Dwata 4:29 - Udél Dwata: Gna Kesfasad ne Lomi Kesfasad

²⁹ Okóm bud bè yó snéen gónó ye bud mebel nawa ke Dwata, yóm sana kuy Dwata hol gónó mogot. Ne ke hol lemwót lem but blutut ye yóm kebel ye du yó angat ton ye.

Dwata 4:29 Referans Kwoze

Kem Lingón 119:2

Hligal le kul yó kem tau mimón du yó kem hlolò Dwata kul, ne hol lemwót lem but blutut le yóm kebel le ke Dwata.

2 Tutul Israél 15:4

Okóm ke wen hlayam le, hnebel le Dwata yóm Dwata yó kem tau Israél, ne henmóyóen lu.

Kem Lingón 119:10

Béléu do, tódô hotuhu nawahu mò du yóm hmoem do. Hol tnóbóngem ou anì là guléhu du yó kem hlauhem.

Dwata 30:10

Yó se angat nmoen bélê ye ke hol nimón ye ne ke hol lolò ye yóm kdê hlauhen deng snulat bè nim Bok Hlau ni, ne ke hol hewót ye bè nawa ye yóm bud kesfulék ye ebéléen.

Juwél 2:12

Ni se udél Dwata, monen, “Balù yó hem igoen tolo wen dù kdaw, hotu ye nawa ye semfulék ebéléu mung du yóm kfasting ye ne kkik ye ne klangag ye.

Kem Lingón 119:145

Hol lemwót lem but blututu yóm ktabahu ebéléem, Dwata, hol bnalaem o. Tendo nimónu yó kem hlauhem.

Kem Lingón 119:58

Hotuhu nawahu mebel kóm. Knoduhem ou lómón yóm deng fasadem.

Nihimaya 1:9

Okóm ke bud ye semfulék ebéléu ne nimón ye yó kem deng hlauhu kuy, bud nwitu yu semfulék ebè yóm benwu deng néléku mò gónó ye tmaba ebéléu. Baluen he ke deng negef le yu ebè tu kem benwu són tonok, kaem bud nwitu yu mulék he.’

2 Tutul Israél 31:21

Yóm kdê nmoen bè yó bè Gónô Dwata ne bè yóm khotuhen gelen lemolò du yóm hlau Dwata ne yó kem hloloen kul, lemwót lem but blututen yóm kmoen du, ne yó gónón wen gendengen bè ket nmoen.

2 Tutul Israél 15:15

Tódô kdê yó kem tau Juda, gotu le hligal bè yóm ksafà le yó, abay se hol lemwót lem but blutut le yóm ksafà le, ne hol lemwót bè nawa le yóm kebel le ke Dwata, ne henmóyóen lu. Ne benlay Dwata lu kenek kbenwu.

2 Tutul Israél 15:12

Ominen wen senfasad le Dwata, duhen yóm hol kehewót le du lem but blutut le yóm klolò le ke Dwata yóm Dwata yó kem tehe fù le.

2 Bok Kem Tau Hol Geta 23:3

Lemwót yóm tau hol geta, mdà klohok yóm sotu hehek bè Gónô Dwata. Ne bè yó bè solu Dwata bud hnomihen yóm tehe senfasad le Dwata yó kem tau Israél ekni. Fasaden ke Dwata yóm hol kehewóten du lem but blututen yóm kimónen du yó kem hlauhen kul, dalang se yó kem hloloen kul. Fasaden ke Dwata yóm klolò le du yóm deng snulat lem yóm Bok Fasad. Ominen kdê yó kem tau, gotu le fmasad se kul bè yóm hol kimón le du yóm kdê deng nô lemen yóm bok yó.

Dwata 6:5

Hol hewót ye bè nawa ye yóm kbong nawa ye ke Dwata, hotu ye nawa ye ebéléen ne hotu ye gel ye mimón du.Hol bê ye abay klifót yó kem hlau Dwata deng tulónu kuy kemdaw ni.

Dwata 10:12

Duhen ni kem tau Israél, tedu se yóm hol nóyô Dwata bélê ye, yóm sana kuy Dwata hol gónó mogot? Yó nóyóen ke hol wen klikò ye du ne ke tendo nmò ye yó kem kun hlau kuy. Kóyóen ke kenbong nawa ye ne hewót ye bè nawa ye yóm klolò ye du

Dwata 26:16

Kemdaw ni, yó hmoen kuy yóm sana kuy Dwata hol gónó mogot, hloloen kuy yóm hol kimón ye du yóm kdê hlauhen. Yó gónóm mon, hol hewót ye bè nawa ye yóm kehteneb ye lemolò du.

Nihimaya 9:27

Yó gónóm mon, tódô blayem lu elem tdok yó kem hohon le. Okóm timbow deng wen gfà le, yó he kni le tóbóng ebéléem. Ne gungolem dyó bè longit yóm kni le ebéléem ne bnalaem lu. Lemwót bè yóm tey kkoduhem kul, yó gónón wen tau hógówem mò lemwà kul lem tdok yó kem hohon le.

Amus 5:4

Yó bud udél Dwata ebè yó kem tau Israél, monen, “Semfulék ye ebéléu anì mowil ye.

1 Samwél 7:3

Yó udél Samwél ebè kdê yó kem tau Israél, monen, “Ke hol tahu lemwót lem but blutut ye yóm bud kesfulék ye ebè Dwata, hol knogol ye ne yó kem tólóng dwata lolò ye dalang se yóm dwata lennged boluyen Astarti. Hogot ye ke Dwata klowil ye ne són du nimón ye. Ke ni se nmò ye, angat lenwaen yu lem hólól yó kem Flistin.”

2 Tutul Israél 15:2

Yó nmoen, senlongen Asa yóm tau hol geta, bè yóm kkólen gu bè gida, hgelen udélen monen mò du, “Hnungolem ou, ne yu kem sendalù Juda ne Bindyamin. Tendo nô bélê ye Dwata ke henek ye béléen. Ke hnebel ye, angat henmóyóen yu. Okóm ke tebel ye, angat tebelen yu se kun.