem ebélê me.

Nihimaya 1:5

“Ó Dwata yóm sana kum Dwata hol gónó me mogot nô bè longit. Uu se yóm hol dandónen geta, yóm Dwata knóón bang knikò. Là kóen mkó bè nawahem yóm tehe kesfasad ye yó kem tau kembong nawa kóm, yó kem tau mimón yó kem hlauhem.

Kem Lingón 105:8

Ne yóm deng tehe fasaden yó kem kun tau, laen kô dù sónen. Anien ke hilu libu bud lugod le, senged kdohoen yóm tehe fasaden yó.

Kem Lingón 86:15

Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

1 Tutul Israél 28:20

Yó bud udél Dabid ebè yóm ngaen Selumun, monen, “Hol hotuhem gelem, ne hfólem nawam, hol nmoem yóm hmò Dwata kóm. Béi abay hlikò, ne béi se abay htakas balù yóm tey kbong yóm hmò Dwata kóm. Abay se yóm Dwata yóm sana Dwata hol dou gónó mogot, tendo nô béléem. Là kô bayaen kóm, ne là se kô tnagaken kóm efet gotu gdengem yóm kdê wen muhen bè yóm ktaba ye ebè Dwata lem yóm Gónô Dwata hefdaem.

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

Kem Lingón 103:8

Tey kmodu yóm Dwata, ne tey bong nawahen tau. Là kóen mahil lembut, ne là monolen yóm kbong nawahen tekuy.

Kem Lingón 111:4

Là kô klifót kem tau du yó kem hentaw ton nmò Dwata. Tey hyu yóm Dwata tekuy, lelen tey kmodu tau.

Jirimaya 30:11

Yakà tendohe nô bélê ye naw e lenwà yu. Gotu genlau yó kem benwu deng gónów e semkla kuy. Okóm yó dum kuy là kô genlau kuy. Bede là kô gbeku du ke là tnafaku kuy. Là kô lugunu kuy là tnafak,” mon Dwata.

Kehewà 6:8

Angat nwitu yu ebè yóm benwu tehe fasadu ke Abraham ne Isak ne Jakub. Blayu kuy yóm benwu yó mò hol kuy nfun. Ou se yóm sana Dwata hol gónó mogot mon du nim ni.’ ”