Dwata 4:27 - Udél Dwata: Gna Kesfasad ne Lomi Kesfasad

²⁷ Ke là mimón ye, angat gotu senkla Dwata yu ebè yó kem tólóng benwu ne là holen wen bélê ye bud mowil bè yó kem benwu gónó Dwata e mlo kuy.

Dwata 4:27 Referans Kwoze

Nihimaya 1:3

Ne tulón le dou yóm tey keglayam yó kem tau deng bud kól bè Juda, yóm alì kehegnok le kul yó kem tólóng tau hmilol kul. Tulón le dou snéen sana tolo kegbaen yóm beng botu hmilol Jirusalim ne là dengen bud hyu yóm bak tikeben lemwót bè yóm tehe ktem le du.

Tekang Kbuten 11:4

Omin le bud mon du, “Na tekuy hdà yóm tey syudad mung du yóm gónô geta gefet te kmawang anì hol tekuy tótól ne là sekla tekuy ebè klamangen benwu.” Tahu se, nbut le hdà du.

Tekang Kbuten 34:30

Bè yóm ketngón Jakub du yóm deng nmò le Simyun ne Libay, yó monen mò kul, “Olo ye mit dou sbeweg lem nim benwu ni. Nim nmò ye ni, lómón ke ou yóm nmò ye boo bolok bè yó kem tau bè nim benwu ni bè kem tau Kanan ne bè kem tau Pirisayt. Ke ssotu nawa le mundug tekuy, ngem kà gotu hnatay le tekuy igò tekuy là hol wen.”

Dwata 30:3

ominen yó he bud mulék koduhen kuy yóm sana Dwata hol gónó mogot. Angat niten yu mulék gu bè yó kem benwu gónón deng e semkla kuy ne bud huléken ebélê ye yóm kehyu klowil ye.

Dwata 32:26

Yó tô hendemu gotu sulék genlau lu anì laen dù bud hemtulón nawa kul.

Kem Lingón 44:11

Lómón kmoem kum, lómón ubiha mò tnétê. Deng gotu senklahem mi ebè yó kem tólóng benwu.

Kem Lingón 106:27

ne gotu senklahen yó kem semfu gu bélê le bè yó kem dumu benwu, hegefen lu ebè yó kem benwu mayuk.

Danyél 9:7

Ó Dwata, uu se yóm alì tedeng kmoen. Okóm ni, tey sidek kyak me béléem mi kem tau bè Juda ne kem tau bè Jirusalim ne kdéen tau Israél, hono tau deng gotu senklahem ebè yó kem benwu moni kkólen ebè yó kem benwu mayuk. Yó gónóm mlo kum lan me là hteneb béléem.

Sikaraya 7:14

Deng gotu senklahu lu lómón ke hfolisu lu ebè yó kem benwu mayuk, ebè yóm benwu là deng kul hnikót tngón du. Yóm benwu le tey hyu ne alì tilob, deng baling benwu laen dù bud tauhen, balù sotu ke wen bud mlan du, deng baling benwu là bud hyu menwu du.”

Dwata 28:36

Yó angat nmò Dwata, gotu hegefen yu gomong yóm tau hol geta bélê ye ebè yó kem tólóng benwu, yóm benwu là deng kuy hnikót tngón du dalang se yó kem tehe fù ye. Bè yóm benwu yó angat gónó ye tmaba ebè yó kem dwata kéng gel nmò le gu bè koyu ne gu bè botu.

Kem Lingón 44:12

Mi kem kóm tau, lómón ke deng hbaluem mi glaan ne laen kô dù bud btes me.