Dwata 4:26 - Udél Dwata: Gna Kesfasad ne Lomi Kesfasad

²⁶ Ke là nimón ye du nim monu ni, angat ye tódô kendel lana ta yóm tonok móyón nfun ye. Là kóen legen knô ye tahen yóm tonok móyón nfun ye nô sentu Él Jurdan, tódô ye gotu meglà. Kemdaw ni tnabahu longit ne tnabahu tonok mò temksì du bélê ye nim udélu ni.

Dwata 4:26 Referans Kwoze

Dwata 32:1

“Ó longit, hnungolem nim monu ni. Dalang se kóm tonok, henklinguhem nim btang bè sumóngu.

Mika 6:2

Ne yu kem bulul ne begel tonok lemwót bè hol kbuten ne laen kô dù tul sónen, hnungol ye yóm tifù Dwata yó kem tauhen. Wen tey tifù Dwata kul yó kem kun tau Israél.

Jirimaya 22:29

Ó tonok, hol hnungolem yóm udél Dwata, monen,

Jirimaya 2:12

Duhen ni, Longit, sidek kegbeng lemem du se kóm nim nmò le ni. Tahu sidek kegnómem du se kóm nim nmò le béléu ni,” mon Dwata.

Isaya 1:2

Ni se udél Dwata ebélê le yóm Dwata hol gónó mogot, monen, “Ó Tonok, Ó Longit, hnungol ye o dé. Yó kem ngà tehe hbongu deng mom knogol le o.

Juswa 23:16

Ke nulé ye yóm deng senfasad ye Dwata ne ke tmaba ye ebè yó kem dumu dwata kéng ne demsù ye ebélê le, tey sidek kbuten kuy yóm sana kuy Dwata hol gónó mogot ne angat tey ktafaken kuy. Là kóen legen gotu ye mekfung ta nim tey tonok hyu deng blayen kuy.”

Kun Snulat Luk 21:24

Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”

Isikél 36:4

Yó gónóm mon, kem bulul bè Israél, hol hnungol ye udél yóm sana Dwata hol dandónen geta. Mudél ebè yó kem bulul lemnek ne ebè yó kem bulul lembang ne ebè yó kem sbong ne ebè yó kem datal. Mudél ebè yó kem tonok, dalang se ebè yó kem syudad deng tódô gbayà alì hennê yó kem tólóng benwu hmilol, yó kem syudad deng negef le yó kem nô lemen.

Jirimaya 6:19

Ó Tonok, hmungoli se kóm. Angat wen heglumfaku kul ni kem tau ni, ulék yóm sidek tendo gel nmò le, abay se là bud hnungol le dou ne kenbê le yóm deng hlolou kul.

Isaya 6:11

Ominu smólók ke Dwata, monu mò du, “Étey, Dwata. Kmò kegenen de yóm kgel kulu le yó?” Yó balaen do, monen, “Yó kmò kegenen efet deng gotu gbà yó kem syudad le ne laen dù bud tau le ne laen dù bud gmónô tonem ne laen dù bud hulu tonem ta yó kem tonok le.

Dwata 31:28

Gotu sentifun ye lu edini yó kem tuha gónó ye gel galak ne yó kem genlal anì tulónu kul ni kem ni. Tnabahu longit ne tonok mò gemtanud yó kem tau Israél.

Isikél 33:28

Angat gotu genbau yóm benwu le, henbalingu benwu là hyu menwu du. Ne nmou sónen yóm kul kgis tendo salù le. Yó kem bulul bè Israél nmou bulul meklos, laen dù tau gembek mlan du.

Mika 1:2

Ó kem kdéen tau, ni mò hol hnungol ye. Yóm kdéen tau mowil talak tonok, hol hnungol ye yóm udélen ebélê ye yóm Dwata hol dandónen geta. Mudél ebélê ye gu lem tum Gónóen bè longit.

Tekang Kbuten 19:13

abay se genlà me ne nim syudad ni. Deng gungol Dwata yóm sidek tifù le kul ni kem tau nô bè ni, yó gónón hógów kum anì ne me e genbà nim syudad Sodom ni.”

Dwata 7:4

Abay se angat nit le lu hlayuk bè Dwata ne mo le mom tmaba ebè yó kem dumu dwata. Ke ni se nmò ye, lenbuten yu Dwata ne tódô henmung genlaen yu.

Dwata 8:19

Hol bê ye abay klifót yóm sana kuy Dwata hol gónó mogot ne bê ye abay beklil ebè yó kem dumu dwata ke tô ye tmaba ebélê le ne ke tô ye mtud bukol bè solu le. Ke ni se nmò ye, eles tulónu kuy kemdaw ni angat ye tódô gotu meglà.

Dwata 8:20

Ke là nimón ye ke Dwata, angat ye gotu mimot meglà lómón yóm keglà Dwata yó kem dumu but tau nô ta yóm tonok blayen kuy.

Dwata 28:20

Ke mò ye sidek ne ke kenbê ye Dwata, angat wen tey glumfak hwit Dwata ebélê ye ne senbewegen kmò kehedem ye. Angat tey keglayam ye. Ngangen mò kuy efet ye gotu meglà yóm kdê ye.

Dwata 28:22

Angat wen tey des sidek mahil gónó gbót hwiten ebélê ye, mung du yóm des bnolok ne des kinì. Ne bud heglumfaken kuy snéen yóm tey ékét kinì kdaw ne yóm tey lenos kinì mò hemsidek yó kem hulu ye. Ni kem heglumfak Dwata kuy ni, ngangen mò kuy efet ye gotu matay.

Dwata 28:45

Ke là nimón ye ke Dwata, yóm sana kuy Dwata hol gónó mogot ne ke là lolò ye du yóm kdê hlauhen kuy, angat gefet bélê ye ni kem heglumfak Dwata ni efet ye gotu meglà.

Dwata 28:61

Angat bud hwiten ebélê ye snéen yóm kdê kay des, ne yóm kdê kay des alì leed mógów lem benwu, yó kem des là deng tulónen du bè nim Bok Hlau ni ne angat ye gotu meglà.

Juswa 24:20

Ke knogol ye ne deng ye mom tmaba ebè yó kem tólóng dwata, angat hohonen yu ne tnafaken yu. Angat genlaen yu baluen ke tey tilob kmoen ebélê ye bè yóm gnan kdaw.”

1 Bok Kem Tau Hol Geta 9:7

angat hdóhu yó kem tau Israél bè yóm tonok deng tehe blayu kul. Angat kenbéu snéen nim Gónóu ni, balù yóm deng kfunu du mò mit yóm dou boluy. Ne yó kem tau Israél angat henbalingu lu tau mò sendekà ne kenhisik yó kem tau bè dumu benwu.

Jirimaya 32:24

Hnénégem dé yóm deng nmò yó kem hohon me tódô genbà le yóm beng lemibut yóm syudad ni anì gusek le elemen. Angat btang elem hólól yóm tau hol geta mogot yóm benwu Babilun nim syudad ni mlan bè gida ne bè bitil ne bè des. Kdê yó kem deng tehe monem, deng gotu dohò ne.